السلام عليكم
بعد اذن حضراتكم عندي استفسار وارجو الافادة من منتداكم
انا معايا اوكتيفيا كومبي اشتريت طنابير وفحمات امامية من على الانترنت وطبقا للموقع اللي اشتريت منه ملائمين لسيارتي (تحديدا) بقوم بإداخال رقم السيارة ونتائج البحث بتكون ملائمة لسيارتي.. ولكن بعد وصول الشحنة ومحاولة التركيب بنفسي اكتشفت ان شكل الفحمات مختلف عن القديمة وكمان الطنابير القديمة كأنها مجوز والطنابير الجديدة حتة واحدة... طبعا مفيش ميكانيكي افادني وانا اصلا مبثقش فيهم (أنا عايش في دولة اروبية)
طبعا جربت مواقع تانية لفيت فحامات زي اللي جاتلي وبيقولوا مناسبة لعربيتي برضه معرفش بقى لو فكيت هتنفع تركب مكان القديمة ولا لا لان القديمة بكليبسات معدن والجديدة بمشبك وحجمها اقل شوية
اتصلت بدعم الموقع قالي انها المفروض ملائمة وقالي انا حولت موضوعك للفحص الفني بس عايزين رقم القطعة الاصلية... انا مش عارف اجيبه ازاي,, (أنا كان اخري بصراحة اروح للميكانيكي اقوله والنبي يا عمو حاسس بكذا في العربية :D :D ) بس هنا مضطر اتعلم لان مفيش ثقة وكمان غاليين جدا جدا جدا :D
انا اسف جدا على الإطالة.. خلاصة استفساري هل ممكن اختلاف شكل القطع يركب عادي بدون أي مشاكل؟؟؟
مرفق بعض الصور للقطع القديمة والجديدة وشكرا جدا جدا على المساعدة مسبقا...
دمتم بخير جميعا