الموضوع: تويوتا كورولا 2016 .. رأيكم لو تفضلتم (بالأخص طبعا اللى عن تجربه)

انا اسف اني مش بفيدك، بس انا بركب لوحدي عادةً، اقصي حاجة جربتها شخص واحد في المقدمة، هيه العفشة ناعمة جداً، وده ممكن يخليك تخاف تاخد المطب بسرعة، لكن الخلوص فعلاً معقول جداً

مشكله العربيه في حكايه العلو دي كانت اول ما نزلت والتوكيل عمل تعديل وعلاها ودلوقت المشكله دي مش موجوده
اما بالنسبه للسعر فهو فعلا مبالغ فيه بس ده حال كل العربيات وشوف اسعار الكوري وصلت فين
لكن في نفس الوقت المبلغ محترم وممكن تركب حجات كتير افضل من الكورولا مثلا عندك سوبارو xv او نيسان قشقاي هيبقو مناسبين اكتر لشوارعنا و في نفس الوقت عربيات محترمه وتقفيلهم اعلي من التقفيل التركي

المشاركة الأصلية كتبت بواسطة vetozza

انا اسف اني مش بفيدك، بس انا بركب لوحدي عادةً، اقصي حاجة جربتها شخص واحد في المقدمة، هيه العفشة ناعمة جداً، وده ممكن يخليك تخاف تاخد المطب بسرعة، لكن الخلوص فعلاً معقول جداً

لا أسف و لا حاجه .. كتر خيرك على الإهتمام

و على فكره أنا دخلت الاوبل أسترا تانى فى حساباتى بس من البحث المبدئى لقيت مشاكل كتير بيتكلموا عنها مثلا إنها لازم بنزين 95 و أوقات فيه صوت رجرجه فى الموتور ده غير إنها مش رايجه فى البيع (مش مهم بالنسبالى لأنى مش بفكر أبيع) ده فضلا عن إن توكيل منصور سمعته مش و لابد أو بالأخص معندهومش خبره فى التعامل مع الأوبل

موضوع محير !

المشاركة الأصلية كتبت بواسطة megaarts

مشكله العربيه في حكايه العلو دي كانت اول ما نزلت والتوكيل عمل تعديل وعلاها ودلوقت المشكله دي مش موجوده
اما بالنسبه للسعر فهو فعلا مبالغ فيه بس ده حال كل العربيات وشوف اسعار الكوري وصلت فين
لكن في نفس الوقت المبلغ محترم وممكن تركب حجات كتير افضل من الكورولا مثلا عندك سوبارو xv او نيسان قشقاي هيبقو مناسبين اكتر لشوارعنا و في نفس الوقت عربيات محترمه وتقفيلهم اعلي من التقفيل التركي

بس سوبارو xv هتدخلنى فى فئه ماليه أعلى شويه و أنا مش حابب أزود أكتر من كده بس هيه يابانى تقفيل إيه؟

بالنسبه لقاشقاى أنا سمعت إن فيه مشاكل فيها تقريبا فى الموتور أو الفتيس (مش متأكد من صحته بس كنت قريت الكلام ده سريعا كده خلال البحث) ده غير إنها لسه مش منتشره و مفيش معلومات عنها كافيه أوى و عشان كده إستبعدتها

لو عندك معلومات عنها و تقدر تفيدنى أكتر .. تبقى مشكور جدا

نصيحة شوف السنترا والفلوانس

المشاركة الأصلية كتبت بواسطة bluemail

نصيحة شوف السنترا والفلوانس

بصراحه مش حابب أى حاجه تقفيل مصرى و عشان كده بعدت عن السنترا ..
لكن عشان أنا بفكر فى اليابانى الأول فمدورتش أوى فى الفلوانس لكن هل عن تجربه حضرتك شايف إنها كويسه؟ و إيه تقفيل الفلوانس؟

شكرا مقدما

السوبارو ياباني 100% ومش هتزيد عن المبلغ بتاع حضرتك لانها بتبدأ من 230 الف
القشقاي ياباني تقفل انجليزي وهي مفيهاش مشاكل ولا حاجه في الموتور لكن يفضل استخدام بنزين 95 لانها موتور تيربو
الفلونس زيها زي الكورولا تقفيل تركي لكن لو فكرت فيها يبقي خليك في السنترا احسن ووفر فرق السعر لانها نفس الموتور والفتيس واعده البيع هتبقي في صالح السنترا

المشاركة الأصلية كتبت بواسطة megaarts

السوبارو ياباني 100% ومش هتزيد عن المبلغ بتاع حضرتك لانها بتبدأ من 230 الف
القشقاي ياباني تقفل انجليزي وهي مفيهاش مشاكل ولا حاجه في الموتور لكن يفضل استخدام بنزين 95 لانها موتور تيربو
الفلونس زيها زي الكورولا تقفيل تركي لكن لو فكرت فيها يبقي خليك في السنترا احسن ووفر فرق السعر لانها نفس الموتور والفتيس واعده البيع هتبقي في صالح السنترا

حضرتك تقصد بأه السوبارو "امبريزا" ؟ لأن ال xv بتبتدى من 260-270 ألف

بس هل أكيد إن السوبارو عموما بأنواعه تقفيل يابانى 100% ؟؟