الموضوع: طلب تسعير لادا سمارا 2

يا جماعه انا محتاج نصيحنكم
معروض عليا عربيه لادا سمارا 2 اللى هى موديل 2115
العربيه فالمنصوره
فبريكه بره وجوه على كلام صاحبها ما عدا خبطه صغيره فالرفرف الشمال نتج عنها كسر بالاشاره
العربيه تقريبا ممشيتش حاجه مش مكمله 70 الف كيلو وهى موديل حديث 2007 على ما اعتقد
صاحبها طالب فيها 35 الف ومتمسك بالسعر ومش عايز ينزل جنيه وحجته فكده السوق
بيقولى :: انت شايف السوق عامل ازاى عمرك ما هتلاقى عربيه بالموديل ده (2007) بالسعر ده
وكلامة صح الى حد ما انا اتفرجت على عربيه سوزوكى ماروتى موديل 2010 ماشيه فوق ال 100 الف كيلو صاحبها طالب فيها 40 الف وحاطط رجل على رجل ومحسسك انه بيبعلك البى ام
العربيه انا اتفرجت عليها بصراحه مش بطاله وشكلها اشيك كتير من اللادا العاديه وموديل حديث وواضح من حالتها انه مش بيستعملها كتير فعلا
بس برغم كده انا مستغلى ادفع 35 الف فعربيه لادا
فكنت عايز رأيكم هل فعلا السعر ده مناسب للعربيه ولو فكرت ابيعها فيوم من الايام هتجيبلى السعر ده ولا هتسوح بيها
ودى صورة العربيه للى مش واخد باله منها
وارجو انكو متبخلوش على اخوكم بالنصيحه
8.jpg

هو محدش بيرد عليا ليه ياجماعه .. مش ده قسم اللادا برضو ولا انا غلطت فالعنوان ولا محدش معاه العربيه دى