حاجه تقص الخشب

**elgenio** · 03-06-2016 03:44 PM

محتاج حاجه تقطع الخشب بدل كل شويه اروح ورشة خشب اقص
عايز حاجه شغل منزلي بتقص الخشب
هو الصاروخ بتاع التجليخ والصنفرة ده بيقص الخشب ولا اشتري منشار الكهربائي ده مين افضل ؟

**hugan** · 03-06-2016 03:50 PM

ممكن اركت هو سهل والتعامل معاه وامان بحوالي ٢٠٠ جنيه
وممكن صينيه لكن دي عايزه خبره وحد محترف لانها خطره جدا لو مش هاتعرف تشتغل بيها٤٠٠ جنيه
للانواع الصيني الممتاز

**elgenio** · 03-06-2016 04:20 PM

المشاركة الأصلية كتبت بواسطة hugan

ممكن اركت هو سهل والتعامل معاه وامان بحوالي ٢٠٠ جنيه
وممكن صينيه لكن دي عايزه خبره وحد محترف لانها خطره جدا لو مش هاتعرف تشتغل بيها٤٠٠ جنيه
للانواع الصيني الممتاز

وكمان فيه حاجه عايز اسالك فيها ما شاء الله انت فاهم و بترد على كذا عضو وبتفيدهم .

انا محتاج المعدات دي عشان بصلح بيها ترابيزة مثلا او بعدل على السرير وبركب فيه كنبه وحاجات من الشغل ده , فان بحب شغل التعديل على الخشب .

فسألت عن المعده اللى بتقطع الخشب , انا اللي بيدور في دماغي انه الصاروخ لو بيقطع الخشب فيه كذا ميزه انه يقطع , وفي نفس الوقت يصنفر الخشب , وكمان ممكن اركبله صنفرة خشنه من اللى بتعمل طرف الخشب حلزون او مستدير . صح ولا انا عشمان جامد في الصاروخ وهو مش بيعمل كل ده :D :D :D ??

كمان ايه رايك في الهيلتي 1500 وات apt / crown ابو 575 جنيه
دا هينفع اشتغل بيه على الخشب ولا هيكون كبير ومزعج ؟

**ahmed_eng2001** · 03-06-2016 04:50 PM

الصاروخ بيكون حر الحركة .... بتمسكه بايدك .... مش حينفعك فى تقطيع الخشب ....

الى يقطع الخشب هو المنشار الدائرى ( الصينية ) و ده بيكون ثابت على مستوى و بيمشى عليه
او الاركت زى ما تفضل الاخ Hugan ...و ده بيسموه الترددى و برضو بيكون بيتحرك على مستوى ثابت
فيه حاجة اسمها الصنفرة الدبابة .... و دى ظريفة جدا و استخدامها سهل الى حد كبير ... بس عيبها انها مزعجة شوية

الصاروخ مش حيظبط معاك

**ahmed_eng2001** · 03-06-2016 04:52 PM

ممكن كمان تحط فى دماغك الشنيور البطارية .... مفيد جدا .. خفيف ... و سهل فى الحركة ... و ممكن يلف فى الاتجاهين ... فارة يدوية صغيرة ... و طبعا لا غنى عن الزاوية القائمة ...
يااااااه فكرتنا بالذى مضى

**elgenio** · 03-06-2016 05:40 PM

المشاركة الأصلية كتبت بواسطة ahmed_eng2001

ممكن كمان تحط فى دماغك الشنيور البطارية .... مفيد جدا .. خفيف ... و سهل فى الحركة ... و ممكن يلف فى الاتجاهين ... فارة يدوية صغيرة ... و طبعا لا غنى عن الزاوية القائمة ...
يااااااه فكرتنا بالذى مضى

ايه الزاوية القايمه دي ؟

يعني الهيلتي ال 1500 مش كويس
انا بدور على حاجه اقدر استخدمها في اكتر من حاجه بدل ما اجيب كل حاجه في تخصصها يعني شنيور لوحده ومنشار لوحده ومفك ربط لوحده .... هفتح علة نفسي فتوحه

**elgenio** · 03-06-2016 06:18 PM

المشاركة الأصلية كتبت بواسطة ahmed_eng2001

الصاروخ بيكون حر الحركة .... بتمسكه بايدك .... مش حينفعك فى تقطيع الخشب ....

الى يقطع الخشب هو المنشار الدائرى ( الصينية ) و ده بيكون ثابت على مستوى و بيمشى عليه
او الاركت زى ما تفضل الاخ Hugan ...و ده بيسموه الترددى و برضو بيكون بيتحرك على مستوى ثابت
فيه حاجة اسمها الصنفرة الدبابة .... و دى ظريفة جدا و استخدامها سهل الى حد كبير ... بس عيبها انها مزعجة شوية

الصاروخ مش حيظبط معاك

يعني الصاروخ لو ركبت له اسطوانة تجليخ خشب مش هيعرف يعمل حاجه زي دي ؟

[aldl]http://www2.0zz0.com/2016/06/03/18/117876739.jpg[/aldl]

المنشار الثابت من شكله بحس انه ممكن حاجات ميقدرشي يقصها مش هتمكن منها
هو كويس لو هتقص باب او خشب عريض لكن لو انا عايز اقص 2 او 3 سم في طرف خشبه مثلا المنشار الصينية هيكون صعب تنفذها بيه اعتقد ؟

**ahmed_eng2001** · 04-06-2016 11:15 AM

الاول ... حضرتك لازم تحط تصور انت حتعمل ايه بالعدة ... و هل انت بتحب تشتغل بايدك و بتحب يكون عندك عدة ؟ و لا دى حاجة عارضة و عندك وقت فاضى مثلا لفترة قصيرة ؟ او لو عاوز تعمل شغلة بسيطة و مش ناوى تعملها تانى

دة حيخليك تبدأ تفكر تجيب عدة ولا لأ

الهيلتى ثقيل .. و التحكم فيه مش حيكون كويس فى بعض الاوقات .... و هو ممكن يشتغل شنيور عادى

الزاوية القائمة من اهم الادوات فى شغل النجارة ... علشان تقدر تعمل زوايا الخشب قائمة و انت بتعمل صندوق مثلا

و اجابة حضرتك على السؤال الاول هى الى حتخليك تشترى عدد كتير ... و لا تلم الموضوع على الضيق
و لم الموضوع على الضيق مش حيديك الى انت بتفكر فيه

النصف قطر الى فى الصورة ... حضرتك حتعمل علامة بقلم رصاص بالدوران الى انت عاوزه ... و تقطع الخشب بأى حاجة مناسبة.... بمنشار اركت او يدوى حتى و تصنفر مكان القطع لغاية لما توصل للابعاد المطلوبة

اقولك على فكرة صغيرة .... جرب تعمل الحاجات دى بادوات يدوية بسيطة منشار يدوى ... افرخ صنفرة يدوية.... و بعد لما تنجح ان شاء الله .. انت لوحدك حتحدد ايه العدد الى انت محتاجها

**elgenio** · 07-06-2016 02:15 AM

المشاركة الأصلية كتبت بواسطة ahmed_eng2001

الاول ... حضرتك لازم تحط تصور انت حتعمل ايه بالعدة ... و هل انت بتحب تشتغل بايدك و بتحب يكون عندك عدة ؟ و لا دى حاجة عارضة و عندك وقت فاضى مثلا لفترة قصيرة ؟ او لو عاوز تعمل شغلة بسيطة و مش ناوى تعملها تانى

دة حيخليك تبدأ تفكر تجيب عدة ولا لأ

الهيلتى ثقيل .. و التحكم فيه مش حيكون كويس فى بعض الاوقات .... و هو ممكن يشتغل شنيور عادى

الزاوية القائمة من اهم الادوات فى شغل النجارة ... علشان تقدر تعمل زوايا الخشب قائمة و انت بتعمل صندوق مثلا

و اجابة حضرتك على السؤال الاول هى الى حتخليك تشترى عدد كتير ... و لا تلم الموضوع على الضيق
و لم الموضوع على الضيق مش حيديك الى انت بتفكر فيه

النصف قطر الى فى الصورة ... حضرتك حتعمل علامة بقلم رصاص بالدوران الى انت عاوزه ... و تقطع الخشب بأى حاجة مناسبة.... بمنشار اركت او يدوى حتى و تصنفر مكان القطع لغاية لما توصل للابعاد المطلوبة

اقولك على فكرة صغيرة .... جرب تعمل الحاجات دى بادوات يدوية بسيطة منشار يدوى ... افرخ صنفرة يدوية.... و بعد لما تنجح ان شاء الله .. انت لوحدك حتحدد ايه العدد الى انت محتاجها

لاء انا بحب جدا اشتغل بايدي مش من ناحية التوفير اد من ناحية اني احس ان ده شغلي يعني انا من فترة مكنتش بفهم حاجه في النقاشة بس اتعلمت النقاشة وببيض شقتي ولا جدعها صنايعي وبالوان دقه كمان

دلوقتي فعلا انا محتاج العدد دي لاني عندي كام ركنه هلكانين عايز ارجع اظبطهم تاني وفي نفس الوقت انا بحب اعمل كراسي وترابيزات بتتطبق وده بيكون متعب اوي بالمنشار العادي والادوات البسطيه اللى بستخدمها ... فبدور على حاجه كهربائية تقصر الوقت والمجهود وتطلع شغل كويس

فليت انه عشان يكون فيه عده للخشب يبقى محتاج " مثقاب - منشار - صنفرة "
والمثقاب قلت يبقى هيلتي بدل شنيور منها شنيور ومنها هيلتي لو حبيت اعلق حاجه في سقف استخدمه
المنشار ده اللى مش عارف فيه حاجه
الصنفره : اجيب صاروخ واركبله اطوانة تجليخ خشب واشتغل بيه

الفكره بقا اللى بتدور في دماغي دلوقتي اني اجيب المنشار الاركت كمنشار للحاجات الصغيرة واجيب للصاروخ اسطوانة تقطيع واستخدمه كمنشار اسطواني في الحاجات الكبيره

لب الموضوع بقا انى مش عارف الهيلتي والمنشار والصاروخ اسعارهم ايه وماركاتهم ايه

, غير ال apt crown
ال apt crown ناس كتير بتشكر فيها , اسعارهم
الهيتلي 1500W ب 575
المنشار 650w ب 357
صاروخ 600 w ب 195 4.5 بوصه