الموضوع: زهقت من شغلي و من مديري

مفيش شغل نموذجى و كل شغل فيه حتة مقرفة و الى تعرفه قرفه احسن من الى انت فاكره احسن

متنقلش رجلك غير و انت عارف انت رايح فين و كل يوم بتقضيه فى شغلك المقرف يعتبر زيادة فى خبرتك و زيادة فى السى فى

و لما تنقل هتلاقى برضه قرف و شخصيات مقرفة و عصافير و جواسيس و حقد و و و و و

كل مكان كده

المشاركة الأصلية كتبت بواسطة matrix_it

طيب سؤالي هل كل الاشغال فيها اهانة ؟ و لو سبت الشغل و رحت القاهرة فين الاماكن اللي فيها شركات غير العاشر من رمضان

بص, لازم تعرف أن احنا عايشين في عالم أبعد ما يكون عن المثالية, سواء بقى قاهرة أسكندرية أو برا مصر خالص..
العادي في أجواء الشغل ان بيكون في تعارض للمصالح و كل واحد بيدور على نفسه و مصلحته, فطبيعي هتلاقي اهانات و نفسنة و كل ما هو خبيث من اللي حواليك سواء في وشك أو من ضهرك..
فلو أنت مش عاجبك الشغل لمجرد أن الأجواء مش مريحة أو بتشعر بالأهانة من حد معين, فتأكد أنك لو روحت مكان شغل جديد هتلاقي الأوضاع مختلفتش كتير أن مكنتش تحولت للأسوأ..
نصيحة صغيرة, سيب كرامتك في البيت قبل ما تروح الشغل و متخليش كل حاجة تبقى على أعصابك..

المشاركة الأصلية كتبت بواسطة tasaka

دى بتختلف من شخص لاخر .. و لا اعتقد انها نصيحه سليمه

انا مش قصدي انك تتخلى عن مبادئك بالعكس الواحد لازم يتمسك بالمبادئ اللي بتكون شخصيته, انا بتكلم على ان التعامل في الشغل مش المفروض انه يدخل في نطاق الحساسيات الشخصية و اني بقى احس بالاهانة من حد انه كلمني بعنف شوية في حاجة تخص الشغل في الاخر.
انا عن نفسي كتير بكون عنيف في الشغل و في ناس ببقى مضطر اكون ناشف معاهم في الكلام عشان يشوفوا شغلهم, اكيد بقى مش هفكر و انا بعمل كده اني ممكن بكون بجرح شعور حد او حزيت في كرامة حد عشان هو مبيبحش حد يعنفه, انا تفكيري الاول هيكون في مصلحة الشغل بعيداً عن اي مشاعر..