الموضوع: مافائده كل من الكتاوت والموبينه والاسبراتير

المشاركة الأصلية كتبت بواسطة ahmed_eng2001

الريلاى او الكتاوت .... الحاجة الى الريلاى بيوصلها كهرباء مش حتشتغل .... زى النور العالى مثلا ... مروحة التكييف الداخلية و هكذا

ايه اسباب تلف الريلاى ؟؟

العمر الافتراضى .... تكون صدأ على الملف نتيجة تسرب الماء اليه

الموبينة ...

حدوث برجلة فى العربية ... تأخر فى الدوارة .. حدوث فرقعة بسيطة احيانا و خاصة عند الدوس على البنزين
اسباب التلف ...
العمر الافتراضى

الاسبراتير .. و ده فى العربيات القديمة

بعيد عنك ... العربية مترداش تدور ... المارش يشتغل بس العربية متدورش .. و فيه اعراض اقل بالطبع .. زى ان العربية
تقطع بوجيه ( تتلت )
الابلاتين و الكوندنسر مش فاكر اعراضهم كانت ايه ... المشط الالكترونى بيفصل خالص و مش بيخلى العربية تدور

السلام عليكم ورحمة الله وبركاته انا هجاوب رغم انى زعلان لكن ماينفعش اسيب حد محتا ج حاجه ؟السبب الرئيسى فى تلف البوبينه الحراره العاليه ولانها قريبه جدا لسخونة الموتور وده بيخلى زيت البوبينه يغلى اكتر من المعدل له وزيت الكهرباء ده مخصص لامتصاص الشحنه الكهربائيه الزايده عن الحد ؟والزيت ده غالى جدا وموجود فى محولات محطات الكهرباء 66الف جهد ؟المهم خلينا فى الاهم ازاى نحافظ على البوبينه انا كنت عامل فى كل عربيه عزل للبوبينه بورق الفرن الحرارى ده رخيص جدا وكنت بكيس البوبينه كلها ويدوب بخرخ سلوك الداخل والخارج من الكيس وبركبها بعيد عن الموتور يعنى ممكن فى صدر العربيه او اى مكان يمين او شمال فى الحوض اهم حاجه كيس العزل والناس بتوع التاكسى على طول حاتط فوطه مبلوله على البوبينه ؟يبقى العيب الاساسى السخونه ؟ الكوندنسر اعراضه واحده لما الملف الداخلى يبوظ العربيه بتعمل مدفع وده خطر كبير لانه ممكن يكسر علبة الشكمان وعلبة الشكمان غاليه والكوندنسر رخيص ؟الابلاتين وظيفته الاساسيه توزيع شرارة الكهرباء من خلال سلوك لبوجيهات والضربات بتمشى بلترتيب 1و3و4و2 ودى شعلت البساتم والانفجرات الداخليه ؟لما الابلاتين بيبوظ الشراره بتقل والسحب يضعف واستهلاك البنزين بيزيد والابلاتين محتاج يتصنفر كل مده بسيطه لتنظيف الكربون ؟يارب اكون وضحة لانى بشرح زى اى ميكانيكى عادى لانها شغلتى الاساسيه وافتخر بيها وشكرا

المشاركة الأصلية كتبت بواسطة juba8

مافائده كل من الكتاوت والموبينه والاسبراتير والابلاتين والكوندنسر

علشان نجاوب على سؤالك نمشى بالعكس

العربية علشان تمشى لازم الموتور يتحرك
و علشان الموتور يتحرك لازم البنزين يتحرق
و علشان البنزين يتحرق لازم يكون عندى شرارة تولعه...(محركات الديزل يلزمها ضغط عالى جدا و لا يلزمها شرارة و ما فيهاش بوبينة و لا بوجيهات و لا الكلام دا)
و علشان الشرارة تكون موجودة لازم حاجة تولدها باى وسيلة و فى مجال العربية بنستخدم ملف رومكورف علشان نولد الشرارة

البوبينة هى اللى بترفع الجهد الكهربى لقيمة عالية جدا كافية لعمل شرارة

بس مش بتقوم بكدا لوحدها لازم حاجة توصل و تفصل بسرعة علشان الشرارة تطلع كانك بتوصل و تفصل مفتاح النور فى البيت ممكن تحصل شرارة و هو دا اساس انتاج الشرارة الفصل و التوصيل...اللى بيفصل و يوصل بسرعة هو دا الأبلاتين

طيب علشان ما نفقدش الشراة بسرعة و نحتفظ بيها لأكبر فترة ممكن بنستخدم المكثف او الكوندسر و دا وظيفته حفظ جهد الشرارة لأطول فترة ممكنة

حاجة تانية فى ال Distributer او الديسبراتير او الاسبراتير كما يطلق عليه ألا وهى الشاكوش...و دا وظيفته توزيع الشرارة على البوجيهات ....بيلف فى دائرة و مع كل جزء فى اللفة بيرمى شرارة على قطعة نحاس فى وش الاسبراتير بتودى على البوجيهات...فى ال 4 سلندر كل ربع دائرة...فى ال 6 سلندر كل سدس دائرة

البوجيه و دا وسيط بينقل الشرارة لداخل غرفة الإحتراق

و الترتيب كالتالى :

البطارية...(البوبينة - الأبلاتين - الكوندنسر)...الشاكوش...وش الاسبراتير...سلك البوجيهات...البوجيهات

الريلاى ممكن تشبهه بمفتاحين توصيل.... واحد بيوصل تيار قليل و التانى بيوصل تيار كبير جدا.... و استخداماته لما بنوصل كهربا عالية اوى فى دائرة ما تستحملش الكهربا العالية دى...اللى بيتعامل مع اطراف الدائرة الصغيرة هو المفتاح الصغير و اللى بيتعامل مع مفتاح الدائرة الكبيرة المفتاح الكبير