الموضوع: أستفسار هام بخصوص فورد اسكورت؟

المشاركة الأصلية كتبت بواسطة hadeda

انا لسه مشترى العربية من اسبوع وأول مرة اركب فورد والحمدلله العربية مريحانى جدا بس كان فى بعض الاستفسارات ياريت الاعضاء الكرام يفيدونى فيها
اول حاجه العربية أما أبطلها تبرجل منى لكنها دايره وتقعد ثوانى كده وتروح مبطله والموضوع ده بيحصل بس مش كل مرة ياترى ده ممكن يكون إيه

اعتقد ظبط كهربا تقديم و تأخير الاسبراتير

تانى مشكله مؤشر الحراره بيعلى عندى اكتر من النص وبعدين يرجع ينزل تانى وساعات بيوصل للاخر ياترى ده عادى ولا فى مشكلة
أسف على الإطالة وفى انتظار الردود

يوصل للاخر طبعا موش عادى .. و تتأكد ان المؤشر سليم موش شغال بمزاجه

و لو المؤشر سليم .. يبقى فورا بدون ابطاء تكشف تشوف سبب السخونه ايه

ممكن الكهربا الغير مظبوطه تسخن العربيه شويه .. بس طبعا موش للاحمر زى ما بيحصل معاك

تكشف على دوره الميه عند بتاع رادياتير .. و تكشف على شغل المراوح عند كهربائى .. و تكشف على ثرموستات الكوع عند الكهربائى او ميكانيكى

موش لازم تروح للثلاثه لو لقيت العيب اتحل من اول كشف

المهم متحصلش السخونه للاحمر تانى .. دى ممكن جدا جدا تجيب لك موتور على طول

عينك على الحراره .. و ما المؤشر ما يطلعش للاحمر نهائى لغايه ما تحل المشكله

و موش كل واحد منهم يقول غير غير ..

اللى يوصل العربيه للاحمر حتكون حاجه واضحه

و شوف توصيلات الاسلاك يكون فيها تفويت و لا حاجه

وساعات بيوصل للاخر ياترى ده عادى ولا فى مشكلة

بعد ما يوصل للاخر .. بينزل تانى لوحده على طول بعد فتره بسيطه ؟

هل ساعتها القربه بتكون بتغلى الميه فيها ؟

هل الميه بتقلب فى القربه ؟

هل الميه بتنقص ؟