بولو 96

**mohammed96** · 13-05-2016 11:23 AM

انا الحمد الله اشتريت امبارح زيت مانول ديفيندر الى حضرتك قولتلى عليه روحت لبتاع الزبت علشان يحطلى الزيت قالى عربيتك بتاخد زيت اد ايه قولتله مش عارف وروحت لواحد تانى قالى برضو مش عارف عربيتى بتاخد اد ايه ( فانا محتاج اعرف العربيه بتاخد اد ايه زيت مع تغير الفلتر ومن غير الفلتر

**borio1704** · 13-05-2016 02:39 PM

أنا عملت بحث صغير على موقع زيت شل .. بتدخل ماركة وموديل وموتور العربية وهو بيقوللك أنهي زيت من عندهم يناسب عربيتك...

وفيه مواقع كتير للزيوت بتعمل نفس الشيء.

المهم... الكمية 3.5 لتر... ومش كاتب إذا كان بالفلتر ولا من غيره.. ﻹن تقريبا المفروض تغير الفلتر كل مرة تغير زيت..

وعموما.. حط ال3.5 لتر وشوف مقاس الزيت.. لو لقيته ناقص يبقى محتاج تزوده شوية

دايما خلي مستوى الزيت على المقاس بين علامة الmin والmax... طول ما انت ما بينهم يبقى مستوى الزيت كويس.

على فكرة... معاد تغيير الزيت مكتوب في الموقع إنه 15 ألف كيلومتر... بس علشان الظروف المعتادة للقيادة في مصر (قيادة شاقة ومجهدة للزيت) ابقى غيره على 7000-8000 كيلومتر... أو 6 شهور

...

**borio1704** · 13-05-2016 09:27 PM

فيه كذا احتمال..

الاحتمال الأكبر يكون حساس ضغط الزيت (الصنايعية بيسموه ساعة الزيت)..

واحتمال تكون طلمبة الزيت محتاجة تتغير...

خلينا نشوف ساعة الزيت الأول.. أرخص وأسهل.. وتلفها مش بيسبب مشاكل في الموتور.

...

**borio1704** · 14-05-2016 05:20 PM

المشاركة الأصلية كتبت بواسطة mohammed96

انا قيست الزيت الصبح انهارده لقيته اعلى من المستوى المكس مع انى الراجل حاطط 3 لتر ونص
بس اثنا تغيير الزيت بعد فتح الطبه والفلتر مفكش غطاء الزيت الى بزود منه الزيت فاممكن يكون الزيت منزلش كله ولا ملهوش علاقه واعرف منين ان كان العيب فى ساعه الزيت او فى الطرمبه

علشان تقيس الزيت صح تعمل التالي:

1- وقف العربية على سطح مستوي أفقي.. يعني ما تخليش العربية مايلة في أي اتجاه

2- شغل العربية شوية ويفضل تعمل مشوار قصير

3- طفي الموتور واستنى حوالي 5-10 دقايق

دلوقتي تقدر تقيس الزيت صح..

أما إزاي تعرف إذا كانت الساعة والطلمبة... ببساطة الساعة هتتغير الأول .. ولو العيب راح يبقى هي السبب.. ولو ما راحش.. تبقى الطلمبة.

...