الموضوع: مشكلة برجلة على سرعه منخفضة من أول 10 ل 80 سيارة جيتز

البرجله دى ممكن بكون سببها كهربا على حد علمى
جرب دور العربيه و هى واقفه على park او n
و اسمع صوت المكنه طبيعى ولا فيه ترتيله
و افتح الكبوت و قرب ودنك من المكنه و اسمع الصوت على السلانسيه منتظم ولا بيحصل فيه ترتيله حتى لو خفيفه
و زود سنه ب سنه و شوف
انا خبرتى فى المواتير الحديثه مش اد كده بس اتمنى اكون افدتك
و ان شاء الله ممكن تكون كهربا

ازاى بتوع الكاوتش يحكمو نظرى كدة

ممكن كاوتش تكون فيه بالونة من الداخل خصوصا لو جنط كبير مش هتظهر غير بفك الفرد

روح اعمل ترصيص للاربع فرد

و عرفنا عملت ايه

بنسبة 90% كاوتش لانها حصلت معايا لو بتمشي من بطئ وبتعمل كده يبقي كاوتش، انا كنت ماش يبكيا سيفيا برضه وهي اتوماتيك وكانت بتترعش كده علي سرعة بطيئه رعشه جامده وبعدين روحت لقيت الكاوتش معوج بسبب واحد الله لا يسامحه فشخلي العربيه خوابير روحت لعفشجي قولت ممكن تكون العفشه عايزه تتربط قالي روح لواحد بتاع ترصيص روحت لبتاع ترصيص بص علي الكاوتش قالي الكاوتش لازم يتغيرعملت الكاوتش مشيت كويس الحمدلله .. ساعات بيبقي منفوخ عادي بس فيه انعواجات والله اعلم :)

المشاركة الأصلية كتبت بواسطة م أحمد

ازاى بتوع الكاوتش يحكمو نظرى كدة

ممكن كاوتش تكون فيه بالونة من الداخل خصوصا لو جنط كبير مش هتظهر غير بفك الفرد

روح اعمل ترصيص للاربع فرد

و عرفنا عملت ايه

انا مع رأيك بس مش لازم يعمل ترصيص ممكن يكون بس الكاوتش عايزيتغير لانها حصلت معايا فعلا وطلع فيه بلالين مش بالونه فعلا :d

المشاركة الأصلية كتبت بواسطة osama srhan

البرجله دى ممكن بكون سببها كهربا على حد علمى
جرب دور العربيه و هى واقفه على park او n
و اسمع صوت المكنه طبيعى ولا فيه ترتيله
و افتح الكبوت و قرب ودنك من المكنه و اسمع الصوت على السلانسيه منتظم ولا بيحصل فيه ترتيله حتى لو خفيفه
و زود سنه ب سنه و شوف
انا خبرتى فى المواتير الحديثه مش اد كده بس اتمنى اكون افدتك
و ان شاء الله ممكن تكون كهربا

أستاذ أسامه . السلانسيه بردو بيكون فيه برجله بس مش مستمره يعني مثلا كل 10 ثواني الاقي العربيه رعشت .. لما بفتح الكبوت نفسه صوت الموتور خشن زي ماتكون عربيه قديمة . ولما احط إيدي عليه الاقي رعشه مش عارف ده طبيعي ولا لا .

انا خبرتي بالعربيات قليله حد يجاوبني

المشاركة الأصلية كتبت بواسطة م أحمد

ازاى بتوع الكاوتش يحكمو نظرى كدة

ممكن كاوتش تكون فيه بالونة من الداخل خصوصا لو جنط كبير مش هتظهر غير بفك الفرد

روح اعمل ترصيص للاربع فرد

و عرفنا عملت ايه

باش مهندس أحمد . بتوع الكاوتش فعلا فكو العجل ووديت العربيه لواحد فكهم وطلع الجنوط وكشف عليهم لوحدهم علي بتاع كده بيلف الكاوتش وبيقرب منه مؤشر عشان لو فيه حته معووجه تبان . وقالي الجنوط والكاوتشات كويسين

المشاركة الأصلية كتبت بواسطة amr011111

طيب حاول تجيب الكاوتش اللى قدام ورا والعكس وشوف العربيه. بحيث لو مراحتش نبقى نستبعد الكاوتش تماما

عملت كده بردو ومافيش فرق انا زهقت وربنا