الموضوع: لوجة الله تعالي نصيحة عشان غلبت

المشاركة الأصلية كتبت بواسطة mohamed desoky

السلام عليكم ورحمة الله وبركاته وكل عام وانتى بخير هو ده اللى احنا عايزين نوصله السوق المصرى اغرب سوق سيارات فى العالم اللى يخلى السيارات الكورى فوق القمه زى الانوس والفيرنا والاتنين عباره عن ورق واقل تصادم العربيه بتتبهدل ومعاهم الكيا والغريب ان العربيات دى مش مناسبه لمصر احنا محتاجين عربيات حديد فى حديد زى الامريكانى اكصدام صلب جسم قوى يستحمل المطبات وقلت ادب الشارع المصرى اللى عمره ما هيتربه خالص الامريكى اقوى عربيات زى الفولفو اقوى عربيه سيدان وكل العربيات دى للاسف ملهاش سوق فى مصر لاسباب الامريكى قطع غيار قليله وغاليه الضريبه كبيره جدا ممكن تعدى 1300 ج فى السنه الواحده علشان cc 3500 ? وطبعا استهلاك بنزين عالى ودى الاسباب الحقيقيه اللى بتخلى الكورى والصينى يتقدم على الامريكى والالمانى ؟ الفقر الفقر وكان زمان الفيات 128 على اد حال المواطن المصرى ده كان فى السبعينات وبعد التسعينات اصبح الكورى بديل جيد للعربيات الرخيصه اللتى يبحث عنها المصريين والان اصبح الكورى سعره فى مصر زى اليابانى والالمانى زى كيا سبورتاج سعرها وصل الى 400 الف تقريبا واصغر فئه البيكانتو وصل سعرها 140 الف زى اللعبه حتى قطع غيار غاليه جدا وغير معمره الان فى مصر كل شئ مقلوب نمجد الرخيص زى الكورى والصينى ونرخص الغالى زى الالمانى والا مريكى وبلاش نعمل مقارنه بين الالمانى والكورى علشان فى ناس كارها الالمانى والاوربى بشكل عام ؟ونخلى المقارنه بين احسن عربيه كورى واى عربيه امريكى زى الكورفت مين افضل ؟

مره كنت قاعد مع صديق مصري . سألته عن نظام الجمارك في مصر. النظام هذا هو سبب اللخبطة في سوق السيارات في مصر. جاوبني أن هذا صحيح. ولكن لو فتح سوق السيارات على مصراعيه في مصر لاحتجت لخمسة ايام حتى تعدي زحمة القاهرة؟ واقع للاسف

المشاركة الأصلية كتبت بواسطة mohamed_elgand

بص موضوع الخليج دة مسأله نسبيه من منطقه بمنطقه لان كل دوله في الخليج وليها عربيتها والوكيل في الخليج بجد مهتم بالعربيه الامريكي زي توكيلات الجزيره بالسعوديه مقارنه بالالماني زي ساماكو للسيارات مش مهتم بفولكس لاكنه مهتم ببورش
وعبد اللطيف جميل تويوتا مهتم بقطع الغيار لاكن في حاجة في دول الخليج اسمها الصناعيه خش الصناعيه وشوف كميه السيارات الأمريكي الي موجوده من كرون فكتوريا وجراند مركيز للكابرس للومينا الفشله بكل موديلاتها وخد عندك بقي الفوردات بكل موديلاتها ومشكله الحراره وموضوع ان الكابرس معمره اقوللك انا ان في الرياض العربيه دي انقرضت والماستنج في السعوديه ملهوش قطع غيار اساسا بيجيبو قطع غيار الماستنج من دبي أو الكويت لأنها لو لقيتها بالسعوديه بتكون نار دة علي كلام واحد بردو صحبي معاه ماستنج بص انا ركبت تويوتا برادو وركبت شفروليه تاهو 2008 وركبت لومينا 2008 بجد مرتحتش من الصناعيه إلا لما ركبت مرسيدس ال s 300 موديل 2005 وليا واحد صحبي معاه amg 2006 بجد بحط القطعه بنساها بمعني الكلمه ونا شرحه مع ان الوكيل بجد مش مهتم بالعربيه خالص ودرجة حراره الرياض بتموت النمل في الأرض بتوصل 70 في الصيف لاكن العربيه ماشيه وزي الفل الحراره مبتعديش 90 ...
يا راجل والله بشوف في الرياض مرسيدس 84 عاوز ايه تاني

اتفق معاك في ماذكرت واختلف في بعضه
الرياض ليس بها رطوبة كباقي الخليج أو الشرقية مثلا
حتى ولو سلمت لك أن الألماني يعمر أكثر من الأمريكي بس كم التكلفة ؟
مثال بسيط . بورش كايان موديل 2016 بثمنه تشتري 2 جراند شيروكي 2015
صيانة البورش 2016 ماجور في الوكيل تعادل ثمن محرك فورد كراون فكتوريا جديد مع الشحن من أميركا بدون تركيب ؟
خلاصة القول وحتى لا نخرج من سياق الموضوع. نعم الألماني معمر خصوصا مرسيدس أما الباقي ليس بمستوى المرسيدس. ولكن الأفضل خصوصا في مصر شراء سيارة جديدة وليس مرسيدس مستعمل

معلش انا رسالتى بعيده عن الرد عليك سامحنى ...عندى مشكله وعايز اعرضها على المنتدى و نسيت ازاى بدخل واعرض المشكله... ياريت وينوبك فيا ثواب تقولى اعرض مشكلتى منين على الصفحه والله يجازيك خير ويطمن قلبك بخصوص مشكلتك

المشاركة الأصلية كتبت بواسطة arabian-eagle

اتفق معاك في ماذكرت واختلف في بعضه
الرياض ليس بها رطوبة كباقي الخليج أو الشرقية مثلا
حتى ولو سلمت لك أن الألماني يعمر أكثر من الأمريكي بس كم التكلفة ؟
مثال بسيط . بورش كايان موديل 2016 بثمنه تشتري 2 جراند شيروكي 2015
صيانة البورش 2016 ماجور في الوكيل تعادل ثمن محرك فورد كراون فكتوريا جديد مع الشحن من أميركا بدون تركيب ؟
خلاصة القول وحتى لا نخرج من سياق الموضوع. نعم الألماني معمر خصوصا مرسيدس أما الباقي ليس بمستوى المرسيدس. ولكن الأفضل خصوصا في مصر شراء سيارة جديدة وليس مرسيدس مستعمل

مع تعديل بسيط اخي الكريم البورش 2016 سواء كايين أو باناميرا أو 911 كلها صيانه مجانيه اول خمسه سنوات أو 100 الف كيلو
وبخصوص الفكتوريا تم وقف إنتاجها بالكامل بأمريكا وبخصوص الشروكي سداني عربيه فاشله بمعني الكلمه سواء الجرائد أو الشروكي العادي سواء 6 أو 8 سلندر كله لا يصلح بالخليج فمتقرنش بجد

المشاركة الأصلية كتبت بواسطة arabian-eagle

مره كنت قاعد مع صديق مصري . سألته عن نظام الجمارك في مصر. النظام هذا هو سبب اللخبطة في سوق السيارات في مصر. جاوبني أن هذا صحيح. ولكن لو فتح سوق السيارات على مصراعيه في مصر لاحتجت لخمسة ايام حتى تعدي زحمة القاهرة؟ واقع للاسف

السلام عليكم ورحمة الله وبركاته كل عام وانتم بخير ؟هو الموضوع راح على الخليج ليه احنا بنتكلم عن مصر لان مع احترامى ليكم العربيات الغاليه دى مناسبه للمواطن الخليجى لكن الواقع المر بتاعنا بيقول على اد لحافك واللحاف فى مصر دلوقتى مش بيغطى حد كل العربيات السيئه موجوده فى مصر لاننا اصبحنا صفيحة زبالة عالم السيارات بس انا معترض على موضوع الجمارك ؟الجمارك لا يمكن الدوله تتخلى عن الرسوم لان ده طوق نجاه للدوله لايمكن تتخلى عنه باى شكل سواء الضرايب او الجمارك اوالدمغات وغيره ؟لازم الدوله تملا الخزنه باى شكل؟وزحمة القاهره مشكله معقده علشان تتحل محتاجه سنيين لان اساس المشكله تجمع الاقتصاد او الشركات كلها فى القاهره الكبرى والهجره من الريف الى المدينه لفرص العمل والحياه الافضل وكمان السفارات والوزارات وعلى راس كل دول وزارة الزراعه فى الدقى حد متخيل ان 14 الف موظف يروحه الشغل فى وقت واحد ويرجعه فى وقت واحد فى منطقه ديقه جدا ؟وهيا اساسا وزارةالزراعه بتعمل ايه مش الزراعه احنا والحمد لله معظم المنتجات الزراعيه مسطورده ؟المهم وكمان فى عربيات متهالكه بتمشى وتعطل وتقفل الشارع وده بيزود المصيبه يمكن لما يعمله العاصمه الاداريه لمصر المشكله تقل شويه ؟الافضل لمصر اعاده توزيع السكان احنا عايشين على 5 فى الميه من مساحة مصر وكل محافظه ليها اقتصاد خاص بيها والبناء فى الظهير الصحراوى لكل محافظه واقامة المصانع والاستثمرات لجزب المواطن او الهجره العكسيه ؟حجات كتير ومحتاجه لسنوات لاننا تخلفنا عن ركب الحضار والخليج سبقنا 100 سنه واكتر ؟

المشاركة الأصلية كتبت بواسطة adel1212

سلامتك من الجنون
من 6 سنوات تقريبا كنت زيك و اكتر كان مستحيل افكر في الكوري و استغرب جدا من اللي يدفع فلوس في عربية كوري
كنت بغير ساعتها و ناوي على لانسر الحصان الرابح فى تلك الفترة(كان معايا نيسان 2009)
حصلت مشاكل الرواس مع الشركة الام و سحبوا التوكيل منه و الدنيا كانت ضبابية اقترح عليا احد الاصدقاء اشتري هيونداي نيو اكسنت او الالنترا hd كان ردي قاطع كلا البتة
المهم بعد مجادلات كتير قررت اشتري الالنترا بنظرية اقتصادية بحتة (علشان سعر اعادة البيع) لغاية ما اشوف السوق ماشي ازاي
يوم بعد يوم بدأ يزداد اعجاب بالعربية و لما لا وجدت انها عربية جميلة فعلا تستحق الاقتناء
كملت معايا 4 سنوات بعد ما كنت ناوي على سنة بالكتير
4 سنوات بدون اى مصاريف مفاجئة ولا اي اعطال نهائي
4 سنوات زيت و بنزين و فلاتر فقط (حتى البطارية لم اغيرها)
4 سنوات تسارع رهيب بجد (مافيش عربية 1600 وقفت معاها و بفارق ملحوظ)
4 سنوات اقل نسبة استهلاك وقود
4 سنوات 60000 كم الكاوتش بتاع بلدها بحالة جيده
و لما بعتها كنت ناوي علي القشقاي بس للاسف كان الشكل القديم بيخلص من السوق و مافيش حجز للشكل الجديد وعرفت انه 1200 cc و لازم بنزين 95 روحت تاني مرة بالصدفة للهيونداي بس المرة دي للجميلة ix 35 الحمد لله ماشية في سكة الالنترا
و اخيرا مش عاير اقولك انهم عربيات واو او عربيات جامدة اخر حاجة بس الانسب فى الوقت الحالي
و لسه بردوا معاك ست الكل المرسيدس بس دور على حالة كويسة و متصانة كويس علشان الصباح عليها بفلوس كتير
ولسه معاك الانواع الاخرى السابق ذكرها عربيات ممتازة ايضا
وربنا يهدك لما فيها الخير

وانا اضم صوتي لصوتك عندي هيونداي اكسنت ترونك 2014 الصلاة على النبي سيارات بدون مشاكل او اعطال مفاجئة علما ان عربيتي ماشيه 113000