جربت امبارح افول العربية ( لادا ٢١٠٥ مو ٩٥ ) بنزين ٩٢، وحطيت معاه عبوة منظف لرشاشات الموتور بـ ٤٥ جنيه، حسيت بفرق شوية بالذات في السحب على الطرق المفتوحة.

بس كنت عايز اعرف تجاربكم اكتر للي جرب ٩٢ مع لادا ٢١٠٥، هل الفرق فعلا من البنزين ولا من المنظف ؟

وكمان، حصلت معايا مشكلة غريبة جداً !
وهي اني فولت كده امبارح على الساعة ٢ الظهر تقريبا، وركنت العربية، وكان مؤشر البنزين شغال من غير مشاكل، دورتها النهاردة الصبح لقيت المؤشر على بين ال ١ و ال نص !، استنيت شوية وبدأت اتحرك لقيته نزل على الزيرو !
مشيت شويتين لقيته رجع قبل الزيرو بشوية، وبعدين رجع لل ١، وبعدين فضل بين الواحد والنص بس بيتهز طول مانا ماشي !
الغريب اني لسة مغير عوامة البنزين من شهر تقريباً، وكانت شغالة ممتازة جداً من غير اي مشاكل !
هل ممكن بنزين ٩٢ يكون سبب مشكلة فيها ؟
ولا المنظف ؟ مش عارف !

وشكراً مقدماً !