انا معايا فيرنا وعاوز اجيب عربية اتوماتيك زيرو ماركة كويسة او متوسطة.. كنت بتمنى اجيب هيونداي علشان معقولة وقطع غيارها رخيصة ومتوفرة جداً لكن مش لاقي موديل سعره مناسب..
اللوجان اكتسحت السوق وعجباني جداً فيها كل الاوبشنز اللي انا عاوزها بس خوفوني منها.. بيقولوا قطع غيارها غالية.. ياترى هي غالية اوي كده؟؟ تفرق كتير عن الكوري هيونداي يعني ؟؟؟

يعني فلتر الزيت والبنزين بكام في اللوجان ؟؟؟ الفيرنا في حدود 30 ج
طقم البوجيهات بكام؟؟ الفيرنا بحوالي 100ج
طقم السيور وسير الكاتينة بكام ؟؟ الفيرنا طقم السيور رخيص (ميعديش 150ج) لكن سير الكاتينة لوحده سعره متوسط (ميعديش 300ج) وده اعتقد ارخص بكتير من اللوجان..
والمساعدين بكام ؟؟ 2 مساعدين فيرنا ماركة kyb ياباني جبتهم من شهرين ب 1200ج
بس دي أسعار قطع غيار كوري بس مش الأصلية (مش من الوكيل يعني)..

أما هاوسنج البنزين بالكامل للفيرنا فأنا غيرته في التوكيل ب 3000 ج !!

ياترى الأسعار دي تفرق كتير عن اللوجان ؟؟؟ لو الفرق معقول مش مشكلة..

أرجوكم أفيدوني يا أصحاب اللوجان.. وشكراً مقدماً للجميع