الفتيس الاوتوماتيك بتاع الفيرنا باظ اصلحة فين ؟؟

**maraaawan** · 30-11-2008 05:28 PM

العربيه فيرنا 2005 اوتوماتيك الفتيس كان باظ وهى فى الضمان ورحت التوكيل غيروة بعد مشاكل المهم العربيه دلوقت خرجت من الضمان طبعا والفتيس ضرب تانى وديتها لميكايكى قالى لازم يتغير سالت علية فىالتوكيل قالوا حوالى 12 الف بالتركيب وتظبيط الموتور الحاجات اللى عااوزة تتتظبط فى العربية حد قالى ولا تغيرة ولا بتاع اسئل على ميكانيكى يكون بتاع اوتوماتيك كويس يصلحة حد يعرف ميكانيكى لة فى فتايس الاوتوماتيك يعرف يصلح الفتيس بتاع الفيرنا ويكون متجرب وخبرة فيها؟؟ وهلى فتيسها ممكن يتصلح اصلا ولا مافيش فايدة هايبوظ تانى وحد عندة فكرة الفتيس استيراد كويس ولا بلاش منة وسعرة فى حدود كام ؟؟

هى العربية بتمشى مايكملش كيلو وتبتدى تفصل فجاة ووتزود بزين كانها على السلانسية مع انى معشق على الدى
وشكرا

**anongy** · 30-11-2008 05:31 PM

ربنا معاك ربنا يسهل

**pharonicking** · 30-11-2008 05:47 PM

ربنا معاك""" انا ياما نصحت الاخوة الاعضاء بالابتعاد عن الاوتوماتيك الكورى ومحدش صدقنى """ ولسة بنصح الاخوة """ على فكرة فتيس الاوبترا الاوتوماتيك ب32 الف """ والله اعلم بيبوظ امتى؟

**maraaawan** · 01-12-2008 08:48 PM

شكرا لردودكم يا جماعه بس انا كنت بسال عن ميكانيكى فتايس اوتومتيك كويس لو حد يعرف واحد يكون خبرة ومتجرب يدلنى علية وعلى عنوانة وتلفونة اكون شاكر؟؟

**نينو** · 02-12-2008 01:05 AM

عندك مجدي اتوماتيك في احمد سعيد عند المكان اللي بيتجمعو في السودانيين انا بشوف عندو ناس كتير و عربيات كتيرة جدا كل يوم

**حاتم سليم** · 02-12-2008 01:38 AM

maraaawan بك

المشكله دى حصلت معايا فى سياره 131 اوتوماتيك بعد حوالى 40 الف كيلو

و حلها اسطى ميكانيكى ( الله يرحمه ) قال فلتر زيت الاتوماتيك مسدود و قام بالاتى

1- افرغ زيت الاتوماتيك من الطبه
2- قام بفك كارتير زيت الاتوماتيك
3- فك فلتر الزيت ( عباره عن مصفاه معدنيه على شكل شبكه دقيقة الفتحات جدا راكبه ب 4 صواميل ) و قام بتنظيفه جيدا بالبنزين
4- عمل جوان كارتير جديد
5- قام بتركيب الفلتر ثم الكارتير بالجوان الجديد و ربط الطبه
6- تم وضع زيت اتوماتيك جديد ( من مكان اضافة زيت الاتوماتيك )
7- دور العربيه و اصبر 10 ثوانى بعد النقل على ال D على مالزيت يدخل فى الفتيس

و اصبحت السياره زى الفل

و لكن هذا فى سياره موديل 79 و التكنولوجيا اختلفت كثيرا الان

وبصراحه انا لست متأكد ان هذا الحل قد يصلح لسيارتك !

و لكن حاول فالامر يستحق المحاوله لانها بتكلفه بسيطه

لعل و عسى و الله الموفق ...

**ahm3d ham>ed** · 12-12-2008 05:03 PM

بص ياباشا هو انتة لما تيجى تجيب dالعربية مابتتحركش؟

لو كدة انا كان حصلى الموقف دة من شهر ورحت لكذا ميكانيكى فى القاهرة وقالى هات فتيس استيراد وريح دماغك(مش عايزين يفكوا ويصلحو!)مكسلين.
بس اتصلت بواحد ميكانيكى صحبى بس فى المنوفية قالى هات العربية ومالكش دعوة وصلحلى الفتيس وبقى زى الفل والتكلفة كانت 1400جنية بالزيت والمصنعية وقطع الغيار
والفتيس بسم الله ماشاء الله ماشى معاية زى الفل لغاية دلوقتى ياريت تروحلة هو مشهور فى المنوفية بحوار الفتيس الكورى دة وانا عربيتى نوبيرا اتو ماتك موديل 2002
ادخل هناhttp://www.nilemotors.net/Nile/showt...t=44994&page=5

**maraaawan** · 22-12-2008 04:48 AM

شكرا يا اخ ahm3d ham>ed لاهتمامك وردك والافادة انا بس الايام دى مشغول مووووووت بس ممكن بعد راس السنة اخد نفسى ويبقى عندى وقت اوديها هناك وهاكلمك علشان توصية عليا :) وشكرا مرة تانية لردك ونصيحتك

**wesam_salom** · 22-12-2008 01:15 PM

اقلبها مانيوال

ارخص واسهل

وكمان مش هتشتكى منها تانى

**ahm3d ham>ed** · 22-12-2008 06:21 PM

المشاركة الأصلية كتبت بواسطة maraaawan

شكرا يا اخ ahm3d ham>ed لاهتمامك وردك والافادة انا بس الايام دى مشغول مووووووت بس ممكن بعد راس السنة اخد نفسى ويبقى عندى وقت اوديها هناك وهاكلمك علشان توصية عليا :) وشكرا مرة تانية لردك ونصيحتك

على اية يا استاذ مروان بس انتة كلمنى وملكش دعوة وهتدعيلى إن شاء الله انا الصراحة اشهدلة بموضوع الفتيس الكوورى دة

الموضوع: الفتيس الاوتوماتيك بتاع الفيرنا باظ اصلحة فين ؟؟

LinkBack

أدوات الموضوع

عرض

-

-

-

-

-

المواضيع المتشابهه

مسكلة قي الفتيس الاوتوماتيك بتاع الكليو

مساعده بخصوص الزجاج الكهربه بتاع السواق بتاع الفيرنا

عااااااجل::::اشترى الفتيس الاوتوماتيك بتاع النوبيرا منين ؟؟؟!

حد يفهمنى الفتيس الاوتوماتيك بتاع الصنى

ايهم يحافظ على الموتور اكثر الفتيس العادة ام الفتيس الاوتوماتيك ؟؟

الكلمات الدلالية لهذا الموضوع

المفضلات

المفضلات

ضوابط المشاركة