الموضوع: حاجه تقص الخشب

المشاركة الأصلية كتبت بواسطة elgenio

لاء انا بحب جدا اشتغل بايدي مش من ناحية التوفير اد من ناحية اني احس ان ده شغلي يعني انا من فترة مكنتش بفهم حاجه في النقاشة بس اتعلمت النقاشة وببيض شقتي ولا جدعها صنايعي وبالوان دقه كمان

دلوقتي فعلا انا محتاج العدد دي لاني عندي كام ركنه هلكانين عايز ارجع اظبطهم تاني وفي نفس الوقت انا بحب اعمل كراسي وترابيزات بتتطبق وده بيكون متعب اوي بالمنشار العادي والادوات البسطيه اللى بستخدمها ... فبدور على حاجه كهربائية تقصر الوقت والمجهود وتطلع شغل كويس

فليت انه عشان يكون فيه عده للخشب يبقى محتاج " مثقاب - منشار - صنفرة "
والمثقاب قلت يبقى هيلتي بدل شنيور منها شنيور ومنها هيلتي لو حبيت اعلق حاجه في سقف استخدمه
المنشار ده اللى مش عارف فيه حاجه
الصنفره : اجيب صاروخ واركبله اطوانة تجليخ خشب واشتغل بيه

الفكره بقا اللى بتدور في دماغي دلوقتي اني اجيب المنشار الاركت كمنشار للحاجات الصغيرة واجيب للصاروخ اسطوانة تقطيع واستخدمه كمنشار اسطواني في الحاجات الكبيره

لب الموضوع بقا انى مش عارف الهيلتي والمنشار والصاروخ اسعارهم ايه وماركاتهم ايه
, غير ال apt crown
ال apt crown ناس كتير بتشكر فيها , اسعارهم
الهيتلي 1500W ب 575
المنشار 650w ب 357
صاروخ 600 w ب 195 4.5 بوصه

كدة انت بتحب تشتغل بايدك ... و حتجيب عدة مختلفة ان شاء الله ...

ممكن تستخدم الهيلتى مؤقتا ... المنشار ... حضرتك حتحتاج اركت ... و حط فى الميزانية منشار صينية مستقبلا ... و خطة حضرتك كويسة بالنسبة للصاروخ ... و ممكن تتفرج على حاجة اسمها الصنفرة الدبابة ...
لو حتجيب حاجة كويسة و غالية حتعيش معاك لسنين .... apt crown ماركة كويسة مش وحشة

حتحتاج تزجة او طربيزة صغيرة علشان تشتغل عليها ....

كان عندى مكتب قديم ... عملت فتحة فيه و ركبت المنشار الصينية فيه ... مفيد جدا

ممكن حضرتك تتفرج على حاجات زى دى كتير على اليوتيوب
ربنا يوفقك