شركه فولكس وضعت مواصفه الميه و دى جاجه كويسه .. اعتقد ان موش كل الشركات بتعمل كده
انا قريت المواصفه .. نفس الكلام اللى انا ذكرته لك .. بس هو زود حاجه .. ان عند تحول اللون الى البنى فى القربه ده دلاله على خلط نوعين من انواع الانتى فريز
الخطوات
- اولا لازم تعرف النوع اللى انت حطيته .. ممكن تروح لنفس المكان اللى اشتريت منه و تقرأ الجركن و تشوف هل هو G11 .. ام نوع اخر ( مثلا الانواع اللى بيسموها متعدده الاستخدامات و يمكن استعمالها مع اى ميه ) .. لو هى نوع غير ال G11 حاول تكتب مواصفتها او ماركتها او تصور العلبه
- لو الميه كانت G11 .. يبقى لازم تنزل و تعمل فلش كامل لميه التبريد .. فيه طريقه لسيارات فولكس الاربعه سلندر و طريقه للسته سلندر ( ساحاول ايجاد الرابط ) .. و طبعا لو مكتوبه فى الكتالوج يبقى اتبع الكتالوج
اعتقد الفلش الكامل بيكون وقت تغيير سير الكاتينه .. اما اى فلش حتعمله بالطرق العاديه لازم ميه تفضل جوه .. انا لم اقرأ بعد طريقه فولكس للفلش و ما اعرفش حتنزل كل الميه ام لا ؟
لكن فى الطرق المعتاده لعمل الفلش للسيارات بصفه عامه ( موش فولكس تحديدا ) .. يجب ملاحظه ان حتى بعد تغيير الدوره بالكامل .. سيتبقى حوالى ربع كميه السائل القديم بدون تغيير .. فى حاله انك خلطت IAT مع OAT يجب اعاده تتفريغ الدوره عده مرات ( على الاقل 3 مرات باستعمال الماء المقطر ) .. لاخراج اكبر كميه من السائل القديم قبل وضع السائل الجديد ( المطلوب لمواصفه عربيتك فقط )
و الافضل من كل فلش تملاء زجاجه شفافه و تقارن تغير اللون مع كل مره فلش لغايه ما توصل للون ميه شفاففه علشان تضمن انك خرجت معظم ال G11 من دوره التبريد
- بعد كده محتاج تضع G12 .. لكن فى حالتك الخاصه دى ( انك وضعت G11 ) فى الدوره .. ما هو النوع الذى سنضعه من G12 ؟؟ .. ده سؤال عويص جدا للاسباب التاليه
1- موش واضح على النت الفروقات بينهم بوضوح و بكلام معتمد
2- النوع المكتوب عندك موش واضح تركيبته طبعا و هو اى نوع من ال G12 .. لكن الاكيد انه اول نوع ظهر من ال G12 .. يعنى اقدم نوع G12 ( ده الاحتمال الاكبر )
3- فيه نوع احدث شويه منه هو G12 A8F .. فيه ناس بتقول ان ده G12+ و ناس بتقول G!2 يس .. و فى الحالتين موش حينفع يتخلط مع ال G11
4- فيه كلام على النت ان G12++ بالانواع الاقدم .. بس برضه موش كلام موثق 100%
5- ال G12++ لا يمكن خلطه مع G12+ .. و دى غريبه شوبه بالنسبه لى .. و ساحتاج التأكد اكثر .. بس المعلومه دى شوفتها برضه من فتره .. فاحتمال تكون سليمه
و لاحظ ان كده حيكون فيه تضارب ؟؟ .. لان ال G12++ المفروض انه بيقبل الخلط مع الانواع الاقدم
زى ما انت شايف كلام كتير و موش واضح .. غلشان كده انت المفروض تجيب الميه من التوكيل .. و لاحظ كمان نقطه مهمه .. ان ال G12 ده ممكن يكون تركيبته مختلفه من شركه سيارات لاخرى بما يناسب مواد مواتيرها .. علشان كد بتلاقى ان شركات كتير موش بتكتب مواصفه الميه .. و علشان كده بتصنع و بتبيع الميه الخاصه بمواتيرها بالتحديد
لو انت اشتريت اى G12 عادى علشان فرق السعر مثلا .. موش حتضمن 100% انه مناسب لاداء امثل لفولكس .. لكن اعتقد احتمال سيؤدى الغرض
دلوقتى فيه احتمالين
1- انك حطيت ميه G11 .. دى حلولها كما ذكرنا باعلى .. بس اختيار ال G12 اللى حنستعمله محير شويه .. يعنى لو اتأكدنا ان ال G12++ متوافق مع ال G12 A8D .. يبقى هو دت الاختيار الامن علشان ما تحصلش نفاعلات ضاره مع الكميه القليله المتبقه من ال G11
اما لو موش ضامنين التوافق بتاع ال G12++ ؟؟ .. يبقى ستستعمل ال G12 A8D .. و تستبشر خيرا ان الكميه المتبقيه من ال G11 لن تؤثر بشده فى اجمالى ميه التبريد ؟؟
او تعمل فلش كامل 100% بطريقه ما ( على ما اعرف بتكون مع تغيير الكاتينه .. لاتهم بره بيغيروا طلمبه الميه فى المعتاد كمان ) .. الله اعلم
2- او ان الميه اللى انت حطيتها تكون متعدده الاستخدامات و موش G11 .. ساعتها حنعرف تركيبها و ايه الميه اللى ممكن نخلطها معاها .. و ما تبقاش محتاج للفلش اصلا ( لانها فى الحاله دى احتمال تكون G12 اصلا ) .. الله اعلم
ميه ال G12+ و ال G12++ بيكون لونها Purple ( قرمزى .. بنفسجى )