الموضوع: أهم اجراءات شراء السيارات المستعملة

السلام عليكم
--------------

- كنت عايز اعرف اهم أجراءات شراء السيارات المستعملة بالنسبة للأوراق ؟

- يعنى بعد معاين السيارة وتطلع تمام وهشتريها..اجيب عقد ابتدائى وادقع كام مثلا بعد كتابة العقد الابتدائى ؟

- وممكن اقدر اسجل عقد نقل ملكية فى الشهر العقارى بعد اد ايه ..وهل لازم وجود الشارى معايا ؟

- وايه الاوراق اللى بطلبها من البائع يجبها من المرور ؟

المشاركة الأصلية كتبت بواسطة sherif_mahalla

لو هتعمل نقل ملكية علطول هتحتاج البايع معاك في الشهر العقاري أو يعملك توكيل خاص بالبيع للنفس
و شهادة مخالفات من المرور عشان تتأكد إن العربية معليهاش مخالفات و كمان هتحتاجها عشان لازم في خلال شهر من نقل الملكية تغير الرخصة بإسمك
غالبا طالما هتستلم العربية هتدفع 90 % و تمضي عقد ابتدائي
و الباقي بعد استلام شهادة المخالفات و عمل نقل الملكية
بس لازم تتأكد من بيانات الرخصة و السيارة
و فيه هنا موضوع شامل لإجرائات البيع
http://www.nilemotors.net/nile/22454-a.html
و لشراء عربية مستعملة للمبتدئين
http://www.nilemotors.net/nile/20244-a.html

تمام ياكبير .. طيب لما ادفع 90 % من ثمن السيارة ونعمل عقد ابتدائى
هل العقد الابتدائى يضمن حق المشترى فى ملكية العربية يعنى يبقى أمان مايجيش البايع يقولى مخدش حاجه وممكن يلغى العقد الابتدائى ؟؟؟؟؟؟؟؟؟