الموضوع: افيدونا يا ملاك الصني

ايه يا جماعه محدش هنا معاه صني ولا ايه ؟؟؟؟



فين الردود ؟

اولا واهم شىء لازم اقوله عن العربيه: العربيه دى مش بتاعت جرى وشقاوه

مش هتعرف تاخد منها تجميع العربيات المانيوال ال1600

لو سواقتك هاديه هتعجبك لاقصى الحدود زىى

ندخل فالموضوع
1- العزم: انا كان معايا نوبيرا قبلها- عزم الصنى احسن من النوبيرا- الفتيس وهو على النقله الثانيه حلو جدا فالشد والمطالع- لكن اول مبينقل للثالث بتحس انك خسرت العزم (دا لو انت بتحب الجرى هتحس بدا)

2- السحب: النوبيرا عشان كانت مانيوال و1600 فالسحب بتاع النوبيرا احسن- يعنى على الصحراوى وحبيت اطلع من عربيه, الصنى بتاخد وقت اطول من النوبيرا عشان تجمع

بردو هحاول اقرب المقارنه هى قريبه جدا من سحب اللانوس لكن اقل من الفيرنا

الاوفر دايف بيسعف فالمواقف الصعبه- وهيلبى احتياجاتك فالجرى

3-بالنسبه للتكييف: فى طبعا احساس ان العربيه تجميعها اقل حاجه بسيطه, مش هتفرق معاك.

كنت بحسه فالنوبيرا واللانوس والفيرنا- هو هو نفس الاحساس

4-الثبات: نقطه ضعف. لحد ال120 كويسه وليست ممتازه( تقدر تسوق بايد واحده بثقه)- احسن من النوبيرا واللانوس والفيرنا

الثبات بالتجربه بيتاثر من ضغظ الكاوتش والهواء , الاثنين دول باثروا بالسلب الواضح فالاتزان.

لو العربيه محمله الاتزان بيتحسن ودا بيبان فالسفر.

اكثر من 120 كم/س الاتزان بيقل (وهتلاقى نفسك ماسك الدركسيون بايديك الاثنين عشان تلمها) وبيبان فالغرز الضيقه وانا لا انصح بالشقاوه بالصنى على السرعات العاليه. جبت بيها 160 لكن اخاف اخد غرزه على السرعه دى- كانت ممكن تجيب اكتر لكن خفت

5- العفشه: اول مجبتها كنت حاسس انها ناشفه- بعد الاستخدام العفشه ابتدت تاخد وتدى وطلع ان التنجيد بتاع الكرسى كان بردو ناشف وابتدا يطرى- فحاليا العفشه ناعمه فالمطبات

6- الفرامل: مبشتكيش منها- الفرامل قويه اقوى من النوبيرا واللانوس والفيرنا- عامل 33000 كم بتيل وطنابير الفابريكه.

انا تحت امرك فى اى استفسار.

لغايه 120 ممتازه بعد كده خفيفه
اقصي سرعه ليها 170 بتوصل ل 4500 لفه
الااتزان حلو بس متقارنها بالعربيات العاليه زي الالماني مثلا
العفشه حلوه بالنسبه للشوارع المصريه والتكسير اللي فيها عاليه وناشفه شويه

تسلم اديكو يا جماعه
المشكله اني معايا دلوقتي لانسر بومه 1300 مانيوال والصراحه انا موضوع السحب ده حاجه مهمه بالنسبالي والعفشه كمان

انا ناوي ابيعها و موقف الشاري علشان مش عارف اشتري ايه الصراحه

شكرا لردودكم ولو تقدرو تنصحوني بحاجه .... يعني مثلا هيا احسن ولا البيجو 301 ؟؟؟ علما بأنها ب 165 الهاي لين ؟؟ ولا اللوجان
انا محتار بين ال 3 دول مع العلم اني مش عاوز اصرف قوي الصراحه وشكرا تاني

المشاركة الأصلية كتبت بواسطة Mohamed Abdoh

تسلم اديكو يا جماعه
المشكله اني معايا دلوقتي لانسر بومه 1300 مانيوال والصراحه انا موضوع السحب ده حاجه مهمه بالنسبالي والعفشه كمان

انا ناوي ابيعها و موقف الشاري علشان مش عارف اشتري ايه الصراحه

شكرا لردودكم ولو تقدرو تنصحوني بحاجه .... يعني مثلا هيا احسن ولا البيجو 301 ؟؟؟ علما بأنها ب 165 الهاي لين ؟؟ ولا اللوجان
انا محتار بين ال 3 دول مع العلم اني مش عاوز اصرف قوي الصراحه وشكرا تاني

انا سقت البوما ال1300 بتاعت حضرتك
قريبيين من بعض جدا فالاداء كاتزان وفرامل
الشد معرفش عشان مكنتشتش بتاعتى- بس اعتقد الصنى هتكون احسن حاجه بسيطه عشان 1500
الصنى الRPM بتاعها لما بيعلى عن 4000 لفه العربيه بتكون حلوه فالتجميع
تحت ال3000 بتكون عربيه عواجيزى شويه وهو دا اللى عاجبنى فيها عشان سواقتى هاديه

كان فلا عربيه test drive راكنه عند السبع فرع المعادى شارع اللاسيلكى
كلمهم على 16244 او 16449 وشوف كل لازالوا بيقدوا الخدمه دى
حاول تجربها قبل قرار الشراء - هى او اى عربيه تانيه من فضلك

المشاركة الأصلية كتبت بواسطة adel_edrees

حضرتك طالما ناوى ناوى يبقى سيبك من ال 301 و اللوجان و الصنى و خش على العربيات اللى بجد السينترا اول العربيات اللى بجد و شكرا

حضرتك عندك فكره السنترا بكام
السنترا ب 192 الف