لادا انجكشن زهقتنى من اللادا كلها

**aliradwan** · 15-10-2016 11:25 PM

حد يعرف ميكانيكى محترم وأستاذ فى الانجكشن وعنده كمبيوتر يكشف بيه ويقولى مكانه ولو أمكن رقم تليفونه
لأن العربية عندى لادا 2107 انجكشن موديل 2005 وعداد rpm مش ثابت وبتبطل وأنا بعدى المطبات وحاجات مش مظبوطه
أنا روحت للأستاذ محمد طلبة قاللى معنديش كمبيوتر علشان أعرف العطل فين أحسن لك إقلبها كاربراتير
وفيه ناس قالت لو قلبتها مش هتبقى زى الأول أو مش هتبقى زى اللى نازله أصلا كربراتير وعزمها هايقل
مش عارف أعمل أيه
شكرا

**mohsal** · 17-10-2016 11:21 PM

انت مكبر الموضوع جدا بشكل مبالغ فيه -الانجكشن فى اللادا حلو واداؤه كويس عيبه الحساسات غاليه مقارنه بباقى قطع غيار العربيه الرخيصة لكنها حساسات معمرة - روح لحد يكشف عليها واياك تغلط تحولها كربراتير وتغير من وضعها

**nodey** · 18-10-2016 12:19 AM

مشكلتك حساس الايديل

**mohsal** · 18-10-2016 12:42 AM

احتمال كبير حساس الايدل خاصة لو العربيه سحبها كويس على المشى بسرعه وعلى السلانسبه وانت واقف الار بى ام بيعلى ويوطى او مش ثابت وديها لحد عنده الجهاز بتاعها والموضوع سهل باذن الله مرة تانيه العربيه على وضعها بلا اللعب فيها

**mohsal** · 18-10-2016 12:46 AM

على فكرة الميكانيكي ينظف و يزيت الحساس الاول اللى هو حساس الايدل قبل ماتغيره

**borio1704** · 18-10-2016 10:40 PM

جربت تحط منظف دورة البنزين الإنجكشن؟؟؟؟

المنظف ده مهمته إنه ينظف البخاخات وينظف سكة البنزين بالكامل.. واحتمال كبير يشيل الأوساخ الموجودة على الحساسات .. حتى حساس الشكمان..

جربه الأول قبل ما حد يلعبلك في العربية..

وطريقته سهلة جدا.. بتشتري علبة من البنزينة.. وتحطها مع تفويلة كاملة ... بس اتأكد إنها بتاعت الإنجكشن .. مش الكاربيراتير..

ونصيحة .. استخدمه كل 5000 كيلومتر..

وعايزك بردو تفتكر الموضوع ده حصل فجأة ولا بالتدريج...

لو حصل فجأة.. يبقى حضرتك مونت بنزين مغشوش..

ودي حلها إنك تروح لميكانيكي يحل التانك ويفضيه تماما ويغسله كويس بالبنزين.. وترجع تحط بنزين تاني.

...

**Mohamed Desoky** · 25-10-2016 01:29 AM

هيا البوابه لازم كل فتره تنظف الايدل والبوابه ولازم تغير فلتر البنزين لان الكارثه كلها من البنزين الوسخ اللى فى بلدنا علشان العربيه تمشى لازم التنظيف المستمر ؟

**aliradwan** · 02-11-2016 10:23 PM

طيب فين الكهربائى اللى عنده الجهاز بتاعها

**mohsal** · 03-11-2016 07:24 PM

اولا حساس الايدل كده لازم يتغير هو اللى عاملك المشاكل طالما على حسب مافهمت منك ان الجزء اللى راكب فى اول الحساس وبعده السوسته مكسور-ثانيا البوابه تتفك وتنضف بالبنزين -العفشه مره كل شهرين اعسل العربيه من تحت ويرش سولار ويسيبها شويه ويرجع يغسل تانى-العربيه حلوة جدا على 100 منصحكش تزود عن 110 هى مش بتاعت جري