مشكلتي أنا وأمبير الحرارة

**MO7AMED S3OUDY** · 27-03-2016 05:51 PM

بسم الله الرحمن الرحيم
انا عضو جديد في المنتدي المحترم دا وعلي فكرة انا بقالي سنين متابع المنتدي والعربيات والمشاكل وقررت أشترك اول ما الحمد لله جبت عربيتي ال byd بجد عربية محترمة بكل ما في الكلمة من معني بس مش عارف ليه احيانا العداد بتاع الحرارة بيعدي فوق النص وبعدها بلاقيه يروح نازل تاني وثابت ع النص لو حد عنده فكرة لحل الموضوع دا يا ريت يفيدني وعلي فكرة العربية مش بتنقص ميه او حاجة بس هي دي المشكلة معايا بس وعلي فكرة موديل العربية 2013
وانا اسف علي طول الموضوع وتقبلوا مروري اخواني الكرام

**عبدالله برعى** · 27-03-2016 07:23 PM

اسباب ارتفاع مؤشر الحرارة:.
- مشكلة فعليه
- مشكلة وهمية
لو الاولي يتم الكشف علي دورة التبريد وثرموستات الكوعه

**shaky** · 28-03-2016 05:37 PM

دا سلك الارضى بتااع الموتور عايز يشبك بس

**Ahmed_BYD_F0** · 26-04-2016 06:04 PM

المشاركة الأصلية كتبت بواسطة shaky

دا سلك الارضى بتااع الموتور عايز يشبك بس

وازاى اتاكد ان سلك الارضى بتاع الموتور عايز يشبك
وازاى اشبكه ورجاء اشرحلى بالصور لو امكن

**دعبدالرحيم** · 28-04-2016 05:07 PM

طيب ما هي الحراره كدا مضبوطه ..النص دا يعني في حدود 80 متعلبش في كهربة العربيه او اسلاكها.. اعتقد كدا العربيه حرارتها تمام

**Ahmed_BYD_F0** · 30-05-2016 01:02 PM

واللى عربيته بتسخن مع تشغيل التكييف يبقى سببه ايه؟
يا ريت يا جمعة اللى يعرف حل المشكلة دى يشرحلى ازاى احلها وليكى جزيل الشكر

**ahmedselaraby** · 06-07-2016 02:26 PM

موضوع الحرارة ده حصلى

السلام عليكم

الكلام ده حصل فى شهر رمضان الحالى 2016

و الوصف الدقيق للى كان بيحصل ان المؤشر كان بيعلى عن النص بشرطتتين و بعديها المروحة تشتغل تنزل المؤشر للنص تانى يعنى المروحة كانت بتشتغل متأخر عن العادى بشرطتتين زياده فى العداد

كنت فى منطقة الكربة بليل بعد الفطار ,, و صادف ان كان جنبى تاكسى بى واى دى ماشى جنبى و الدنيا كانت زحمه و سرعه السير شبه متوقفه فعرفت اسأله و سألته

"ياسطى ,,,, المروحة بتشتغل متأخر عن العادى بعد ما تكون الحرارة عدت النص""

قالى "كهربائى"

كلمت شريف الكهربائى "راجل جدع" ايه يا عم شريف الموضوع كذا كذا

تعالالى دلوقتى عشان طالع مشوار بعديك

لفيت و رجعتله هو جنب مستشفى الرحمة قريب من شارع هارون الرشيد

بص يا عم الشريف ,, ادى مفتاح العربيه ,, انا جنبك هنا عند العزازى للطباعة حطبع حاجه للشغل و حجيلك بعد ربع ساعة

ماشى

رجعت

هاااااه ايه الاخبار

البطارية السائلة مملحه تحتيها و اثرت على الارضى ,,

نضف تحتيها و ميه سخنه و حط زيت منطقة اسفل البطارية

و من ساعتها الحرارة تمام و المروحة تمام و الليسطه .....

قالى غير ام البطارية ديه عند الجافه ب 470 ححسبهالك ب 400 يااااااااااااااااالله

الصراحه لسه مغيرتش ,,, ايه رأيكوا اغير دلوقتى و لا استنى شوية لحد ما تجيب اخر اخرها و تعطل

و لكم كل الشكر