الموضوع: فيزو البطارية عمال يتحرق يا جدعان

حد يعرف مركز صيانة متكامل للميجان 2006 أنا عايز أدخل عربيتي تطلع واحدة جديدة خالص وياريت يكون حد جربه قبل كده

باشمهندس ممتاز كل اللي حضرتك عملته قدر الله وما شاء فعل ومتزعلش علي اللي عملته ليه بقي اقولك
طالما حضرتك دارس يبقي هتفهمني هو فعلا كده الكنترول هو اللي بايظ ليه تعالي نشوف
الكنترول عباره عن اين بوتس واوت بوتس الاين بوتس عباره عن حساسات بتقرا معلومات وبتبعتها سواء انالوج او ديجتال الي البروسيسور وبالتالي البروسيسور بيعالج البيانات ولو في اوردر اوت بوتي بيبعته للاوت بوت مثال لو الانبوت من حساس الحراره مثلا ان الحراره تجاوزت 90 ودلوقتي وقت ان المروحه تشتغل البروسيسور بيطلع امر اوت بوت للمروحه طبعا مش ديرك لان البروسيسور عليه ليمتدر كرنت حوالي 20مللي امبير وطبعا عمر ما ال 20 مللي امبير هيشغله المروحه حتي لو فرق الجهد 12 فولت اللي هيحصل ان الوحده كلها هتتحرق يبقي لازم نحط وسيط وهو الترانزستور كمفتاح ... سواء bjt او mosfet اي كان نوع الترانزستور فهو بياخد التيار البسيط من البروسيسور ويقوم هو بدور المفتاح اللي هيقفل الدايره للمروحه



اللي حصل عندك كالاتي ان فعلا في ترانزستور او اكتر عاملين شورت سيركت في الكنترول نفسه فحضرتك عملت توصيلات اكستيرنال واصلا التوصيلات دي سواء 12 فولت او جراوند فهما برضه في الاخر واصلين للكنترول اللي عليه شورت فبالتالي حصلت المشكله ..
يارب مكونش طولت عليك بس كلامي موجهه لحضرتك بس بما انك دارس مش للعامه لاني شايفه كلام صعب شويه ويلخبط تابعنا عملت ايه وربنا يوفقك ويكفيك شرها بس للاسف كل بلد ليها سياستها التيكنولوجيه الفرنساويين يتميزوا بالتكنولوجيا المفرطه واحنا كبلد ولا عندنا صنايعيه ولا حتي مهندسين مؤهلين لمثل تلك التكنولوجيا هي عربياتهم وحتي ماكيناتهم لاني اتعاملت مع ماكينات فرنساوي بتشتغل كويس جدا جدا وممتازه بس لما بتفتح بؤها بتتعب انا عندي قطعه في ماكينه اسمها ابسلوت انكودر ودي بتركب في سفن وغواصات ولقيتها راكبه عندي في ماكينه واديها موقفه الماكينه بقالها شهر لان مالهاش بديل ولازم تيجي من بره ومتبرمجه كمان