الموضوع: ايهما افضل اكسيل ام تمبرا

المشاركة الأصلية كتبت بواسطة م أحمد

الاتتنين خارجين من مدارس التوفير...مدرسة التوفير الاوربية فيات و التانية هيونداى الكورية و لكن شتان فى التحمل بين الاثنين

إكسيل عربية ضعيفة .. فشلت كتاكسى و كفى بهذا مؤشر للعربية... فيها عيب ما شفتوش غير فى ال 128 اللى بتكنولوجيا سنة 70 ألا و هو تكسير ركبة الشاسيه ...لو التمسنا العذر لفيات نلتمس ايه لهيونداى بعد ربع قرن !!!

تمبرا عربية تلبى جميع احتياجاتك من حيث عربية اسرة و شقى و دا من معرفتى بيها من خلال صديق...شنطة واسعة...تقيلة و راسية فى السرعات...قطع غيار اغلى من الاكسيل و معمرة اكتر و تكنولوجيا اعلى فاكيد اعقد و الاختيار ليك فى النهاية

شكرا انا بدور الان ولما القى حاجة حلتها حلوة حخدها بس ميال بصراحة للتمبرا لان كمان سمعت ان اغلب الى معاهم اكسل بيبوعها لما الماتور بيخف والى يشترى يبقا يعمل عمره وانا بصراحة الحجات الى فيها حل وتركيب بتتعبنى مع الصنايعية جدا

المشاركة الأصلية كتبت بواسطة م أحمد

الاتتنين خارجين من مدارس التوفير...مدرسة التوفير الاوربية فيات و التانية هيونداى الكورية و لكن شتان فى التحمل بين الاثنين

إكسيل عربية ضعيفة .. فشلت كتاكسى و كفى بهذا مؤشر للعربية... فيها عيب ما شفتوش غير فى ال 128 اللى بتكنولوجيا سنة 70 ألا و هو تكسير ركبة الشاسيه ...لو التمسنا العذر لفيات نلتمس ايه لهيونداى بعد ربع قرن !!!

تمبرا عربية تلبى جميع احتياجاتك من حيث عربية اسرة و شقى و دا من معرفتى بيها من خلال صديق...شنطة واسعة...تقيلة و راسية فى السرعات...قطع غيار اغلى من الاكسيل و معمرة اكتر و تكنولوجيا اعلى فاكيد اعقد و الاختيار ليك فى النهاية

المشاركة الأصلية كتبت بواسطة tasaka

انا جبتها زيرو سنه 95 اول نزولها .. و قعدت معى 13 سنه .. و مفيش شرخ حصل فى ركبه المساعد لغايه ما بعتها ( مساعدينها الاصليين اول 6 سنين و غيرتهم و هم كويسين لسه ) ..

و انا موش من الصنف اللى بيحسس على المطبات .. يعنى مشى عادى سواء فيه مطب ام لا



فعلا شوفت عربيات كثير فيها شرخ ركبه المساعد ده .. بس على طول فهمت السبب ( توقعى الشخصى )

العربيه دى كانت بتنزل بكاوتش مصرى نسر .. اسوأ كاوتش شوفته فى حياتى ناشف جدا جدا

و انت ماشى عادى حتى بدون مطبات .. دماغك تخبط فى السقف بشده .. و العربيه عايمه جدا جدا بطريقه خطر ( على سرعات بسيطه جدا مثلا 70 ) .. لدرجه انى قررت ابيعها من اول شهر

و بعدين فكرت اغير الكاوتش و جبت ميشلان عريض .. كل المشاكل انتهت و الثبات اصبح ممتاز و ناعمه جدا فى المطبات

بيتهيئ لى هو ده سبب كسر ركبه المساعد ده .. كان الكاوتش العجيب اللى نزلت بيه ده .. برغم ان فيه كاوتش نسر كويس وقتها ( يعنى مقبول ) .. التوقع ده يبقى مؤكد اكتر لو كان الشرخ ده بيظهر فى موديلات 95 كمان



موضوع التاكسى ده معنديش فكره عنه .. لكن الاكسيل الكامله كانت نازله ب 52 الف وقتها .. و بعدها ب 3 سنين نزلت الاكسنت ب 40 الف .. يعنى ارخص ب 20% بعد 3 سنين .. يمكن هو ده السبب

الاكسيل افضل من الاكسنت فى الخامات و الاوبشن بفارق كبير .. و كانت واضحه اوى فى اسعار قطع الغيار فى التوكيل وقتها



الشيئ الوحيد اللى انصح بيه بشده لانه حيفرق كتير .. لازم كاوتش ماركه كويسه .. و الافضل يكون اعرض كاوتش مسموح للعربيه ( على ما اتذكر 195 او 185 موش فاكر بصراحه )

بص انا ركبت الفيات حوالى 10 سنين .. الكلام ده فى بدايه السبعينيات الى بدايه الثمانينيات

كلهم كانوا شبه زيرو .. يعنى بالكتير سنه او اثنين بعد تاريخ انتاجها

و بعدها اخذت قرار من 35 سنه .. ان الفيات ده مشطوب من لائحه اسماء السيارات عندى

السبب ان الفيات فيه خطوره على الحياه .. التحكم صفر .. عند عائق مفاجئ او مشكله ميكانيكيه على السرعات العاليه .. و ده بسبب تصميم العفشه الاماميه وقتها




لو التمبرا عفشتها بنفس النظام القديم ده .. يبقى ما تلزمكش .. ياما داخل مدينه و سرعات بسيطه فقط

العفشه الفيات القديمه كانت كالاتى :

- حته سيخ حديد و مقلوظ من الطرفين بيسموه شداد .. بيتربط فى العجله من ناحيه و فى قنطره من الناحيه الثانيه ( القنطره زى الورق .. لو خبطها برجلك تعوجها ) !!!!!!

- حته حديده عريضه مخرومه من النص بيسموها مقص !!!!!!!!! طولها حوالى 40 سم .. مربوطه فى العجله من ناحيه و فى صدر العربيه تحت الاسكاترا من ناحيه ثانيه .. مقصات العربيات المحترمه غير كده خالص

- الكوبلن مربوط فى العجله من ناحيه و الفتيس من الناحيه الثانيه .. يمكن اقوى نقطه تثبيت فى الثلاثه .. برغم انه موش من العفشه اصلا

و دمتم على كده .. دى موش عفشه عربيه .. و لا تسمح لك بالمناوره او السيطره .. يعنى اى غرزه على سرعه او تفادى عائق على سرعه او عجله امامى ضربت .. العربيه بتخرج عن السيطره تماما 100% مهما كنت سواق كويس و تبتدى تروح يمين و شمال لغايه ما تلبس فى حاجه توقفك



لو التمبرا عفشتها بالتصميم القديم ده .. يبقى تعمل حسابك سواقه مدينه فقط بحد اقصى 80 او 90 كم سرعه علشان يبقى عندك تحكم كافى فى الظروف الطارئه

المشاركة الأصلية كتبت بواسطة rotanamasoud

متقلقش التمبرا على قنطره اماميه ودنجل خلفى بالنظام الحديث وفعلا كل كلامك صح النظام القديم بتاع ال127 واشباهها ضعيف جدا وبيفتح شاسيه لانه معتمد على جسم السياره فى ربط التعليق غير انه غير عملى ولازم التربيط على العفشه باستمرار وغير انه غير متزن على السرعات

القنطره الاماميه .. دى حاجه كويسه .. لكن موش هى معيار تثبيت العجله الاماميه ( اللى هى اكتر حاجه تخوف فى الفيات )

يعنى هل فيها مقصات مثلثه ب 3 نقطه تثبيت للمقص الواحد ؟؟ .. حجم المقص محترم

و هل العفشه فيها مجموعتين ثبيت ( علوى و سفلى ) لكل عجله اماميه .. و فى اتجاهات مختلفه علشان تحكم العجله فى كل الاتجاهات




اعذرنى للاسئله .. لانى بطلت اتابع الفيات من زمان

لو كده تبقى معقوله .. برغم انى افضل ( بفارق كبير ) طريقه التصميم اليابانى او الكورى بغض النظر عن اسم الماركه


تقبل خالص تحياتى

النظام القديم بتاع ال127 واشباهها ضعيف جدا

انا مركبتش 127 .. كله كبير 2 كامه .. و كله كان نفس التصميم العقيم للعفشه

العربيه المحترمه في الفيات كانت ال 132 و الارجنتا بس .. عربيتين حلوين

هههههههههههههه محدش يغلط فى 27 عشان عاملة معيا واجب بقلها 3 سنين بس فعلا عفشتها وحشة جدااااااااااااااا

شكرا tasaka انت فعلا جيت على نقطة مهم بس الى انا فاهم عنى التمبرا انها احسن كثير من الاكسل فى الثبات ونظام العفشة كويس هى العيب الحقيقى فيها على فهمى فى قطع الغيار وعلبة الدركسيون

انا اقتنعت بحاجة خاصة فى العربيات المستعملة فى القاهرة هلكانه الحالة هى المقياس فى الشراء بعد المعلومات الى انا اخدتها من السادة الافاضل فى المنتدى العربيتان فى نطاق المعقول لاحلوين اووى ولا وحشين اووى لو لقيت اى وحده فيهم حالة حلوة حخدها ان شاء الله