محدش يشتري f0

**ak_626** · 05-05-2016 12:45 PM

بجد مش عارف أقول غير حسبي الله ونعم الوكيل
انا معايا f0 بقالها 3 سنين وكنت بحبها جدا وشايف انها عربيه زي الفل
طبعا اللي راكب العربيه دي عارف ان عفشتها ناشفه علشان خاطر الثبات في الارض وده ميزه مش عيب.
العيب في الشوارع اللي دمرت المساعدين الامامي تماما وبقيت مش عارف امشي بالعربيه خالص واللي زاد الطين بله اني مش لاقيهم في توكيل القطامية اللي كل شويه يديك ميعاد جديد لوصول قطع الغيار ويطلع بمبه.
اما فرع الشرابيه فعنده اخر 2 وقافش انك لازم تركبهم عنده غير كده مش هيديهم لك ؟؟؟؟!!!!
وطبعا ده تصرف يثير الشك والدهشه والقرف في نفس الوقت.
كلمت فرع اسكندريه وبعد معاناه عرفت اوصل ليهم, ولقيتهم هناك ولم يشترط اني اركبهم عنده
الجميل في الموضوع ان سعر المساعد الواحد بالضريبه طلع 650 جنيه !!!!
حد عاقل يقول لي ازاي ممكن يكون مساعد عربيه صيني 1000 سي سي - 3 سلندر - حجمها قد علبه السجاير و ب 650 جنيه !!!! انا بجد بلعن ابو اليوم اللي اشتريت فيه العربيه دي.
قطع غيارها غير متوفره وسعرها مبالغ جدا فيه.
حسبي الله ونعم الوكيل في دي عربيه ودي شركه ودي بلد

**Mohamed Desoky** · 05-05-2016 01:38 PM

السلام عليكم ورحمة الله وبركاته لسه حضرتك واحد زميل لينا عامل قضيه مع غبور بسبب موتور عربيه زيرو وبايظ معانا فى المنتدى والله العظيم مش عارف الدوله نايمه قوى على رجال الاعمال مش عايزه تزعل حد منهم وسيبينه يدبح الناس فى عربيات زبالة العالم اللى مايتبعشى هاته مصر يتباع هوا ويمصه دم الناس التعبانه فى تحويش ثمن سياره جديده على امل تريحه5 سنين من قرف الميكانيكيه وقطع غيار مضروبه انا زيك زهقت من البلد دى مش عارف اعمل ايه مصاريف مصاريف دروس ومصاريف مدارس فواتير كهرباء وغاز ومياه وتليفون بنزين وقطع غيارمضروب غش فى كل حاجه يارب ارحمنى

**ahmed.biso13** · 05-05-2016 06:43 PM

اعمل محضرضد الشركة المستوردة اذا كانت العربية فى الضمان وارفع دعوى تعويض
او انزل بوسعيد وتمشى بالعربية هناك يمكن تكون موجودة هناك
او التوفيقة وخد المساعد معاك يمكن يركب عليها مساعد سوزوكى التو اعتقد قريبين مكن بعض

**Colin Chapman** · 07-05-2016 09:19 PM

المشاركة الأصلية كتبت بواسطة ak_626

بجد مش عارف أقول غير حسبي الله ونعم الوكيل
انا معايا f0 بقالها 3 سنين وكنت بحبها جدا وشايف انها عربيه زي الفل
طبعا اللي راكب العربيه دي عارف ان عفشتها ناشفه علشان خاطر الثبات في الارض وده ميزه مش عيب.
العيب في الشوارع اللي دمرت المساعدين الامامي تماما وبقيت مش عارف امشي بالعربيه خالص واللي زاد الطين بله اني مش لاقيهم في توكيل القطامية اللي كل شويه يديك ميعاد جديد لوصول قطع الغيار ويطلع بمبه.
اما فرع الشرابيه فعنده اخر 2 وقافش انك لازم تركبهم عنده غير كده مش هيديهم لك ؟؟؟؟!!!!
وطبعا ده تصرف يثير الشك والدهشه والقرف في نفس الوقت.
كلمت فرع اسكندريه وبعد معاناه عرفت اوصل ليهم, ولقيتهم هناك ولم يشترط اني اركبهم عنده
الجميل في الموضوع ان سعر المساعد الواحد بالضريبه طلع 650 جنيه !!!!
حد عاقل يقول لي ازاي ممكن يكون مساعد عربيه صيني 1000 سي سي - 3 سلندر - حجمها قد علبه السجاير و ب 650 جنيه !!!! انا بجد بلعن ابو اليوم اللي اشتريت فيه العربيه دي.
قطع غيارها غير متوفره وسعرها مبالغ جدا فيه.
حسبي الله ونعم الوكيل في دي عربيه ودي شركه ودي بلد

مساعدين كورفين. زيت, وزيت وغاز .وغاز فقط وده غير معمر
ضمان سنة
صناعة الارجنتين
القاهرة
الوكيل الوحيد بمصر
المصرية التركية !
العنوان 52 أ شارع محمد فريد - عابدين - القاهره - مصر التليفونات 02-27942940 - 02-27956958
الحى السابع 3 شارع جعفر الصادق من شارع وادى النيل
002-02-226256841
22626841
مجمع السرساوى التوفيقية
25759662

**Mohamed Desoky** · 08-05-2016 12:24 AM

والله كويس الارجنتين بدئت تصنع حتى لو المنتج باظ فى الاول اكيد هيجى يوم منتجهم يتقدم والارجنين دى كانت بتصنع ايه قبل كده مش الكوره والكوكايين وبلمناسبه ياكولن مفيش مساعدين صناعه مصريه او اى حاجه اى حاجه صناعه مصريه احسن الدولار نفخنا كلنا اى منتج مصرى غير الغباء

**Colin Chapman** · 08-05-2016 01:52 AM

المشاركة الأصلية كتبت بواسطة Mohamed Desoky

والله كويس الارجنتين بدئت تصنع حتى لو المنتج باظ فى الاول اكيد هيجى يوم منتجهم يتقدم والارجنين دى كانت بتصنع ايه قبل كده مش الكوره والكوكايين وبلمناسبه ياكولن مفيش مساعدين صناعه مصريه

او اى حاجه

اى حاجه صناعه مصريه احسن الدولار نفخنا كلنا اى منتج مصرى غير الغباء

AGX Sport Adjustable Shock Absorber - Priced Each - Adjustable sport tuned shocks for aggresive handling

:

::

**ahmed_eng2001** · 09-05-2016 05:06 PM

F0 قطع غيارها قليلة شية علشان العربية مش منتشرة
ممكن حضرتك تسأل فى التوفيقية ... او عند عماد زكى فى شارع دمشق

استاذنا Colin Chapman .. اشكرك على ايجادك لبديل كعادتك دائما ... و ما تقوم به الارجنتين .. حيحطها على خط صناعة السيارات فى يوم من الايام ... من غير شك ... و من غير كلام كتير ... الصناعات الصغيرة ... ثم الصناعات المغذية ... صناعة البلاستيك و الكاوتشوك .... و بعد كدة خطوط تجميع ... و بعد كدة خطوط تصنيع و تجميع

**Colin Chapman** · 09-05-2016 07:56 PM

المشاركة الأصلية كتبت بواسطة ahmed_eng2001

F0 قطع غيارها قليلة شية علشان العربية مش منتشرة
ممكن حضرتك تسأل فى التوفيقية ... او عند عماد زكى فى شارع دمشق

استاذنا Colin Chapman .. اشكرك على ايجادك لبديل كعادتك دائما ... و ما تقوم به الارجنتين .. حيحطها على خط صناعة السيارات فى يوم من الايام ... من غير شك ... و من غير كلام كتير ... الصناعات الصغيرة ... ثم الصناعات المغذية ... صناعة البلاستيك و الكاوتشوك .... و بعد كدة خطوط تجميع ... و بعد كدة خطوط تصنيع و تجميع

ahmed_eng2001