الموضوع: الرجاء افيدوووووونى ارجو المساعده

السلام عليكم ...

أولا كل سنه و انتم طيبين

بعد اذنكم يا رجاله انا فى حيره بقالى سنه او اكتر انا عايز عربيه فى بدايه حياتى و تعيش معايا .. اللى معايا حاليا فى حدود 55 و بحد اقصى 60 الف فا بعد تفكير طويل قررت انى اجيب حاجه زيرو و المبلغ دا يبقى مقدم و اقسط الباقى و بما انى ف بدايه حياتى فا القسط مش عايزه كبير.. بعد البحث لقيت ان الاختيار ما بين 3 ألا و هم هيونداى فيرنا و شيفورليه افيو و اخيرا اللادا جرانتا ..

الحقيقه انا اللى ميال ليها اكتر اللادا عشان امكانيات "بالاخص الأمان" و سعر و صناعه حاجه حلوه بس اللى مقلقنى منها حته قطع الغيار و التوكيل و سعر ما بعد البيع بس دا مش هاممنى اوى يعنى لكن لما سألت و شوفت هنا التوكيل زباله و قطع غيارها لسا مش متوفره عشان لسا مانتشرتش اوى يعنى الشارع كل فين و فين لما تلائى واحده .. و ده اللى خلانى افكر ف الاتنين التانيين.. أرجو المساعده و جزاكم الله خير و اسف للاطاله

حاجه بس صغيره كدا .. دى اول عربيه اركبها

خليك فى هيونداى فيرنا
عشان عملية وقطع غيار متوفرة جديد واستيراد
وسهولة تعامل الميكانكية معاها
واشترط على المعرض ان الاربع ابوب يكون فامية عشان التكييف وتثبته على الرخصة
ويكون راكب فيها كشافات زينون للنور الكبير والشبورة
عشان ماتخرجش من الضمان لو ركبت الحاجات دى بره

وفروتين امامى وخلفى للتابلوه
وكسوة للكراسى
دول من برة عشان معلهمش مشكلة