الموضوع: نداء و رجاء للأخوة بتوع العربي المكتوب بحروف حلبنتيشي

المشاركة الأصلية كتبت بواسطة l0new0lf

معلش يا توت
انته عامل حمله على طريقة التواصل الى هيه انته مش فاهمه او ممكن نقول انها متعبه للى ميعرفهاش ( اتعلمها و اتعود عليها)
و الا انته عامل حمله لاحياء اللغه العربيه الى انته مبتستخدمش منها غير حروفها و بس؟(معظم كلامك باللغه العاميه و ليس بالعربيه الفصحى)!!!
ابدا بنفسك و غير اسمك بالعربى و سيبك من الفونت الانجلش علشان انته فى منتدى عربى زى مانته قايل فى مداخلتك يا جميل

السلام عليكم
بالطبع أخاك توت عنخ أمون يتفهم ما تقصدمه تماما
و لا يوجد عندي أي مشكلة من أي نوع من التواصل باللغة العربية الفصحى و لكن بما أن أغلب أعضاء المنتدى الكرام يكتبون مداخلاتهم و أغلبها باللغة المحلية لجمهورية مصر العربية و التي هي في الأساس بنسبة لا تقل عن ثمانون في المائة لغة عربية و لكن بإستبعاد قواعد النحو

و لكن فيما يبدوا يا أخي الكريم أنك لم تفهم ما أصبوا إليه من تلك المداخلة أو من هذا الموضوع
لقد فتحت هذا الموضوع للتشاور مع الأخوة الأعضاء و لإظهار الرأي العام في طريقة معينة للكتابة
ألا و هي أستخدام حروف أجنبية لكتابة كلمة عربية و هذه الطريقة بقدر ما هي متعبة جدا جدا هي أيضا تقليل ثقافي بحت للحضارة العربية التي ننتمي إليها جميعا هنا في دولة مصر أو في الأقطار المجاورة لجمهورية مصر العربية و التي يتحدث مواطنوها باللغة العربية في الأساس و يستخدمون لغات أو لهجات عربية محلية داخلية

لذلك و بناءا على الكلام السابق و التوضيحات و رأي أغلب الأعضاء
أن الطريقة المشكوا منها في التعبير عن الرأي هي طريقة خاطئة تماما
فهي تؤدي إلى ضعف أساسيات اللغة العربية عند المواطنين العرب أو المواطنين المصريين بما أننا نعيش داخل حدود القطر المصري
أغلب الشباب الصاعد يستخدم كلمات أجنبية .......... و يرتدي ملابس تميل للشكل الغربي المُقلد بطريقة مقززة ......... مما يؤدي لإنعدام الوطنية أو الإحساس بالإنتماء

الموضوع كبير جدا و ليس موضوع منتدى فقط ........
و لكن أنا شرحت ووضحت بما يختص به هذا المنتدى
و أرى أيضا أن أغلب الأخوة قاموا بالتصويت ضد هذه الطريقة الغريبة في التعبير
و أيضا أبدى الجميع انزعاجه من هذه الطريقة المملة المتعبة في القراءة
إذا لم يكن يريد صاحب المداخلة بذل بعض المجهود لتعلم لغة بلاده أو لتسهيل القراءة على زملائه ........ فهو لا يستحق مني بذل مجهود مضاعف لترجمة الهيروغليفي المكتوب
أشعر بملل شديد عندما أحاول قراءة هذه المداخلات المكتوبة بالحروف الأجنبية تلك

حتى التعبير بلغة أجنبية على منتدى عربي يرتاده مصريين و لغاتهم الأساسية اللغة العربية و دستور بلادهم يقول أن لغة البلاد و لغة الدستور هي اللغة العربية فقط
يعتبر إهانة لعقولنا و ثقافتنا العربية الأصيلة

أنا لست ضد تعلم اللغات الأجنبية ......... و لا إستخدامها ......... و لكن أتحدث بلغة أجنبية عندما أحتاج أن أتحدث بها ....... و لكن لا أستخدمها مع مواطني بلادي الذين يتحدثون لغة عربية كلغة أم
و هذا لا يعني أنني لا أتحدث لغات أجنبية .....
الحمد لله رب العالمين أستطيع أن أفهم لغتين أجنبيتين جيدا و لكن نحن في منتدى عربي .........عربي ......... عربي


-----------------------------------
أيه رأيك في الشوية الفصحى دول ؟؟؟؟؟
-----------------------------------

رفرف .........مينا باشا
جرب الموقع اللي في توقيعي و قولي عملت أيه ........ بيساعد كتير في الترجمة بس مين المهندس الغبي اللي قالك مقدرش أعمل حاجة في اللاب توب ؟؟؟؟

أنت لو مشغل ويندوز على الجهاز ........ هاتنزل أي مول كمبيوتر و تروح أي محل لاب توب و تشتري استيكرات حروف عربي
و تروح بيتكم .........و تلصق الاستيكرات حسب ما هو موضح عليها
و بعدين تجيب اسطوانة الأكس بي و تحمل دعم اللغة العربية و تضيف لوحة مفاتيح عربي
و بكدا المشكلة اتحلت تماما

و الله العظيم أسهلك و أسهلنا ........لأن فعلا زي ما أنت شايف أغلب الناس بتفوت الكلام المكتوب بالطريقة دي و بذلك أللي بيكتب بالطريقة الغريبة دي بيفقد كمية تواصل مع الناس كبيرة و بتخلي اللي يقراء الكلام الغريب ده قليل مما يقلل الردود على المواضيع المكتوبة بالطريقة دي و يخلي استفادتك تقل لو كنت بتسأل سؤال معين

أرجوا أن الناس اللي بتدافع متفتكرش ان ده ضد أشخاص
أحنا بنتكلم عن طريقة غلط و كل واحد له الحرية الكاملة يستخدم أي طريقة تعجبه و برضه كل واحد له الحرية الكاملة في عدم التواصل مادامت الطريقة المعنية غريبة

المشاركة الأصلية كتبت بواسطة tutankhamoun

رفرف .........مينا باشا
جرب الموقع اللي في توقيعي و قولي عملت أيه ........ بيساعد كتير في الترجمة بس مين المهندس الغبي اللي قالك مقدرش أعمل حاجة في اللاب توب ؟؟؟؟

أنت لو مشغل ويندوز على الجهاز ........ هاتنزل أي مول كمبيوتر و تروح أي محل لاب توب و تشتري استيكرات حروف عربي
و تروح بيتكم .........و تلصق الاستيكرات حسب ما هو موضح عليها
و بعدين تجيب اسطوانة الأكس بي و تحمل دعم اللغة العربية و تضيف لوحة مفاتيح عربي
و بكدا المشكلة اتحلت تماما

الكلام مضبوط 100% واضح ان حضرتك جايب اللاب من الخارج وتلاقي الويندوز اللي فيه مش متعرف فيه انه يكتب عربي أعتقد الموضوع سهل جدا وخبراء الكمبيوتر هنا يتكلمو أحسن مني في الموضوع ده ممكن تستشيرهم بس أعتقد انك هتعمل زي ما توت عنخ آمون قالك سواء على إكس بي أو على فيستا..ومستنيين أول تعليق ليك بالعربي يا باشا

مع احترامى لكل من يمارس الفرانكو اراب

بس يجماعة مش كمان هنتنازل عن لغتنا وهنحرفها كمان ده حتى عيب فحقنا كاعرب

ليتس إمبروف أور إنجليش

المشاركة الأصلية كتبت بواسطة iunknown

ليتس إمبروف أور إنجليش

داكو مسيو ..... سي ترا بيكو ..... جا أكسبتاه .... أيه ميغسي .... ترى ميغسي مون أمي

أكشوالي ... ثانك يو فيري ماطش فور زثيس لينك
زثوث بويز أر فيري كليفر تو أوبن ساتش ا جروب
زاي هاف ا بوينت اند زاي وانت ايفري بودي تو اندرستاند ات
ثانك يو مستر محمد عيسى فور زيس لينك اجاين
---------------------------------------------

طبعا شكرا ياباشا على الرابط الجميل ده
ياريت الأخوة اللي معجبين بالطريقة اياه لكتابة العربية بحروف انجليزي
يقولولنا أيه رأيم في كتابة الانجليزي بحروف عربي ؟؟
و أيضا عايزين نعرف رد فعل الأنجليز و الأمريكان لو عرفوا اللي أحنا بنعمله بلغاتهم ؟؟؟؟


ات زا اند ...... اي وانت تو ثانك ايفري بودي هير ان ويش زيم ا نايس تايم اون زا فوروم

هاف ا نايس داي

ماي بروذر تووت

ايت ايز ماي بليجر تو بوت ا سمايل اون يور فيس

المشاركة الأصلية كتبت بواسطة iunknown

ماي بروذر تووت

ايت ايز ماي بليجر تو بوت ا سمايل اون يور فيس

حلبنتيشي حلبنتيشي ...... مش هزار ....... أنا دخت