الموضوع: اسئله مهمه عن اللانسر

الإناذر ده أنا برضه ركبته عند سبير كار وهو عادي بس من غير ريموت بيشغلهولك على سنتنر العربية بنفس المفتاح والسارينه بتاعته عاليه وجميلهومش محتاج فك حاجات كثير يادوبك هي القنصوله اللي تحت الدريكسيون .

الاستاذ الفاضل ali1spc انا جايب الاسبويلر من محل من عندنا فى المنصوره ب 250 جنيه بدون رش طبعا ورحت لورشه الدوكو اللى بتعامل معاها عندنا ورشيته ب 50 جنيه وركبته عند واحد سمكرى نضيف بتعامل معاه برضه و اديته 10 جنيه هوا خرم خرمين فى اليمين و خرمين فى الشمال و خرم تانى علشان السلك بتاع اللمبه و الكهربائى وصل السلك على طول الشغلانه كلها ماخدتش ربع ساعه و الاسبويلر زى الاصلى بالضبط و بالنسبه للانذار فعلا زى ما قال الاستاذ اسلام بيكون جاى من غير ريموت و الكهلربائى اللى بيركبه بيوصله على سنتر العربيه ( لازم يكون كهربائى ممتاز مش اى كلام ) و برضه العمليه ما خدتش ربع ساعه زمن :)

عملتهم عند مين في المنصورة الرجاء بالتفصيل لاني من المنصورة

الاستاذ الفاضل hatem_badawe انا اشتريت الاسبويلر و الانذار من محل فى الحسينيه اسمه هادى الفلاح اللى جنب مكاوى بتوع قطع غيار الفواكس و الاسكودا و الناس هناك محترمين و ذوق جدا و انا كنت اشتريت من عندهم الفرش الجلد و صدادات نيكل و شويه اكسسوارات للعربيه كمان و هوا لما بتيجى تشترى الاسبويلر بيقولك ممكن يرشوهولك بزياده 100 جنيه و هوا كمان اللى بيركبه مجانا بس انا انا قولتله انا اللى هاخده ارشه ورشيته ب 50 جنيه و ركبته عند الناس اللى بتعامل معاهم

لا يا استاذ اسلام الصدادات النيكل دى بتركب على الاكصدامات و بتدى شكل حلو و انا مركب برده باكتات نيكل على الابواب

حاضر يا استاذ اسلام ان شاء الله هصورلك العربيه و الصدادات و الباكيتات النيكل