عايزني امضي على القائمة المنقولات قبل مالحاجه تيجي

**melouk1** · 09-09-2016 09:14 PM

المشاركة الأصلية كتبت بواسطة رامي مصطفى

اولا الناس بتمضي القايمه مع كتب الكتاب
لو طلب منك تاني قوله واحنا بنكتب الكتاب قبلها ع طول همضي على القايمه.
ثانيا القايمه فعلا حاجه تحسس الواحد بالإشمئزاز وفعلا ازاي البعيييد يآمنلي على بنته ويخوني في الخشب والبلاستيك.بس هوا ده السائد .الاخوه اللي معترضه على القايمه اصلا اتجوزوا ولا لسه؟؟؟؟؟؟؟؟؟؟؟؟؟

يا بيه اتجوزت انا واخواتي الخمسة رجالة ماشاء الله لا قوة الا بالله و كل عيلتنا و عيلة مراتي كلها و كلهم عمرنا مسمعنا عن القايمة دي
ده عرف عند مين الله اعلم
كل اللي بيحصل انهم بيعرفو ان اللي جاي على دين و من عيلة كبيرة توازي نفس العيلة إجتماعياً
بس كده و شكراً و بيتحط مبالغ طائلة و تصل لمئات الالوف محدش بيقول مين جاب و لا مين عمل

لان الراجل اللي بيدي بنته لراجل ديه يستحل معاشرتها بكلمه من الله و بيقول لبنته ده اللي هيحميكي و يصونك حتى لو انا مت ده اللي عليكي السمع و الطاعه ليه فيما يرضي الله
ده اللي هتشيلي سره جوه بيتكو ميخرجش ابداً
ده اللي سترك و غطاكي و ابو ولادك

بعد كل ده يجي يقولها بس همضيه على الخشب والبلاستيك يا بنتي !!!!!!

يبقى من وجهة نظري اللي مش ملزمة لحد قلة ادب و مش جواز اصلاً ده اللي يحصل فيه كده ..

**رامي مصطفى** · 09-09-2016 11:39 PM

انا بكلمكوا من اللي شايفه مع الناس للأسف.
وعلى فكره والله انا ما مضيت على قايمه.

**عﻻء سالمان** · 10-09-2016 07:35 AM

انا قارنت بين زواجى وزواج اخوانى وزواج اخت العروس ولقيت ان عرسان اخولتى وعديلى مضوا على قوايم .. فسألت حمايا القايمة فين قالى مش جاهزة ومش فاضيلها.. اتجوزنا بفضل الله ثم فضل الوالدين ورجعت بعد الجواز بشهر اسأل حمايا فين القايمة قلى ادينى اسبوع كمان.. وبعد اسبوع سألت وجابهالى مضيت عالواقف من غير ما ابص مكتوب فيها اية..

**ahmedabohgr** · 12-09-2016 03:20 PM

عموما مضيت والحمد لله وسيبتها على الله بس ممكن نختلف على المؤخر قبل كتب الكتاب ف الحاله دي ممكن يضروني بالقايمه قبل كتب الكتاب لان فيه شرط ف القايمه انها زوجيه يعني يشترط كتب الكتاب ؟ افيدوني افادكم الله

**ahmed asem** · 12-09-2016 03:41 PM

المشاركة الأصلية كتبت بواسطة ahmedabohgr

عموما مضيت والحمد لله وسيبتها على الله بس ممكن نختلف على المؤخر قبل كتب الكتاب ف الحاله دي ممكن يضروني بالقايمه قبل كتب الكتاب لان فيه شرط ف القايمه انها زوجيه يعني يشترط كتب الكتاب ؟ افيدوني افادكم الله

استاذ احمد الحل بسيط
حضرتك هتروح قسم الشرطه التابع لهم " اهل عروستك " وهتعمل محضر اداري " اثبات حاله "
هذا المحضر لن يعلم به احد سواك لانه يحفظ اداريا .. حضرتك فقط بتطلب منهم رقم المحضر وتحتفظ بالرقم وبتاريخ تحريره
- ماذا ستقول بالمحضر ؟
- هتقول انا كذا كذا وقعت علي قائمة منقولات لصالح كذا كذا مضطرا بسبب استكمال اجراءات الزواج
وتكتب الرقم اللي حضرتك مضيت عليه وانه رقم غير حقيقي لان حضرتك مستلمتش اي شيئ من القايمه و ان حضرتك مشارك في شراء بعض المنقولات ورغم كده مضيت انها تخص العروس باكملها ومعاك اثنين ثقه من الاقارب او الاصدقاء شهود علي كلامك في المحضر
- ما فائده هذا المحضر ؟
المحضر يعد قرينه قويه ياخذ بها القضاء في حاله حدوث مشاكل تتعلق بهذا الامر بتقدم رقم المحضر وتاريخه ليتأكد القاضي من صدق كلامك
في النهايه الف مبروك وان شاء الله لن تواجه اي مشكلات مادمت احسنت الاختيار واي استفسار تحت امرك انا محام استئناف

**ايمن محمود محمد ابراهيم** · 14-09-2016 03:10 PM

المشاركة الأصلية كتبت بواسطة ahmedabohgr

أحمد كمال 1- انا ضد القايمة شكلا و موضوعا
2- لو مصمم تمضي ما تمضيش حاجة قبل ما الحاجة تيجي
3- هيقول لك مخوننا قول له لا بس انت كده اللي مخونني
4- لو عمل مشكلة بناقص الجوازة
5- ما تلفش حبل المشنقة على رقبتك بايدك

تمام كلامك بس اذا مضيت ومحصلش نصيب قبل كتب الكتاب ....هل القايمه بتكون دليل ادانه ضدي برضه في الحاله دي ...

لأ، اطلاقاً

قايمة المنقولات ليس لها اى قيمة بدون قسيمة الجواز، لذلك لا ضرر على الأطلاق من التوقيع عليها فى اى وقت، ولكن الضرر كل الضرر ان تحتوى على منقولات وهمية او منقولات باسعار فلكية لا تتناسب مع السعر الفعلى، لأن ذلك يضعك تحت طائلة القانون فى حالة الطلاق لا قدر الله

**khaledinside** · 14-09-2016 04:13 PM

التوقيع يلزم صاحبة بالشئ الموقع علية

يعنى من الاخر القانون لا يحمى المغفلين

بمجرد امضائك على اى ورقة حتى لو غير القايمة فانت معترف بمسئوليتك عن اللى مضيت علية

فاللى يقولك عرف - وامضى وعادى والكلام دة - ولاقدر الله حصل حاجة ومفيش حاجة جت - يبقى هتلبس فى الحيط -

انا عارف ان الاهل بيحاولو يأمنو بنتهم - بس القانون ملوش دعوة بالكلام دة

**ahmedabohgr** · 12-08-2021 10:46 PM

المشاركة الأصلية كتبت بواسطة volociximab

ههههههههههه
سلو بلدنا يا استاذ احمد
القضية مش القائمه
القضية فى البشر الى بتتعامل معاهم
انت داخل بيت و لهم ايضا مخاوفهم

**ahmedabohgr** · 12-08-2021 10:55 PM

ياريتني كنت سمعت كلامك

**ahmedabohgr** · 12-08-2021 10:56 PM

المشاركة الأصلية كتبت بواسطة أحمد كمال

1- انا ضد القايمة شكلا و موضوعا
2- لو مصمم تمضي ما تمضيش حاجة قبل ما الحاجة تيجي
3- هيقول لك مخوننا قول له لا بس انت كده اللي مخونني
4- لو عمل مشكلة بناقص الجوازة
5- ما تلفش حبل المشنقة على رقبتك بايدك

كلامك مظبوط ياريتني كنت سمعت كلامك