اقتباس المشاركة الأصلية كتبت بواسطة borio1704 مشاهدة المشاركة

يا سيدي ولا يهمك... اسأل زي ما انت عايز :)





فيه درجات لزوجة تانية زي 5w-50 و 0w-40 و 0w-30 مثلا..

بالنسبة لأسلوب السواقة.. فأنا شايف إن 5w-30 كويس لو ما كنتش بتزود دوران المحرك عن 4000 rpm وانت بتطلع... إنما لو متعود على 5000-6000 كل مرة.. يبقى الأحسن تروح على 5w-40

لو عربيتك بيركب فيها ناس باستمرار.. بردو محتاج تزود شوية... ولو ساكن في مناطق عالية شوية بردو هتحتاج تزود اللزوجة.





لو بنتكلم على نفس البلد (قصدي السوق المصري مثلا).. فالمفروض إنك ما تلاقيش من نفس الاسم التجاري زيت بمستوى أداء مختلف...

يعني مثلا..

زيت شل هيليكس ألترا بلزوجة 5w-30... موجود في مصر بمستوى أداء api sl... مش حتلاقي زيت شل تاني بنفس الاسم التجاري ده بالضبط ونفس اللزوجة له مستوى أداء sn مثلا.

إنما طبيعي جدا تلاقي ماركة مختلفة (موبل مثلا) تديك زيت لزوجته 5w-30 بمستوى أداء أعلى sn أو حتى أقل...

المسألة مسألة تسويق وبيع... يعني مين اللي يديك منتج يناسب احتياجاتك المادية والفنية.


علشان كده لازم قبل ما تشتري الزيت تبص كويس على ظهر العلبة.. وتشوف الأكواد اللي عليه زي اللي انت بتدور عليها ولا أقل.. ولا يمكن أحسن...

وطبعا السعر اللي يناسبك.






في زيوت الفتيس... أفضل زيت تحطه هو الزيت المكتوب في الكتالوج فعلا.. يعني الزيت بتاع الفبريكا

لإن الفتيس بتاعك متفصل بالضبط على الزيت المكتوب في الكتالوج..

ممكن تلاقي زيوت عند شركات الزيوت العاملية زي توتال وشل وغيرهم... بس الزيوت دي مشكلتها إنها universal... يعني متوافقة مع كذا مواصفة للصانعين حول العالم...

بس معنى الكلام ده إن الزيت مش هيكون زي الزيت الأصلي بالضبط... إنما هيكون شبهه بنسبة 80-90% مثلا.


في توتال.. عندهم زيت يمشي مع matic s... اسمه total fluidmatic mv lv

http://www.total-distributor-partner..._022014_en.pdf


شل بردو عندها.. اسمه shell spirax s5 atf x

http://tdc.ge/wp-content/uploads/201...x_s5_atf_x.pdf


آمسويل عندها بردو...

amsoil signature series fuel-efficient synthetic automatic transmission fluid

amsoil oe fuel-efficient synthetic automatic transmission fluid


خد فكرة بردو عن زيوت نيسان من هنا..

Forums - Datsun-France


...
شكراً جزيلاً يا أستاذ أحمد على تعبك