الموضوع: مافائده كل من الكتاوت والموبينه والاسبراتير

المشاركة الأصلية كتبت بواسطة juba8

مافائده كل من الكتاوت والموبينه والاسبراتير والابلاتين والكوندنسر

والله حضرتك بتسئل سؤال زى ايه لزمت الكاوتش فى العربيه او البنزين فى التنك سؤال ليس له معنى لان الاسبرلتير والموبينه واكوندنسر والبوجيهات والموتور نفسه لزمته ايه فى العربيه كل الحجات دى مكمله للموتور ماينفعشى نقول ايه لزمتها تقبل مرورى واسف لحضرتك ؟

المشاركة الأصلية كتبت بواسطة Mohamed Desoky

والله حضرتك بتسئل سؤال زى ايه لزمت الكاوتش فى العربيه او البنزين فى التنك سؤال ليس له معنى لان الاسبرلتير والموبينه واكوندنسر والبوجيهات والموتور نفسه لزمته ايه فى العربيه كل الحجات دى مكمله للموتور ماينفعشى نقول ايه لزمتها تقبل مرورى واسف لحضرتك ؟

عزيزى الاستاذ محمد

فيه ناس فعلا بتكون مش عارفة وظائف حاجات كتيرة فى العربية .... فاسمحلى اجاوب بانيابة عنك فى الحاجات الى اعرفها ......

الكتاوت .... و اسمها الاقرب للواقع relay ... و دى حاجة ظريفة جدا .... مكعب صغير خارج منه 4 او 5 اطراف ( رجل ) ... بيوصل دائرة كهرباء بطريقة كهرومغناطيسية بناء على اشارة كهربا تانية من دائرة تانية ....

يعنى زى مفتاح النور الى فى الحيطة .... بس بدل ما تشغله بايدك .. بتشغله باشارة كهربا

اديك مثال .....

الريلاى بيتحط فى دائرة النور العالى مثلا .. علشان يوصل كهربا مباشرة من البطارية ( ذو تيار عالى ) باستخدام تيار من دراع النور ( ذو تيار منخفض )
و بكدة انا بحمى ضفيرة العربية من الحمل العالى


الموبينة ...
و دى وظيفتها انها ترفع جهد البطارية ال 12 فولت ... لعدة الاف من الفولتات .. 5000 فولت مثلا .. و ده علشان اعرف اعمل شرارة كهربائية علشان تحرق خليط البنزين المضغوط داخل السلندر

الموبينة بتقوم بعمل الموضوع ده بمساعدة الابلاتين و الكوندنسر .... و دول وظيفتهم ( على ما اتذكر ) تقطيع التيار ... و شحن و تفريغ التيار عند القطع و الفصل

و لا اعتقد ان فيه اسبراتيرات جديدة فيها موضوع الابلاتين و الكوندنسر ده .... دلوقتى فيه حاجة اسمها موديل ... او مشط الاسبراتير الالكترونى ... الى بيقوم بوظيفة الابلاتين و الكوندنسر .... و ده احسن كتير

اسبراتير ....

هو الى بيقوم بتوزيع الشحنة الكهربية على اسلاك البوجيهات كلا تبع ترتيبه فى الاشعال
و ده ليه ظبطة معينة ... انا عن نفسى كنت فاكرها مشكلة ... لغاية لما جربتها بنفسة و وجدتها سهلة و مش معقدة

المشاركة الأصلية كتبت بواسطة juba8

لو مش عارف ده مش عيب

السلام عليكم ورحمة الله وبركاته شوف يا سيدى الفاضل انا 45 سنه 12 سنه منهم ميكانيكى سيارات فى ورشة خالى لحد ماخلصت معهد المساحه ودخلت الجيش وغيرت 16 عربيه مستعمله وكله بصلحه بايدى بعون الله واغلب عائلتى واصدقائى صنيعيه فى قلب الجيزه عارف فين الجيزه يعنى بعون الله ادخل 128 الشارع اطلعها مرسيدس واعرف كل خبايه العربيات لانى بحب السيارات عرفت انا مين حتى اخر عربيه معايه عربيه صينى شيرى عملت تعديلات فيها صعب اى حد يعملها 1 تصفيح السقف وعزله من الحراره 2 عزل ارضيه بلكامل 3 عزل الابواب بلارمفليكس بمعنى ادق انا جبت العربيه على الحديد وعزلتها عزل كلى وركبت كل حاجه تانى وعازل التكيف عزل كامل ؟وفوق كل ده معدل العفشه كلها جولف 3 وركبتهم بنفسى فى بورسعيد ولوحدى من غير اى حد لان دماغى كده مجنون شويه ولو الموتور فى يوم زعلنى ارميه فى الزباله واركب موتور جولف بلدفيره ؟تحب اكمل وله حضرتك عرفت انى فاهم كويس فى السيارات بس انتى سؤالك مستفز ؟؟؟؟؟؟؟ انا اسف

يا جماعه الاخ ممكن يكون بيسال عن وظيفتهم عشان لما يكون عنده عطل يعرف يحدد انهى جزء مساول عنه