الموضوع: انخفاض غير طبيعى فى rpm

السلام عليكم
انا معايا هوندا سيفيك 2008 دلوقتى انا عندى مشكلتين بس مش عارف هما نفس الحاجة ولا لأ:
1- اولا لما بكون ماشى بالعربية فى وسط الحر و انا مشغل التكيف عادى لما اجى اهدى علشان فى اشارة او مطب العربية بتنزل بالنقلات و اول لما العربية توصل نقطة الثبات الاقى ال RPM يقوم نازل عن مستوان الطبيعى لمدة ثانية و يحصل برجلة و يرجع مكانة تانى و اول لما اجى اتحرك تانى يقوم نازل تانى و يبرجل و بعدين خلاص، الناس قالتلى انها مشكلة حساس ايدل روحت عند مسعد و طبعا قالى انت بواباتك كهربا و انا مبفكهاش عشان بتبوظ منى و بتحتاج برمجة قام فاكك بس الفلتر و منظف ببنزين و هواء من برة و لكن ولا حلت اى شئ

2- ثانيا انا كانت البطارية عندى تعبانة و سعات بتنام المهم كنت لما العربية واقفة سلانسية بليل و اول لما اشغل النوع العالى تقوم برضو مبرجلة ثانية و ترجع تانى، قولت يا عم خلاص غير البطارية التعبانة دى تظبطلك الكلام ، غيرت امبارك البطارية و جيب AC Delco 60 اللى هى 45 امبير زى ما الكتالوج بيقول و قولت اجرب موضوع النور لقيت نفس الكلام اول ما افتح العالى تبرجل ثانية و ترجع تانى

اخيرا هو ممكن يكون الموضوع لة علاقة بالدينامو ولا برضو حساسات ولا البطارية محتاجة ازود توصيلة للأرضى بتاعها ولا اية

افيدونى يا رجالة افادكم الله

و شكرا

روح لكهربائى يراجع على توصيلاتك و الارضى .. و يراجع شحن الدينامو



بالنسبه للبوابه .. انا ما عرفش نظام الهوندا ..

لكن كمعلومه عامه احتمال تنفع معاك .. لو عايز تنظف ظهر البوابه الكهربا من جوه .. بتفتح كونتاكت ( بدون تدوير ) .. و تدوس بنزين من جوه العربيه .. البوابه حتفتح .. و يكون الميكانيكى جنبها و ينظف اللى عايز ينظفه .. و موش حتحتاج تعاير البوابه بالطريقه دى