ده كتالوج الزيوت وعندي سؤال

**EmadAziz** · 25-07-2016 04:56 PM

المشاركة الأصلية كتبت بواسطة borio1704

ما تحطش موضوع البراند في دماغك...

أهم حاجة المواصفات ... لإن فعليا لو لقيت نوعين زيت زي بعض بالضبط في الأكواد باتعت الجودة مش هتلاقي فرق محسوس في أداءهم في العربية ..

ولو قدامك زيوت متشابهة في المواصفات يبقى ساعتها بس ندور على البراند.. ولو البراندات كويسة ممكن نبص بعد كده على بلد المنشأ..

إنما المواصفات هي دايما الأساس.. حتى لو كان الزيت بتاع التعاون أو مصر للبترول.

إنما المشكلة الأصلية هي احتمال الغش.. يعني تشتري زيت مستعمل (أو حتى زيت أكل) متعبي في عبوة زيت مشهور وتحطه في عربيتك.. يبقى كده الموتور مع السلامة..

يمكن علشان كده بس بنحاول نلجأ للبراندات المشهورة ونشتريها من أماكن معروفة بسمعتها ..

...

تمام، طيب واغير الزيت كل قد ايه؟ لو مش في الصور اللي من الكتالوج اللي بعتهالك ماتعرفش تبقي تحت باند ايه؟ شكرا ومعلش زهقتك :)

**borio1704** · 25-07-2016 06:05 PM

المشاركة الأصلية كتبت بواسطة EmadAziz

تمام، طيب واغير الزيت كل قد ايه؟ لو مش في الصور اللي من الكتالوج اللي بعتهالك ماتعرفش تبقي تحت باند ايه؟ شكرا ومعلش زهقتك :)

زهقتني إيه بس؟؟ اسأل زي ما انت عايز :)

بالنسبة لموعد تغيير الزيت هتلاقيه في قسم الصيانة في جدول الصيانات الدورية..

عموما.. كتالوج كندا اللي حضرتك واخد منه بيقول تغير الزيت على 15 ألف في الأحوال العادية .. و7500 في الأحوال الشاقة..

إنما كتالوجات الشرق الأوسط بتقول 10 آلاف في الأحوال العادية أو 5000 في الأحوال الشاقة.

وتعريف الحالات الشاقة موجود في الكتالوج بردو.. أعتقد في صفحة لوحدها في قسم الصيانة بعد جدول الصيانات.

ارجع بردو للموضوع ده.. أعتقد هيفيدك..

http://www.nilemotors.net/Nile/490076-a.html

...