الكفائه الحراريه thermal efficiency

**banzai** · 26-04-2016 10:40 PM

ليه هوندا رجعت لسباقات الفورميولا 1 بدايه من عام 2015 ؟
قوانين الفورميولا 1 اتغيرت منذ 2014 و اشترطوا على الشركات المصنعه للمحركات ان يكون مواصفات المحرك
1.6 لتر حقن مباشر 6 سلندر مع شاحن توربينى و وحدة طاقه ميكانيكيه حيث تخزن الطاقه المتولده من الفرامل
و وحدة طاقه حراريه لتخزين الطاقه المتولده من العادم لتحويلهم لقوه حركيه ( horse power ) بشرط
الاعتماد على 100 كجم فقط من الوقود طوال السباق مع منع اعادة التزود بالوقود

طيب يعنى ايه كفائه حراريه ؟
يعنى مقدار الاستفاده من الطاقه الداخله للمحرك و تحويلها الى قوه او طاقه خارجه من المحرك
يعنى المحرك هيطلع قوه اد ايه من عملية الاشتعال بين خليط الهواء و البنزين !!
لمدة 117 سنه استطاعت شركات تصنيع السيارات من الوصول الى كفائه حراريه 30%
فى اخر سنتين فقط من سباقات الفورميولا 1 بعد استخدام هذه المحركات الهجينه استطاعت الشركات المصنعه
الوصول الى 47% بدأ من 40 %
هتفيد فى ايه الكفائه الحراريه ؟
بتعلى القوه الناتجه من المحرك و بتقلل انبعاثات الكربون مع تقليل كمية الوقود المستخدمه
كخطوه اوليه كان لازم المحركات تكون حقن مباشر لان الحقن المباشر نسبة فقد الطاقه الحراريه فيه اقل من الحقن المتعدد

و كمثال صغير محرك شركة مرسيدس المشاركه به فى سباقات الفورميولا حاليا ينتج 900 حصان عند
47% كفائه حراريه
و قد صرح كبير مهندسى مرسيدس فى فريق الفورميولا 1 اندى كاويل andy cowell انهم اذا استطاعوا الوصول الى 100% كفائه حراريه يستطيعون اخراج 1750 حصان من المحرك بنفس المواصفات الحاليه
و بدون الحاجه لاكثر من ال 100 كجم المقرره للوقود لاكمال مسافة السباق كامله

كلام رائع و ابداع ما بعده ابداع سبحان من لم يعطنا من العلم الا القليل

حبيت اشارككم اخر تقنيه ابتكرتها الشركات المصنعه من مرسيدس و فيرارى فى موضوع الكفائه الحراريه
اللى موصلاهم دلوقتى لقريب من 50% كفائه حراريه و هو ما يسمى غرفة فرعيه للحقن المباشر و الاحتراق

تقوم فكرة عملها على وضع غرفة صغيره بداخل غرفة الحقن الرئيسيه حيث يتم في الغرفه الفرعيه الصغيره عملية الحقن المباشر و الاشتعال بحيث يكون هناك 97% من اجمالى طاقة الوقود فى الغرفه الرئيسيه و 3% فقط من اجمالى طاقة الوقود فى الغرفه الفرعيه حيث يتواجد بها فتحات صغيره تقوم باطلاق دفعات متتاليه من الطاقه تحت ضغط عالى جدا بحيث تكون الغرفه الفرعيه هى العامل الرئيسى المتحكم فى عملية الاشتعال
طيب الكلام ده هيساعد فى ايه ؟
هيخليك تقدر تضخم عملية التفجير detonation و بالتالى تقدر تزود كمية الطاقه الناتجه اللى هى حصان القوه مع استخدام كمية اقل من الوقود , كمان الفتحات الصغيره nozzles اللى هيا موجوده فى الغرفه الفرعيه المسؤله عن خليط الهواء و الوقود و الاشتعال هتكون موجهه بصورة اكثر دقه و هتؤدى الى قابليه اكبر على الاشتعال و كمان هتؤدى الى ان يكون الاحتراق بعيدا عن اجناب السلندر مما سيؤدى الى تقليل انتقال الحراره و زيادة الكفائه
يعنى باختصار عملية خلط الهواء و الوقود و الاشتعال الجزئى فى الغرفه الفرعيه هيؤدى الى دفعات من البلازما المشتعله تصل الى البساتم من الاطراف الخارجيه فقط و تشعل باقى خليط الهواء و الوقود
فى حين ان عملية الاشتعال العاديه تحدث فى منتصف مركز السلندر

تخيل بقى حضرتك لو الموضوع ده تم تطبيقه فى السيارات التجاريه العاديه كمان 5-10 سنين بكل مستجداته
Ferrari's Formula 1 jet ignition - Formula 1 - Motor Sport Magazine
* انا مش مهندس انا هاوى

**SAMEH_FOUAD** · 27-04-2016 12:23 AM

موضوع ممتاز , وفعلا التطوير كل يوم ومش عارفين هيتوقف لحد فين

**Colin Chapman** · 27-04-2016 12:56 AM

المشاركة الأصلية كتبت بواسطة banzai

ليه هوندا رجعت لسباقات الفورميولا 1 بدايه من عام 2015 ؟
قوانين الفورميولا 1 اتغيرت منذ 2014 و اشترطوا على الشركات المصنعه للمحركات ان يكون مواصفات المحرك
1.6 لتر حقن مباشر 6 سلندر مع شاحن توربينى و وحدة طاقه ميكانيكيه حيث تخزن الطاقه المتولده من الفرامل
و وحدة طاقه حراريه لتخزين الطاقه المتولده من العادم لتحويلهم لقوه حركيه ( horse power ) بشرط
الاعتماد على 100 كجم فقط من الوقود طوال السباق مع منع اعادة التزود بالوقود

طيب يعنى ايه كفائه حراريه ؟
يعنى مقدار الاستفاده من الطاقه الداخله للمحرك و تحويلها الى قوه او طاقه خارجه من المحرك
يعنى المحرك هيطلع قوه اد ايه من عملية الاشتعال بين خليط الهواء و البنزين !!
لمدة 117 سنه استطاعت شركات تصنيع السيارات من الوصول الى كفائه حراريه 30%
فى اخر سنتين فقط من سباقات الفورميولا 1 بعد استخدام هذه المحركات الهجينه استطاعت الشركات المصنعه
الوصول الى 47% بدأ من 40 %
هتفيد فى ايه الكفائه الحراريه ؟
بتعلى القوه الناتجه من المحرك و بتقلل انبعاثات الكربون مع تقليل كمية الوقود المستخدمه
كخطوه اوليه كان لازم المحركات تكون حقن مباشر لان الحقن المباشر نسبة فقد الطاقه الحراريه فيه اقل من الحقن المتعدد

و كمثال صغير محرك شركة مرسيدس المشاركه به فى سباقات الفورميولا حاليا ينتج 900 حصان عند
47% كفائه حراريه
و قد صرح كبير مهندسى مرسيدس فى فريق الفورميولا 1 اندى كاويل andy cowell انهم اذا استطاعوا الوصول الى 100% كفائه حراريه يستطيعون اخراج 1750 حصان من المحرك بنفس المواصفات الحاليه
و بدون الحاجه لاكثر من ال 100 كجم المقرره للوقود لاكمال مسافة السباق كامله

كلام رائع و ابداع ما بعده ابداع سبحان من لم يعطنا من العلم الا القليل

حبيت اشارككم اخر تقنيه ابتكرتها الشركات المصنعه من مرسيدس و فيرارى فى موضوع الكفائه الحراريه
اللى موصلاهم دلوقتى لقريب من 50% كفائه حراريه و هو ما يسمى غرفة فرعيه للحقن المباشر و الاحتراق

تقوم فكرة عملها على وضع غرفة صغيره بداخل غرفة الحقن الرئيسيه حيث يتم في الغرفه الفرعيه الصغيره عملية الحقن المباشر و الاشتعال بحيث يكون هناك 97% من اجمالى طاقة الوقود فى الغرفه الرئيسيه و 3% فقط من اجمالى طاقة الوقود فى الغرفه الفرعيه حيث يتواجد بها فتحات صغيره تقوم باطلاق دفعات متتاليه من الطاقه تحت ضغط عالى جدا بحيث تكون الغرفه الفرعيه هى العامل الرئيسى المتحكم فى عملية الاشتعال
طيب الكلام ده هيساعد فى ايه ؟
هيخليك تقدر تضخم عملية التفجير detonation و بالتالى تقدر تزود كمية الطاقه الناتجه اللى هى حصان القوه مع استخدام كمية اقل من الوقود , كمان الفتحات الصغيره nozzles اللى هيا موجوده فى الغرفه الفرعيه المسؤله عن خليط الهواء و الوقود و الاشتعال هتكون موجهه بصورة اكثر دقه و هتؤدى الى قابليه اكبر على الاشتعال و كمان هتؤدى الى ان يكون الاحتراق بعيدا عن اجناب السلندر مما سيؤدى الى تقليل انتقال الحراره و زيادة الكفائه
يعنى باختصار عملية خلط الهواء و الوقود و الاشتعال الجزئى فى الغرفه الفرعيه هيؤدى الى دفعات من البلازما المشتعله تصل الى البساتم من الاطراف الخارجيه فقط و تشعل باقى خليط الهواء و الوقود
فى حين ان عملية الاشتعال العاديه تحدث فى منتصف مركز السلندر

تخيل بقى حضرتك لو الموضوع ده تم تطبيقه فى السيارات التجاريه العاديه كمان 5-10 سنين بكل مستجداته
Ferrari's Formula 1 jet ignition - Formula 1 - Motor Sport Magazine
* انا مش مهندس انا هاوى

https://www.youtube.com/watch?v=5qyykzqxuVE

سوزوكى

**JapRuleZ** · 27-04-2016 01:33 PM

كلام جميل و له مثال مطبق
العربيه ال i8 bmw
بس تكلفه ضغط العالى للمحرك بسبب الشحن التوربينى بأستخدام مواد مكلفه جدا عشان كده ال i8 ب 3 مليون
عربيه 1500 سى سى بطلع 250 حصان

بس ده ايه دخله بالهوندا يا ريس ؟ :)

**banzai** · 27-04-2016 02:15 PM

المشاركة الأصلية كتبت بواسطة japrulez

كلام جميل و له مثال مطبق
العربيه ال i8 bmw
بس تكلفه ضغط العالى للمحرك بسبب الشحن التوربينى بأستخدام مواد مكلفه جدا عشان كده ال i8 ب 3 مليون
عربيه 1500 سى سى بطلع 250 حصان

بس ده ايه دخله بالهوندا يا ريس ؟ :)

اهم قسم فى اى شركه مصنعه للمحركات حاليا هو قسم الابحاث و التطوير r&d
هوندا اكثر شركه مصنعه للمحركات فى العالم من حيث تعدد انواع المحركات التى تنتجها فهى تصنع محركات من اول 1 سلندر حتى محركات الطائرات بكل ما بينهم من مختلف انواع المحركات
محركات هوندا فى سياراتها التجاريه او الرياضيه تتحول جميعها حاليا لتقنيه الحقن المباشر و التيربو و فى بعض السيارات يلحق معهم نظام البطاريات الكهربائيه كال nsx و crz كتير من سيارات هوندا بها قسم هايبرد لكن من غير تيربو
قسم الابحاث و التطوير فى هوندا قرر دخول الفورميولا 1 لان نوعية المحركات المستخدمه الان تخدم اهداف و توجهات الشركه المستقبليه
بالذات فى شقين اساسيان اللى هما الكفائه الحراريه و محاولة الوصول الى نسب مرتفعه بها و ثانيا تعليم
المهندسين الشبان حديثى التخرج المنتمين لهوندا هذه التقنيات يعنى فريق هوندا اللى داخل الفورميولا
و المكون من 500 فرد ثلث المهندسين فى هذا الفريق تحت 26 سنه
الوصول لنسب مرتفعه من الكفائه الحراريه هيخليهم يعدلو على المحركات اللى فى العربيات التجاريه
بجعلها تولد قوه اكبر باستخدام كمية وقود اقل و حتى لو لم تزيد القوه بسبب قوانين المرور ستقل كمية الوقود المستخدمه كثيرا و يقل معدل انبعاثات الكربون
هوندا حتى الان لم تقدم نظام تحسين الكفائه الحراريه كما فعلت فيرارى و مرسيدس و المتوقع ان تقدمه هوندا فى سباق كندا فى شهر يونيو القادم اول ما تطلع معلومات عنه ان شاء الله ابقى اكتبها

**banzai** · 27-04-2016 02:22 PM

و بعدين ايه المشكله ان محرك 1.5 لتر تيربو يطلع 250 حصان ؟
هوندا سنة 1988 دخلت سباق الفورميولا بمحرك 1.5 لتر متربن بيطلع 1050 حصان و ايرتون سينا كسب السنه دى 16 سباق باين من اصل 19
و كانت اول مره هوندا تستخدم تقنية الفيتك فى المحرك ده علشان كده كان اقل المحركات عطشا يعنى مثلا عربيات رينو كان الوقود بيخلص منها اسرع كتير من هوندا فكانت بتضطر تمشى ابطأ او متكملش السباق و لما كان فيه تزود بالوقود كانت بتتزود به اكتر من محرك هوندا
*طبعا انا فاهم ان محرك البى ام الهايبرد حماده و المحرك التوربينى القديم بتاع هوندا حماده تانى خالص

**banzai** · 27-04-2016 02:57 PM

قسم الابحاث و التطوير التابع لهوندا فى مقاطعة دايتشيجى ساكورا فى اليابان
https://www.youtube.com/watch?v=MRDluXzgT7w

مراحل تصنيع محرك الدراجه الناريه المشاركه بها هوندا فى سباق العالم
https://www.youtube.com/watch?v=k2AcwXHdbzY

**JapRuleZ** · 27-04-2016 02:58 PM

اكيد
طيب بما انها قعدة صفا
هيا ليه هوندا وقفت المواتير ال SiR ال 170 و ال180 حصان 1600 cc التنفس الطبيعى اللى كانو بيقطعو بيها الالمانى و يتعشوا بيهم ؟

**banzai** · 27-04-2016 03:30 PM

المشاركة الأصلية كتبت بواسطة JapRuleZ

اكيد
طيب بما انها قعدة صفا
هيا ليه هوندا وقفت المواتير ال SiR ال 170 و ال180 حصان 1600 cc التنفس الطبيعى اللى كانو بيقطعو بيها الالمانى و يتعشوا بيهم ؟

توجهات الشركه و التطور التكنولوجى
المحرك الاساسى اللى السيفيك ماشيه بيه بقالها اكتر من عقد من الزمان اللى هو R18 ده موتور محترم مش هين و فيه نفس ال bore و ال stroke بتوع ال b18c بتاع التايب ار بتاعت التسعينات و بيطلع 140 حصان باستهلاك وقود مرضى جدا للمستهلك العادى اللى مش يهمه السرعه هو عايز عربيه عائليه ميدفعلهاش بنزين كتير و يكون ادائها حلو يمتعه و يكون تمن العربيه فى متناوله و باعطال قليله متقرفهوش
و اللى عايز اداء رياضى عملتله مواتير عائلة ال K
رجع التوجه فى 2013 و مع مستجدات التطور التكنولوجى انهم لازم يرجعوا لل DNA المعروفه بيه هوندا و عملت قاعده زبائن كبيره و هو الاداء الرياضى لانها كانت ابتدت تخسر جزء من زبائنها لصالح شركات سيارات اخرى