المشاركة الأصلية كتبت بواسطة hashem1999
السلام عليكم
ياجماعه انا بيحصل معايا حاجه غريبه مش فاهمها
احيانا وانا ماشى بالسياره بحس بصوت فرقعه من الشكمان واموضوع ده مش بيحصل كتير هى مره او مرتين بس انا مفاهم ده من ايه
كمان فى حاجه نفسى افهمها احنا ليه عاملين خرطوم فايص الزيت متوصل بالعمه وايه الحكمه من كده مع ان العمه فيها فلتر الهواء ومنها للكاربراتير هو الزيت الفايص ده مافيش خطر على الكاربراتير او فلتر الهوا منه وليه منخليش الخرطوم ده يرمى على الارض وخلاص برضه انا خبرتى على قدى بس لو حد فاهم يقوللى ايه الصح
الحاجه الثالثه
خرطوم الفايص بتاع البنزين اللى هو الخرطوم الرفيع اوى ده بيرمى على الشنطه من قدام انا من يومين كنت بمون فى البنزينه وفولت التانكوانا خارج اكتشفت ان الكلاكس فصل ركنت ونزلت اشوف ايه الحكايه وطبعا فتحت الشنطه علشان ابص على الكتاوت فوجئت ان الشنطه فيها بنزين كتير متسرب يمكن يوصل 1 لتر تقريبا اتجننت ساعتاه وافتكرت ان التانك اتخرم وفضلت ادور التثريب منين لحد مالقيت التانك سليم ومافيش حاجه وعرفت ان البنزين ده من خرطوم الفايص بتاع البنزينوهو الراجل بيفول التانك الزياده اتثربت وغرقت الشنطه
والسؤال هنا برضه خرطوم الفايص ده ايه فايدته ولو لغيته ايه اللى هيحصل على الاقل ان الشنطه دى فيها كل اسلاك الكهرباء والكتاوت والكلبسات ولو لاقدر الله حصل اى شرز ممكن يسبب كارثه بعد التفويل طبعا ياريت اللى فاهم يفهمنى
السلام عليكم و رحمة الله و بركاته
إزيك يا أستاذ/ هاشم
و الله انت بتفتحلنا مواضيع عظيمة و ممتازة تهمنا كلنا و فعلاً بتحصلنا كتير لكن فى البداية ما بنكنش عرفين السبب إلا مع الوقت و التجربة.
أولأ:-
موضوع الفرقعة دى بيكون من الشكمان المخروم يعنى بيكون فيه خرم أو خرمين صغيرين فى الشكمان و بيسببو الفرقعة دى و خاصة مع كبس الماتور , و لكن أحياناً دا بيحصل لما بيكون الكوندينسر بايظ بردو .
و الكلام دا حصل معايا زمان و كشفت على الشكمان و لقيته سليم و لكن الكوندينسر كان بايظ و لما غيرته و ظبط الكهربا الحمد لله الصوت راح و لكن من أسبوع تقريباً كنت بركن فالديول بتاعة الشكمان خبطت جامد فى الرصيف و من ساعتها أحياناً بسمع فرقعة و كمان صوت الشكمان للأسف بقى عالى و متهيألى محتاج علبة شكمان جديدة.
ثانياً :-
العمة الخاصة بالكلبراتير فى البيتلز نوعين
نوع حديد بيكون جواه زيت و دى صورته :
و النوع التانى بلاستيك جواه فلتر هواء و دى صورته :
المهم فايده الخرطوم المتوصل بين فتحة تزويد الزيت و العمة إنو بيوصل بخار الزيت للكربراتير و بدوره بيوصله للبساتم اللى بيعملها نوع من التليين و التشحيم عشان وش البستم ما يكونش ناشف و يكون سهل فى الحركة و مايتكسرش بسهولة و دا كلام معظم الميكانيكية اللى إتعاملت معاهم .
و لو لاحظت هاتلاقى فتحة تانية بماسورة تحت الفتحة اللى بيتركب فيها الخرطوم و دى فيدتها تسريب الزيت الزيادة و الفايز و لكن لتحت الماتور
و دى صورة بتشرح اللى بقوله :
أما موضوع البنزين فهو فى غاية الأهمية
المفروض إن التانك فيه عدة فتحات سواء للتهوية عشان ما يسببش ضغط و إما للفايز الخاص بالبنزين و هما المفروض متوصلين بعده خراطيم و دايرة معينه بشوفها عندى و لما بيكون التانك مفول على الآخر بشم ريحة بنزين بس الحمد لله مافيش تصريف للبنزين داخل الشنطة لأنى بردو بحس بقلق لما بشم ريحة البنزين و كنت بفكر أروح للحاج/ محمد على يراجعلى عليها بالمره لأن دا شىء فى غاية الأهمية جداً و مش لازم نسكت عليه.
و لكن هلى البنزين عندك بينزل من خرطوم الفايز ولا من الكاوتشة بتاعة الزور اللى بين التانك و فتحة التموين؟
لأن أحياناً الكاوتشة دى بتكون مشققة و بتسرب بنزين و بيكون تغيرها سهل و بسيط و تكلفتها بتكون 10 جنية للمضروب و 25 جنية للألمانى الأصلى.
و شكراً
المفضلات