الموضوع: استفسار بخصوص تسريب من اويل سيل الفتيس

المشاركة الأصلية كتبت بواسطة colin chapman

هل سمعت ابدا حد اشتكى من نصايحى قبل كده فى المنتدى التانى ؟؟!!
واخدت عضو مبدع مفيش حد خدها فى المنتدى التانى !!
عيب جدا وانت عارفنى كويس تقول ..!! عندك فكرة عن طبيعة المعلومات دي؟؟!!

؟؟!!!

الا اذا كنت فاكرنى كانوا الناس بيجاملونى هناك !!انت مهندس على العين والراس انا تربية ميكانيكى عربيات رينو وياما شفت تعديل بساتم مواتير فى بيجو ببساتم فيات وبيجو ببساتم داتسون من وانا عمرى 9 سنين ودلوقتى عمرى 43 تفتكر برضه انى هضر الناس ؟!!
طبعا كلامى مش هيعجبك؟!
انا طول عمرى بشوف اللى يرضى العربية ويبسطها حتى لو مخالف للكتالوج وعارف انك برضه عشقك للسيارات من اول ما انت كنت صغير !!
انت استشارى زيوت تمام لكن اسمحلى انا برضه ليا وعندى تجاربى !! انت صديقى مهما اختلفنا برضه انت معارض الكرادين بدلا من الكبالن شىء يخصك وبراحتك!!
شوف فيه ناس بتفضل المانيوال حتى الاءن وناس اوتوماتيك اعتبرنى انا وانت نوعين مختلفين لكن لن نضر الناس!!

تصدق فى المنتدى التانى فيه ناس بتقوللى ده الناس كانت بتجاملنى فقط لاغير؟! وانى عديم الخبرة ومجرد

بنقل مواضيع من مواقع اجنبية فقط لا غير

يعنى انا سارق وحرامى وليس مقتبس مترجم ؟؟!!!

:y_hi_3[1]::y_hi_3[1]::y_hi_3[1]::y_hi_3[1]:

أنا مقدر خبرتك ومعلوماتك وحبك للجديد الواضح في مشاركاتك كلها.. وبصراحة كنت متخيل إنك أصغر من كده لإن الحماس القوي في مشاركاتك عادة بييجي من الشباب.. ده انت طلعت قدي في السن

بس صدقني أنا بقول الكلام ده لمصلحة الجميع... لإن كل اللي بقوله في كل مشاركاتي حاجة واحدة.. هي الرجوع للكتالوج .. وده لإني عارف التوصيات دي مكتوبة بناء على إيه.. وده اللي أنا قلته في المشاركة بتاعتي فوق... وسيبك من كلمة "استشاري الزيوت" دي.. أنا يهمني إن الناس تستفيد ومش عايز حاجة لنفسي.


أنا عارف إن فيه مهندسين كتير بيبانوا كإنهم بيشتغلوا على حاجات نظرية ما بتحصلش في الواقع... بس عايز أوضح إن كلمة مهندس اللي بتتقال دي مش جاية من فراغ... لإن وراها دراسة وفهم لمعلومات ونظريات بتطبق في الواقع.. والأهم من كل ده .. أسلوب تفكير لتحليل المعلومات والخروج بحلول للمشاكل.

والله ما بتنطط... بس لو لقيت واحد متخرج من كلية الهندسة وما عملش اللي بقوللك عليه ده يبقى ما اتعلمش حاجة في الكلية... وما يستاهلش كلمة مهندس أصلا..


وبعدين.. أنا لما كنت بقوللك "عندك فكرة عن المعلومات دي؟؟" ما كانش قصدي ليك شخصيا... لإن فعليا ما حدش عنده فكرة عن المعلومات دي أصلا غير ناس معينة جوه الشركة..


أنا بقوللك الكلام ده من واقع خبرة عملية من الشغل في المصانع... وتعرف عن قرب للمشاكل اللي بتواجه أي حد بيصمم منتج جديد أو بيطور فيه.. بحكم إني كنت بشتغل في الجودة وبحط مواصفات للمنتجات وبساهم في التطوير بناء على المعلومات اللي بتجيلنا من السوق... مش شغل نظريات وفلسفة فارغة.


علشان كده بقوللك ما حدش أبدا يعرف تركيبة المعادن المستخدمة في صنع أجزاء الموتور غير اللي صممه ..
ما حدش أبدا يعرف تركيب الإضافات على الزيت غير قسم التطوير في شركة الزيت..
ما حدش أبدا يعرف يلم كمية معلومات كبيرة عن أداء منتج إلا قسم خدمة العملاء الأساسي في المصنع الأم في أي شركة.. لإن المعلومات بتجيله من كل موزعينه في العالم.

لا أنا ولا إنت ولا أعلم واحد في الدنيا يعرف الكلام ده غير اللي قلتهم لك دول... والمعلومات دي فعلا بتعتبر أسرار حربية ممكن ناس تتقتل علشانها.


على فكرة.. أنا أؤيدك تماما في أي أفكار جديدة زي موضوع استخراج الطاقة من الماء... إنما مش معاك إطلاقا في العودة لتكنولوجيا قديمة ثبت وبالدليل القاطع إن فيه تكنولوجيا تانية أفضل منها...

ما تعيدش اختراع العجلة... وإلا هنفضل محلك سر.

يا ريت تتقبل كلامي بصدر رحب


...