الموضوع: لادا سمارا ١٩٨٨-١٩٩٠

العربيه اكثر من رائعه بس شرط الحاله الجيده و قطع الغيار متوفره عند حمدى لادا و المركز الروسى بالتوفيقيه و شركه الامين.

متشكر جدا لحضرتك، بس ممكن حضرتك تفيدني في الموضوع بتاع الحراره، وايه الحاجات اللي اركز عليها وانا بشتري؟

اهم حاجه و انت بتشترى ان العربيه تكون واقفه على حيلها و مش متهانه و ده تعرفه من نظرتك للعربيه بشكل عام و يستحسن يكون معاك ميكانيكى يكشفلك على المحرك. موضوع الحراره له اسباب و بتتعالج ويستحسن عمل دوره غسيل للريدياتير و مراجعه ترموستات الحراره مع الميكانيكى.

اشكر حضرتك جدا على الاهتمام والرد

يا ريت يا جماعه لو في حد من طنطا يفيدني في ميكانيكي وكهربائي كويس بيشتغل في السمارا يعرفني

عزيزى امجد انصحك تشوف لادا عاديه 2107 لان السماره هتتعبك جدا فى قطع الغيار دى نصيحتى واى عربيه سر نجاحها مش قوتها لا نجاح اى عربيه فى انتشار قطع الغيار قبل ما تشترى ركز فى قطع الغيار اولا وبعد كده اختار صح وربنا يوفقك؟

المشاركة الأصلية كتبت بواسطة mohamed desoky

عزيزى امجد انصحك تشوف لادا عاديه 2107 لان السماره هتتعبك جدا فى قطع الغيار دى نصيحتى واى عربيه سر نجاحها مش قوتها لا نجاح اى عربيه فى انتشار قطع الغيار قبل ما تشترى ركز فى قطع الغيار اولا وبعد كده اختار صح وربنا يوفقك؟

شاكر جدا لرد حضرتك، الحقيقه انا قبل ما انوي اني اشتريها سألت في اكتر من مكان لقطع الغيار، والحقيقه كان الكلام مشجع جدا من تجار قطع الغيار في ان كلها موجوده كموتور وعفشه، وفوانيس، لكن الصاج والطابلوه بس هو اللي موجود في مكان تاني،
برضه حضرتك فاهم ان اللي بيحدد الواحد في الشرا هو المبلغ اللي عامل حسابي عليه، والمبلغ ده مش هيجيب غير ١٢٨ او لادا سمارا، والناس كلها شجعتني اجيب اللادا السماره، برضه حضرتك شاركني الرأي

المشاركة الأصلية كتبت بواسطة amgadsameer

شاكر جدا لرد حضرتك، الحقيقه انا قبل ما انوي اني اشتريها سألت في اكتر من مكان لقطع الغيار، والحقيقه كان الكلام مشجع جدا من تجار قطع الغيار في ان كلها موجوده كموتور وعفشه، وفوانيس، لكن الصاج والطابلوه بس هو اللي موجود في مكان تاني،
برضه حضرتك فاهم ان اللي بيحدد الواحد في الشرا هو المبلغ اللي عامل حسابي عليه، والمبلغ ده مش هيجيب غير ١٢٨ او لادا سمارا، والناس كلها شجعتني اجيب اللادا السماره، برضه حضرتك شاركني الرأي

سدقنى الادا العاديه احسن من السماره فى كل حاجه ؟وطبيعى اى محل قطع غيار هيقولك حجتها موجوده ومتوفره كل ده كلام فى كلام لكن الواقع بيقول ان الادا العاديه او التقليديه قطع غيارها متوفره من اقل مسمار حتى الموتور ؟لكن دايما اللى بيحكم البيع والشراء المبلغ دى العقده الحقيقيه حدود مبلغ ؟ انتى طلبت راى وانا جاوبتك بحكم معرفتى بلادا ؟وادعو الله ان يوفقك فى اختيارك