تسقيط موتور بومه 2011 ال 1800 سي سي

**virse** · 19-05-2016 03:01 PM

انا معايا اسبرانزا 516 كنت عايز اقلبها وتوماتيك وسمعت عن تسقيط مواتير اللانسر ليها وفي قدامي 1600 بومه اوتوماتيك وفي 1600 بومه مانيوال وفي كريستاله 1600 اوتو وفي الراجل بيقولي موديل 2011 اوتو 1800 سي سي بومه ايه الافضل وقطع غيار الكل موجودة بس لو حد عنده خبرة يفيدني في الموضوع دة

**svneleven** · 20-05-2016 09:19 AM

مبدأيا مواتير لانسر اللي ليها قطع غيار موجوده هي ال 2000 و ال 2400 سيبك من ال1800.
لو هتجيب اوتوماتيك يبقي موتور ب فتيسه بال كونترول بالعدادات عشان ما تقابلش مشاكل. ربنا يقويك.

**virse** · 23-05-2016 04:13 PM

كتر الف خيرك انا فعلا عرفت ان اللي بيسقط مكنه ال 1800 دي وبيقول بومه كدة نصاب الحمد لله اني عرفت لان مفيش بومه 1800 فعلا وشكرا بس واحد قالي البومه ال1600 هتبقي كويسه معايا وكنت عايز تفاصيل واسعار لو حد عارف

**tasaka** · 23-05-2016 07:06 PM

2000 حتستهلك بنزين كتير .. يبقى ساعتها احسن تجيب ال 620 بدون تعديل

شوف ال 1600 لو ليها قطع غيار و موجود فى السوق و التعديل تكلفته بسيطه .. اعتقد يبقى انسب

لو التكلفه عاليه .. يبقى بيع و جيب عربيه مناسبه ليك ..

كده احسن من العك و التعب و النتيجه ممكن لا تكون مرضيه ليك بعد المصاريف .. يعنى وقتها موش حتقدر تبيع علشان ما تخسرشى التكلفه الاضافيه

**blazer** · 23-05-2016 10:46 PM

دلوقتى بيركبو المكن ال 2000 لانه ارخص من ال 1600 بفرق كبير
نصيحة جيب الماتور بلفتيس بلضفيره بلكنترول بتاع الماتور و الفتيس و ادوات التغذية كاملة عشان متتعبش واتفق معاه ان اى قطعه بايظه تاخد غيرها حتى لو حساس بايظ مثلا يبدلهولك