الموضوع: ارشادات هامة لمالكى سيارة byd f0

المشاركة الأصلية كتبت بواسطة Sherif Mandoor

اخي العزيز شكرا لذوق حضرتك
بس انا شايف النصايح دي تنطبق علي كل السيارات
انت مركز علي ال byd
انت تقول تجربتك للقباده وايه المشاكل الفنيه والميكانيكيه قطع غيارها بره التوكيل

انا اللى متشكر جدا يا اخ شريف
بالنسبة لتجربتى لقيادة السيارة هى تجربة رائعة مع عدا عند تحميل السيارة بثلاث افراد او فردين ملينين فى الكنبة الخلفية تحك فى المطبات
وبالنسبة للمشاكل الفنية لا يوجد مشاكل الا اذا اهملت العربية ولم تذهب الى التوكيل كل خمسة الاف وذلك للاطمئنان والمتابعة
واما المشاكل الميكانيكية لم يقابلنى الا المشاكل التالية مرتبة تاريخيا من الاقدم
1- تغيير الردياتير
2- تغير طبة المياه
3- خرم فى تانك البنزين
4- خرم فى ماسورة المياه
وقد تم اصلاح تلك المشاكل
ولكن المشكلة التى لا زالت موجودة هو تغيير المساعد الامامى يمين وسبب عدم تغيره لان الاسعار فى التوكيل نار لانى اخر زيارة للتوكيل قد تم تغير كوبلن ومقصات وجلب ومساعد امامى يسار بمبلغ 4200 ولم يكن معى اكثر من ذلك لاعمل باقى الاصلاحات ومنها المساعد الامامى يمين
وبالنسبة لقطع الغيار فموجودة برة التوكيل فى اماكن قليلة منها التوفيقية (ودى مش موجود كل حاجة فيها) وزكى جرجس بشارع دمشق (وده اللى بشترى منه لان اى قطعة غيار موجوده عنده)

وبناء على طلب اغلب المتابعين لموضوعى سوف ابدأ فى الارشادات والملاحظات الخاصة بصيانة السيارة

نصائح ودية: عند تشغيل السيارة يظهر ضوء تحذير نظام الفرامل لثوانى ويختفى واذا لم يختفى وانت متاكد انك لم ترفع فرامل اليد ده معناه ان مستوى سائل الفرامل قليل ففى هذه الحالة يجب النظر الى مستوى زيت الفرامل واذا كان قليل يجب تزويده فورا فمن الخطير جدا ان تقود عندما يكون مستوى سائل الفرامل قليل

ودى نصيحة اولى فى صيانة السيارة والسؤال هنا بالنسبالى وانا سايق العربية وبالذات فى الطرق المكسرة اشوف احيانا مؤشر الفرامل بيطفى ويولع ويطفى ممكن حد يقولى ده سببه ايه؟

وشكرا جزيلا لكم ويلا يا شباب عايزين الموضوع يرجع يشتغل تانى