زيت محرك لانوس 2015

**zeroten** · 07-09-2016 07:55 AM

أخي الحبيب... ما تضايقش قوي كده..

للأسف الكلام المنتشر عن استخدام الزيت التخليقي في العربية الجديدة غير صحيح بالمرة.

وبردو الكلام المنتشر عن استخدام الزيت المعدني في السيارات القديمة خطأ تماما..

الزيت الصح والأفضل لموتور عربيتك هو اللي مواصفاته مكتوبة في كتالوج عربيتك اللي جاي معاها... فقط لا غير..

يطلع معدني.. يطلع تخليقي... ده مالوش دعوة إطلاقا.

أنا عندي توصيات زيوت اللانوس I... اللي كانت نازلة سنة 1999... معرفش التوصيات اتغيرت دلوقتي ولا لأ..

أرجو إن حضرتك تصور لنا صفحة الكتالوج اللي مكتوب فيها مواصفات الزيت.. وإن شاء الله نقوللك على الزيت المناسب حسب استخدامك وأولوياتك.

وأرجو بردو إن حضرتك تعدي على الموضوعين دول.. هيفيدوك جدا..
http://www.nilemotors.net/Nile/434256-a.html (اقرا كتالوج عربيتك.. هتستريح)
http://www.nilemotors.net/Nile/341680-a.html (القواعد الذهبية لاختيار زيت العربية.... موسوعة مبسطة لأساسيات زيوت المحركات)

ولو لسه محتار .. اسأل واحنا نجاوبك إن شاء الله.

مشكور أخي الحبيب للمرور والاهتمام

وإليك الصور

وسؤالي كان هل لو غيرت زيت المحرك للزوجة 5w30 يضر المحرك علما بأن اللزوجة دي مطروحة في كتيب السيارة ..... وألف ألف شكر

**borio1704** · 07-09-2016 02:50 PM

المشاركة الأصلية كتبت بواسطة zeroten

مشكور أخي الحبيب للمرور والاهتمام

وإليك الصور

وسؤالي كان هل لو غيرت زيت المحرك للزوجة 5w30 يضر المحرك علما بأن اللزوجة دي مطروحة في كتيب السيارة ..... وألف ألف شكر

دي نفس التوصيات اللي موجودة عندي... وزي ما قلتلك دي بتاعت اللانوس I...

معلش.. سؤالي ده غلس شوية.. بس حضرتك اتأكدت من إن دي هي نفسها التوصيات اللي في كتالوج عربيتك؟؟؟؟

أنا بسأل لتأكيد المعلومة بالنسبالي مش أكتر.. ﻹن الآفيو مثلا فيها نفس موتور اللانوس بس مواصفات الزيت مختلفة.

تاني حاجة محتاج أعرفها ضروري هي طبيعة استخدامك للعربية.. ﻹن دي هي اللي بتحدد اللزوجة المناسبة.. خصوصا لما تلاقي إن أي زيت ممكن يشتغل زي حالتنا هنا.

كمان.. مهم أعرف أولوياتك بالنسبة للزيت نفسه...

تفاصيل الكلام اللي أقصده موجودة في الموضوع ده..
http://www.nilemotors.net/Nile/481878-a.html

وأنا بردو معاك لحد ما نلاقي أفضل زيت يناسبك ويناسب عربيتك.

...