الموضوع: رأيكم فى منع الرطوبه و التشققات فى الحوائط و تشطيب الشقه

المشاركة الأصلية كتبت بواسطة amr011111

سيب المحاره شويه لحد ما تبان كل عيوبها من تنميل وخلافه وبالنسبه للشروخ الصغيره النقاش بيجيب معاه شريط زى الشاش بس تقيل وده هيفرده على الشروخ ديه ويمعجن ومش هتبان معاك نهائى ان شاء الله
بالنسبه للعزل كده كده لو لا قدر الله حصل عندك تسريب فاللى العزل هيعمله ان السيراميك هيطبل عندك ولو معزلتش اللى هيحصل ان الميه هتنقط على جارك اللى تحت ففى الحالتين لو لا قدر الله حصل تسريب فانت هتكسر فمتحطش فى دماغك موضوع العزل.

طيب اقصى مدة يبان فيها العيوب حوالى 10 ايام مثلا ؟
و بالنسبه للعزل انا هعمل الى ربنا يقدرنى عليه لان الدور الى تحتى اخويا فمش هينفع ينقط عليه

و كويس جدا انك قولتلى على قصة الشاش دة عشان النقاش ميكبرش دماغة و فى الاخر تظهر عيوب

الحمد لله بعد بكرة المحارة فى الشقه كلها هتنتهى
بالنسبه للضهارة بتاعة السقف اجلتها لحد ما يخلص محارة السلم
و دة عشان ميبقاش لون السقف يصفر او ييجى عليه اسمنت و بالمرة اكون ركبت الابواب باب الشقه و ابواب الاوض لاتها هتركب زى المصفحه



الجريفياتو او graffiato paint
الراجل قالى انه افضل مليون مرة من الضهارة على السلم و البلكونه و الواجهه لان لونه مش بيغير زى الضهارة و بييجى ملون جاهز من الشركة و عشان كدة عمل محارة لبانى او ناعمه عشان تتعمل جريفياتو بس لما جيت ابحث عنه فى النت و اسئل عليه واحد صاحبى مهندس قالى انه اشتغل بيه كذا مرة بس الى شافه كان فنيش الجريفياتو فيه مخربش مش ناعم رغم ان بتاع المحارة بيأكد ان فيه منه مخربش و فيه منه ناعم فأنتم ايه رأيكم فيه و حد اشتغل بيه قبل كدة ولا لا ؟
لان لو هيعمله لازم محارة لبانى و لو هيعمل ضهارة هتبقى محارة مخربشة فعشان منخسرش حاجه من الاول لانه هيشتغل بعد بكرة ايه رأيكم ؟


بالنسبه للتكلفه 3 ادوار سلالم
هيحتاج حوالى 21 شكارة جريفياتو و سعرها 85 يعنى اجمالى 1785 جنيه ضهارة بس طيب تكلفه الات الضهارة ارخص كتير ولا هيا هيا ؟

طبعا الحلوق كانت راكبة قبل المحاره

المشاركة الأصلية كتبت بواسطة amr011111

طبعا الحلوق كانت راكبة قبل المحاره

لا لأن حلوق الابواب كلها سواء باب الشقه او الاوض هتبقى بتتركب زى المصفح و عاملهم كلهم عمولة عشان الشكل دة ملقتش زيه خالص جاهز لانى اهتميت بالتفاصيل زيادة عن اللزوم