الموضوع: كليوباترا هى وفاء- مقال قوى لأحمد خالد توفيق فى مواجهة الغزو الثقافى الصحراوى

أنا من وجهة نظري ان العيب في المقام الأول فينا (كالعادة) .. يعني محدش يقدر ينكر ان عندنا جامعة اسلامية عريقة وبتطلع للعالم سنويا علماء أجلاء بأعداد مهولة السعودية مبتطلعش لنفسها نصفهم .. ومحدش يقدر ينكر اننا كنا بنعمل كسوة الكعبة للسعودية ولو اتكلمت على حالنا وحالهم أيام زمان سواء من الناحية الدينية و العقدية أو من الناحية الإجتماعية او الاقتصادية او الثقافية ....الخ .. مش هيكفي مئات السطور .
بس احنا اللي عندنا يأس من كل حاجة في بلدنا , الأزهر موجود واحنا مش مديين ليه فرصة وبالعكس بقينا نحاربه بدل ما نسانده في الأزمة اللي هوه فيها .
المقرئين العظام موجودين وبشهادة كل البشر حتى السعوديين أنفسهم أن المصريين أفضل من قرأ القرآن ورغم كده بنجري ونشغل مقرئين خليجيين مع احترامي الشديد ليهم بس هم مستواهم في القرائة لا يتعدى مستوى مجتهدين واحنا اللي شهرناهم ..
واعتبرنا أي حاجة تيجي من السعودية وكأنها جاية من الكعبة وانها كتاب منزل من السماء ,
وأحب اقتبس من عنوان موضوع في المنتدى الإجتماعي مقولة (أين ذهب زمن القتل الجميل ) ,, وأقول أين ذهب زمن التدين الجميل؟؟, زمن الأزهر والحصري و الروحانيات العالية .

يا أخ ابو مريم

م/خالد بيسأل بكل بساطة

هل الدين يأتي فقط من السعودية؟

هل تنكر أن هناك من يستنكر علينا اختلاف توقيت الصيام بيننا وبينهم وأن هناك قليلين ممن يصومون ويفطرون مع الرؤية في السعودية؟

ما رأيك في الفتوى المذكورة؟


التجرؤ على السعودية لأ يعني التجرؤ على ما بها من مقدسات
فالمقدسات ليست سعودية (أي منسوبة لآل سعود) إنها مقدسات كل من قال (لا إله إلا الله محمد رسول الله )

المشاركة الأصلية كتبت بواسطة أبومريم

توضيح:
فتوى الشيخ كانت لأن ربنا بيقول في القرآن "والشمس تجري لمستقر لها ذلك تقدير العزيز العليم"
وتأويل الأية عند كتير من المفسرين إن الشمس لا يمكن تكون ثابتة
ممكن يكون التأويل دا غلط وممكن برضو يكون العلماء اللي اكتشفوا الحقائق اللي احنا مقتنعين بيها هما اللي غلطانين

الشمس فعلا مش ثابتة

كل النجوم (ومنها الشمس) تدور حول مركز المجرة
بس الأرض بتدور حول الشمس كما يدور القمر حول الأرض


المشكلة الكبرى في ربط حقائق علمية بالدين ومحاولة ايجاد تأويل لكل ظاهرة أو نظرية من القرآن

المشاركة الأصلية كتبت بواسطة أبومريم

بخصوص فتوى الشيخ اللي مش عاجباك:
لو طلع علماء الغرب والشرق واثبتوا الحقائق دي وقالوا انهم اكتشفوا انهم كانوا غلطانين كل الفترة دي ساعتها كل اللي هنعمله اننا هنصدقهم
اصل الشيخ البعيد سره باتع

شفت، اهه، لمجرد انى جرؤت على الاعتراض على كلام واحد منهم ،بقت الفتوى"مش عاجبانى" لان طبعا من انا بجانب صاحب الفتوى، مع انه بيتكلم فى غير تخصصه لكن هو طبعا مش ممكن يغلط

هى الحقائق التى اثبتتها الرؤية بالعين المجردة من خارج الأرض فضلا عن الرؤية بالأجهزة ولا يختلف عليها اتنين النهاردة وخرجت من كونها اشياء توكدها الحسابات الى اشياء تم رؤيتها بالعين ، هذة الحقائق فيها عاجبنى ومش عاجبنى؟ وللا هو علشان اللى قال الكلام ده فلان من الناس-حتى ولو تكلم فيما لم يدرس من علوم-يبقى اللى يجرؤ ويعترض على كلامه ننبط عليه بالكلام ونقوله(الفتوى اللى مش عاجباك)

وبعدين علماء شرق وغرب ايه بس اللى هيتفقوا تانى ان الأرض ثابتة والشمس بتلف حواليها، انا اخترت المثال ده بالذات لانه مثال ميختلفش عليه اتنين ومرضيتش اجيب مثال من مئات امثلة لحاجات ممكن يكون فيها ذرة شك، ومع كده لسة فيه اللى عنده استعداد ميصدقش لأن اللى قال ان الكلام ده غلط هو فلان من الناس-حتى ولو تكلم فيما لا يعرف من علوم وجعل من نفسه محل للكثير من علامات التعجب

يا مثبت العقل والدين

المشاركة الأصلية كتبت بواسطة iunknown

الشمس فعلا مش ثابتة
كل النجوم (ومنها الشمس) تدور حول مركز المجرة
بس الأرض بتدور حول الشمس كما يدور القمر حول الأرض
المشكلة الكبرى في ربط حقائق علمية بالدين ومحاولة ايجاد تأويل لكل ظاهرة أو نظرية من القرآن

السكون حالة من حالات الحركه اصلا و الاصل هو الحركة
و لا يوجد شىء ثابت حتى ما نراه ساكنا فهو على المستوى الميكروسكوبى لا تتوقف الكتروناته عن الحركه
ده غير ان اصلا مفيش حاجه ثابته او متحركه لان كل حاجه فى الدنيا نسبيه
يعنى ساكن بالنسبه لايه او متحرك بالنسبه لايه
فالشمس فعلا بتتحرك بالنسبه للاجرام .
و النظرية تتغير والحقيقة لا تتغير
----------------------------
[QUOTE]"والشمس تجري لمستقر لها ذلك تقدير العزيز العليم"[/QUOTE]
هذه الايه و امثالها لا يستطيع تفسيرها علماء الدين وحدهم-وهو ما يحدث- او علماء الدنيا وحدهم لكن يجب ان يجتمعوا ليستطيعو تفسيرها
----------------------------
بس انا مش شايف الموضوع بيتكلم على السعوديه اصلا رغم التلميحات اللى ذكرها الاستاذ سبعاوى , هو بيتكلم عن العلم والبدنجان بالظبط
---------------------------
الدين لا ياتى من السعوديه باى حال من الاحوال
---------------------------
السعوديين ليسوا افضل من على وجه البسيطه و كذلك نحن بافسادنا الدائم لقيمنا مع ان هذه القيم موجوده عند الغربيين كالعدل مثلا

المشاركة الأصلية كتبت بواسطة أبومريم

انا معاك طبعا ان في بعض الناس بتقعد تلوي في الايات عشان تخلي فيها اعجاز علمي و تربطها بالحقائق العلمية
بس ايه سبب ان انا لازم اصدق كلام العلم اللي جاي من الغرب رغم اني لم اتحقق منه بنفسي و ايه اللي خلى كلامهم مسلمات ما هما ياما بيحطوا نظريات و تفضل سنيين و بتطلع غلط و يطلعوا نظريات بديلة

السبب يا صديقي انهم ناس عندهم علم ولما بيعملوا نظرية ويثبت خطأها مابيدفنوهاش

لأ بيطلعوا بالنظرية وتفنيدها


كلامهم مش مسلمات اطلاقا

كلامهم قابل للشك زي أي كلام علمي وعلشان اي حد يطلع نظرية بيمر بمراحل كتييييييييييييييييييييييي ير قوي قوي قوي قوي

هم عندهم بحدث علمي واحنا عندنا شبيه العلم

احنا اللي بناخد كلامهم يمكن أحيانا من قبل ما يتأكدوا منه ونحاول نربطه بالدين ونقول الكلام ده عندنا في القرآن من 14 قرن

الم يكن أولى بنا أن نكتشف هذا اذا كان لدينا منذ 14 قرنا؟