عشاق و ملاك البيتلز بالمنتدى

**ahit** · 19-01-2009 01:14 AM

المشاركة الأصلية كتبت بواسطة ihab

يا جماعة انا تحت امركوا فى اى حاجة بشوية المعلومات المتواضعة اللى عندى و ربنا يكرمنا و نقدر نفيد الناس كلها ان شاء الله
بالنسبة للاسبراى الخاص بالتنظيف ممكن من التوفيقية او من اى مارت من محطات البنزين و ده بيبقى فى حدود ال 25 -30 جنيه تقريبا
استاذ احمد - ربنا يبارك فيك و بجد انا نفسى اشوفكوا قريبا ان شاء الله
استاذ هاشم - ربنا يبارك فى حضرتك - بالنسبة لموضوع العوامة اعتقد لو جبتها جديدة حاتبقى ارخص ( حتى لو اغلى سعرها ) من انك كل شوية لرايح جاى على بتوع العدادات و الله اعلم بيبوظ و لا بيصلح

السلام عليكم و رحمة الله و بركاته

شكراً على الكلام الجميل و حسن الخلق و التعاون
( الله فى عون العبد ما دام العبد فى عون أخيه )

أنا فعلاً سألت على الإسبراى الخاص بالكربراتير و لقيت نوعين أمريكى ( علبة صفراء بـ 25 جنية - علبة زرقاء بـ 20 جنية ) و ماعرفتش أجيب إيه بصراحة ؟!!!

* غالبية أعضاء البيتل متشوقة تشوف بعضها بس مش عارف ليه إحنا مكسلين و مش بناخد خطوات إيجابية للمقابلة ؟!!! و لازم يكون الهدف الأساسى من المقابلة هو التعارف و بناء صداقات جديدة يليها تبادل خبرات و مناقشات و خلافه ... و لازم نستقطع من وقنا و مجهودنا لخدمة بعضنا البعض فنياً و إجتماعياً و مهنياً و غيره ... ولا أنا كلامى غلط؟؟؟؟

شكراً للأستاذ / إيهاب ... و لكل من يسعى للمساعدة و التفاعل مع باقى الأعضاء

:k10:

:k32:

**ابوهاشم** · 19-01-2009 01:32 AM

والله ياجماعه انا عن نفسى بشجع فكرة اننا نتقابل ونحدد ميعاد يناسبنا جميعا ومكان وسط بينا وفعلا ممكن نفيد ونستفيد من بعض
ده غير اننا هنتعرف على شخصيات محترمه بجد
وعلى فكره بخصوص العوامه انا امبارح كان معايا واحد زميلى فى العمل هو معاه بيتلز وجربت انا وهو نغير مع بعض العوامات علشان اعرف العوامه اللى معايا بايظه ولالا وكنت فعلا قررت انى اشترى واحده جديده لان الاستاذ احمد حسن كان قاللى انها ثمنها 125 جنيه جديده عند واحد فى المنيل على ما اتذكر
بس المفاجئه أ نى لما بدلت العوامات مع زميلى لقيت عوامتى شغاله عنده كويس وعوامته عندى برضه مش مظبوطه وفهمت طبعا انه مش عيب عوامه وكمان العداد لما بنعمله قفله على الارضى بنلاقيه يوصل للاخر
انا طبعا كنت هتجنن خلاص مش عارف العيب منين العداد سليم والعوامه سليمه
وكمان انا مش عارف كده اروح لمين كهربائى بقى ولا بتاع عدادات تانى
انا كنت خلاص قولت هشترى عوامه علشان اخلص من المشكله دى دلوقتى بقيت فى حيره ياريت حد يفيدنى

**أحمد سالم** · 19-01-2009 05:01 AM

السلام عليكم
اخ هاشم اولا ارجو منك ان تخبرنا بموديل سيارتك اقصد سنة الصنع
وهل العداد عندك كهذا الشكل وهل العوامه ايضا كالاشكال الاتيه

لو كان العداد عندك نفس الشكل فأنا اعتقد انه لازم نقوم بتقياس المقاومات اللى فى العداد من الداخل على الافو متر لنحدد انها تعمل بشكل جيد ام لا

**ابوهاشم** · 19-01-2009 01:37 PM

السلام عليكم
استاذ احمد سالم
فعلا هو نفس العداد ونفس العوامه اللى عندى نفس الشكل

**ihab** · 19-01-2009 01:41 PM

استاذ احمد سالم مواضيعك متميزة و مدعمة بالصور و الرسومات التوضيحية
احييك بشدة و اشكرك على هذا المجهود جزاك الله خيرا و ربنا يجعله فى ميزان حسناتك ان شاء الله

**adelmagdy** · 19-01-2009 02:21 PM

طيب يا استاذ احمد انا عندي العوامة نفس الشكل ونفس العداد المشكلة ان العوامة تشتغل وبعدين تفصل نفسي اعرف المشكلة من ايه

**ابوهاشم** · 19-01-2009 02:57 PM

نسيت اقول ان العربية موديل65

**أحمد سالم** · 19-01-2009 07:01 PM

طيب اخوانى الكرام هل حاولتو تشوفو قياس المقاومات اللى فى العداد من الخلف ممكن تكون فيها مشكله مادام ان الكل التوصيلات مظبوطه وانا ان شاء الله هحاول ابحث لكم عن الحل
واشكر جدا الاخ ihab على كلامه الجميل والمشجع

**أحمد سالم** · 19-01-2009 07:34 PM

انا لقيت موضوع فى احد المواقع ممكن برده يساهم شويه فى حل المشكله وهو كيف يعمل مؤشر البنزين والعوامه
و كيف تصل القراءة الصحيحه لما في الخزان او مايسمى بلتانك
وعلشان نعرف لازم ناخد فكره عامه عن طريقة عمل المؤشر والعوامه
الاول نتابع الصور

نظرية التشغيل
في العوامة

وحده الارسال

عوامة
ملف المقاومة

وحدة الاستقبال الي هي في الطبلون

ملف الكويل

اسلك الكهرباء
قضيب المعدن ا----------------
وحده خارجية

البطارية
منظم الفولت
نبتدي بوحدة الارسال
وهي العوامة
و العوامة الموجوده في الخزان الكل يعرفها
هي الي ترتفع برتفاع منسوب البنزين في الخزان

مقاوم الحرارة الكيبل

الموجود مع مع
العوامه
وهو مسنن وعبارة عن ملفات مثل ملف مروحة البيت
اذا دورت مفتاح مروحة البيت تخليها على رقم واحد او اثنين تختلف قوه الكهرباء الصادرة للمروحة وهكذا تحقق قوة المقياس
زياده او نقصان

وهذه القطعة تعطيك مؤشر جيد للكهرباء التي يمكنك ان تنقلها لخارج الخزان لمعرفة كمية البنزين

المؤشر نفسه يعطي كهرباء الى

وحده الاستقبال
الوحده الداخليه

وحدة الاستقبال
هي عبارة عن مؤشر البنزين في الطبلون
1- ملف الكويل الساخن
2- ومؤشر البنزين في السيارة
3- القضيب المعدني

ملف الكويل الساخن

هو الناقل لقراءة الكهرباء المتغيره الي عرفناها من كيبل المقاومة و الي قلنا انه يعطي قوه مختلفة مثل مفتاح مروحة البيت الكبيره

بالتالي يعطي قوة كهرباء ضعيفة اذا كانت العوامة نازله
طيب اذا كان المؤشر عطى قوه ضعيفة للكويل ماذا يعني

يعني ان الملف سوف يسخن وقبل هذا نبي نعرف اذا سخن ايش يعني فايدته بتسخين
لازم نعرف اول شي المعدني ايش مواصفاته وتركيبته علشان تكتمل الفكره

القضيب المعدني

هو عبارة عن معدنين ملصوقين ببعض ببرشام او لحام
معدنين مختلفين في سرعة التمدد مثلا نحاس وحديد او ماشابه ذلك
لماذا هذه الحركة حتى اذا تمددو يتمددون بشكل منحني وهذا هو الملطوب

اذا تم الانحناء القضيب المعدني بيسحب معاه العداد الي هو مؤشر البترول في الطبلون

وبحسب الكويل الموجود على القضيب وقوة الكهرباء يعطي حرارة تزيد وتنقص وبتالي القطعة المعدنية تزيد وتنقص في الميلان

سؤال: بعض مؤشرات عداد البنزين في بعض السيارات تكون الكترونية ، هل فكرة عملها نفس فكرة عمل المؤشرات التقليدية ؟

كما قلت في التقرير هذه فقط الفكره لنفهم طريقة العمل وهي بلا شك قريبه منها وخاصة من ناحية الخزان وتختلف من ناحية الطبلون بضافة هذه الاكترونيات في التصميم واكيد مايكون فيه موجود عامود ومؤشر يتمدد

ان شاء الله يكون الموضوع مفيد لكم وشكرا

الموضوع منقول للفائده

**ahit** · 20-01-2009 03:29 AM

السلام عليكم و رحمة الله و بركاته

تسلم إيدك و دماغك يا أحمد يا سالم - ماشاء الله عليك

هو دا فعلاً شكل العداد و العوامة بس المشكلة فى قياس المقاومات
يا ترى مين الصنايعى الفاهم اللى ممكن يقيس المقاومات دى؟!!!!
و هل المقاومة لو بايظة ممكن نلاقى زيها جديدة ؟

أنا عارف إن عنك أفوميتر تمام بس أنا مش بفهم فيه , عشان كدا نتقابل عالعادة و نجرب و نشوف النتيجة و ربنا يسترها و ما نغرقش فى شبر بنزين و منعوذش نشترى عوامة !!!!!!! ههههههههههههههه :k48:

حبيبى و الله

الموضوع: عشاق و ملاك البيتلز بالمنتدى

LinkBack

أدوات الموضوع

عرض

-

-

-

-

-

-

-

المواضيع المتشابهه

رجاء المساعدة من عشاق البيتلز

الي كل عشاق البيتلز

طلب من كل عشاق البيتلز

إلى عشاق البيتلز

الي عشاق البيتلز ؟

الكلمات الدلالية لهذا الموضوع

المفضلات

المفضلات

ضوابط المشاركة