هل يوجد سيارات سوزوكي ماروتي جديدة 2016 و 2017 ام انه تم ايقاف انتاجها

**Felqalb** · 15-09-2016 08:21 PM

السلام عليكم ورحمة الله وبركاته

اخوتي الاعزاء، اريد ان اشتري سيارة جديدة بأرخص سعر، والذي اعلمه ان أرخص سيارة هي السوزوكي ماروتي على حد علمي فسعرها حوالي 47 الف.
هل هذا صحيح ام انه تم ايقاف انتاج الماروتي منذ 2014 ولا يوجد سيارات جديدة منها؟ والموجود بالمعارض انتاج 2014 ويتم تخزينه؟
اذا كانت موجودة يا ريت اعرف السعر كام وايه المعارض اللي اقدر ادور فيها وكمان موديل سنة كام؟
ولو تم فعلاً ايقافها ومش هلاقيها يبقى ايه اقل يعر لعربية ممكن اشتريها، اي ماركة مش مهم المهم السعر علشان المقدم اللي معايا قليل؟
انا متأسف على الإطالة وأتمنى حد يساعدني في الموضوع ده.
شكراً مقدماً!

**lancer06** · 17-09-2016 06:11 AM

انتاجها وقف فى ٢٠١٤
ونصيحه بلاش دور على وسائل الامان ووسائل الراحه قبل ما تدفع مليم فى حاجه
ممكن تدفع المبلغ فى عربيه جديده اعلى وتسدد اقساط وصدقنى لم تخلص اقساطها وحبيت تبيعها مش هتخسر
العيشه بتغلى مش بترخص

**Felqalb** · 18-09-2016 03:54 PM

المشاركة الأصلية كتبت بواسطة lancer06

انتاجها وقف فى ٢٠١٤
ونصيحه بلاش دور على وسائل الامان ووسائل الراحه قبل ما تدفع مليم فى حاجه
ممكن تدفع المبلغ فى عربيه جديده اعلى وتسدد اقساط وصدقنى لم تخلص اقساطها وحبيت تبيعها مش هتخسر
العيشه بتغلى مش بترخص

شكرا اخي الكريم على الرد
بس للأسف هيا دي الامكانيات بتاعتي انا مش هاقدر اجيب عربية باكتر من 90 الف بالعافية وانا عاصر على نفسي عربية ليمون بحالها
طيب ايه العربيات الجديدة اللي في الرينج بتاع ال 90 الف لاني هدفع مقدم صغير واقسط الباقي
تنصحني بايه حضرتك

**salam100100** · 18-09-2016 04:39 PM

هى فعلا مبتنزلش مصر من سنه 2015

لو دى اول عربيه ليك, انصحك بالماروتى مستعمله- متدخلش نفسك فى اقساط بالاخص انها اول عربيه وهتتعلم عليها سواقه

الماروتى عيوبها - مفيهاش تكييف- صغيره لو لعيله كبيره

لو مصمم تركب عربيه زيرو وتقسط هات سوزوكى فان 7 راكب- انا عارف انها اختيار غريب لكن عربيه رخيصه عمليه للشغل عليها- اقتصاديه

عيوبها- شكل (مش بريستيج) بدون تكييف
انا بقترحها عشان السعر اول شئ وثانيا عشان الانتشار وقريبه من الماروتى (نفس العيله)

**Mohamed Desoky** · 18-09-2016 04:42 PM

المشاركة الأصلية كتبت بواسطة felqalb

شكرا اخي الكريم على الرد
بس للأسف هيا دي الامكانيات بتاعتي انا مش هاقدر اجيب عربية باكتر من 90 الف بالعافية وانا عاصر على نفسي عربية ليمون بحالها
طيب ايه العربيات الجديدة اللي في الرينج بتاع ال 90 الف لاني هدفع مقدم صغير واقسط الباقي
تنصحني بايه حضرتك

ارخص عربيه حاليا فى السوق جديده شيرى انفى مش هتلاقى حاجه تانيه غير مستعمل ؟