الموضوع: اللادا جرانتا

المشاركة الأصلية كتبت بواسطة dr_haitham79

اللى بيشترى عربية من الفئة دى غالبا مش بيبقي ناوى يغير قبل فترة محترمة ممكن خمس سنين مثلا
وده سبب يخليك ما تشتريش الا حاجة قلبك متطمنلها وماتحسش بزهق كل ما تتعامل معاها

انا شايف ان الجرانتا لو اللى راكبها مش مقدر مزاياها ومقتنع بيها: مش هيحبها ولا هيحترمها
زيها زى الفيرنا واللانوس
لازم اللى راكبهم يكون حاببهم وعارف اخرهم
ومقتنع بقدراتهم

وبطبيعة الحال فى الفئة السعرية دى كل عربية ليها عيوب ظاهرة كمان مش عيوب عادية وبس

اللى حضرتك ذكرته فى سؤالك يعتبر عيوب فردية وبسيطة وسهل تظبيطها فى التوكيل.
وشايف ان بشوية انتشار مش هتتخير عن اللانوس والفيرنا اللى ماليين الشوارع.

انا شخصيا ركبت اللانوس فترة كبيرة.. وشفت انها بتؤدى المطلوب منها بدون فلسفة وكافية خيرها شرها وعشرية وطلباتها قليلة
اى حد بيصلحها وقطع غيار باسعار لا تذكر
وكمان بتمشي ببنزين 80 بتظبيط فيشة الاوكتان!
لكن مافيهاش الاختراعات بتاعة وسائل الامان والكلام ده..ماتسمعش هى عنه اصلا
لو ركبت الللانوس واعتبرتها عربية سباق هتزعل منها
واى عربية بوسائل امان او من غير: فى الحادثة هتزعلك
الحل تعرف امكانيات عربيتك وما تطلبش منها اكتر من اللى تقدر تديهولك.

اما الاسعار:
فرأيى الشخصى هو ان مفيش عربية فى مصر تستاهل تمنها.

ممتاز جدا تسلم ايدك

السلام عليكم
اولا انا من اول الناس اللى اشترت الجرانتا واهم حاجة كنت بدور عليها ان اشترى عربية ناشفة تتحمل الطرق فى مصر
انا حاليا مقيم فى السعودية وركبت عربيات هنا اشكال والوان لما تجي تقارنها بالجرنتا تحسن انها عامله زى الجرار الزراعي بس من اللى بشوفه فى مصر شهر الاجازة اقدر اقول ان الجرنتا هيا اللى تنفع فى مصر صاج وعفشة حديد وامكانيات مقبولة باور ومكيف ولما اشتريها كانت ب 75000 وبقول الحمد لله انى اتوفقت فيها