ايهما افضل اكسيل ام تمبرا

**darsh79** · 26-12-2016 05:09 PM

لقيت تمبرا 1998 فبريكا برة جوة فول ابوشن 1600
طلبين فيها 45 الف
لمفروض اشفها الخميس او الجمعه
اخد معيا مكانيكى ولا تاجر سيارت ليا واحد صحبى تاجر قديم وكان بيشد عربيات
ولو حلتها كوبسةومش عايزة حاجة اخدها على كام؟؟؟

**rotanamasoud** · 26-12-2016 09:17 PM

المشاركة الأصلية كتبت بواسطة darsh79

لقيت تمبرا 1998 فبريكا برة جوة فول ابوشن 1600
طلبين فيها 45 الف
لمفروض اشفها الخميس او الجمعه
اخد معيا مكانيكى ولا تاجر سيارت ليا واحد صحبى تاجر قديم وكان بيشد عربيات
ولو حلتها كوبسةومش عايزة حاجة اخدها على كام؟؟؟

ميكانيكا العربيه متعيبهاش لو كلها رايحه فى داهيه اقصى خسارتها تتفك وتتغير اللى يعور العربيه الشاسيه والبارومه ودى اساسيات متتعوضش يعنى الى بيفهم اجمالا هو الافضل معاك مش ميكانيكى لو حيركذ فى المكنه ويسيب الاساسيات لو فاهم تمام
السعر فى اوضاع البلد دى مفيش حد يعرف يحدد بس نسبيا 40 حلوين وانتى ادرى الانك انت اللى شايف الحاله

**رامي مصطفى** · 26-12-2016 10:18 PM

ربنا يوفقك لحاجه محترمه

**ahmed_wagih** · 27-12-2016 11:46 AM

اقول لك على راى لو اتقدر تزود شوية بما انك وصلت ل 45 الف ممكن تجيب دايو لانوس 1 اتبقى نفس الموديل تقريبا بس فرق كبير بينهم
بالتوفيق باذن الله

**darsh79** · 01-02-2017 04:04 PM

معلش يا جماعة اخر سؤال ان شاء الله
سبب تاخير الشراء هو ان اغلب الى بلقية بصراحة تعبان اوووى المهم
تمبرا 1400 سى سى كاملة موديل 90 بس فيها تعديل من انجكشن لكبريتير اى تاثير القصة دى
التكيف محتاج كباس
هل 1400 سى سى سيئة ام لا طالب فيها 39 الف
الرجاء الرد تقلت عليكم معلش

**rotanamasoud** · 01-02-2017 11:39 PM

الكاربراتير مفيش فيه اى مشاكل
تكييف مبيطلعش هواء ساقع اعتبره مش موجود واخصمه
ال1400 ضعيفه على حجم ووزن العربيه ال1600 تجميعها عاقل بس بتقفل سرعه حتلاقى ال1400 تجميعها قليل
واعتقد غاليه على 39 لانها 1400

**darsh79** · 07-02-2017 12:22 AM

زهقت كل العربيات رشة جوة وصحبها بيقلوا فبريكا وفى السوق التمبرا 90 صحبها قالى مش رشه وهى رشة وعايز فيها 50 الف شغل جنان واخر وحده شفتها كلها سليمة الا بنوط القايم شكلها ملغبط مش دائرية صحبها بيقولى التمبرا كده احترت وبقول يا رتتنى مبعتك يا 27

**tasaka** · 07-02-2017 01:02 AM

الصبر جميل

و درس مستفاد .. ما تبيعش ابدا قبل ما تشترى .. لانك حتضيع فلوس كتير فى رحله البحث عن سياره .. و المعظم للاسف كدابين .. يعنى تأخذ مشوار كبير و مصاريف و ميكانيكى او سمكرى .. و فى الاخر تلاقى عربيه ما تستاهلش انك تبص عليها اصلا

ادعى ربنا و سمى قبل اى حاجه .. و ابدأ بدايه جديده

و حط فى اعتبارك ان اى عربيه مشيت 27 سنه لازم اتعمل فيها حاجات كتير .. يعنى اهتم بالاشياء اللى تعيب العربيه فعلا و خليك مرن فى الباقى ( طبعا مقابل خفض سعر العربيه ) ..

و ليه موش بتفكر فى اسبرانزا 516 .. يعنى معلوماتى عنها انها سعرها معقول لانها صينى .. عربيه قويه و موديلها حديث و افضل من التمبرا و الاكسيل طبعا علشان موديلها حديث

بالتوفيق

**tasaka** · 07-02-2017 03:25 AM

لو مشوار العربيه اللى حتشوفها بعيد .. ابقى اطلب صور للعربيه على الايميل او غيره قبل ما تروج تشوفها .. ده حيوفر عليك كتير مع عينه الناس الكدابه

و لو بائع جاد فى البيع حيبعت لك الصور طبعا

**darsh79** · 09-02-2017 11:18 AM

السلام عليكم
الحمدلله جبت عربية يا شباب
تمبرا 1600 ايطالى موديل 90 العدادت ديجتل شغالة من غير تكيف فبريكا جوة ماتور استيراد مثبوت على الرخصة من 3 شهور المااتور مزبوط والكرباتير مزبوط وطبعا فى الفيات ده شىء كويس اتنين زجاج كهربا فيهم مكنة رفع انذار طبعا العربية فخمة وحلوة وبتجرى وثابتة بس طبعا انا جيبها امبارح لسة بتعرف عليها فى شوية اصوات كده عمال اسمعها لسة مش عارف هى كده ولا حجات عايزة تزبط بس الى اتاكدت انه عايز شغل المساعد يمين خلف بيهبد فى المطبات وفى لمض كثير لسة مش عارف بتاعت اى فى العداد وهى فيها بالنسبة لتكيف كل التجهزات الا الكبروسر يعنى فيها الهويات قدام ووره والمفاتيح والتلاجة على الصيف ممكن اركب تكيف انا شارية من تانى واحد شارى من المالك الاول الشارى التانى استرها شهر وبعها عشان عايز اتوماتك بصراحة الاتنين بيفهموا فى العربيات فالعربية مزبوطة تحس انها 98 مش 90 فى المشى ( اشترتها ب 38000 )
الحمدلله ومشكور كل الشباب فى المنتدى والعزومة لسة جهزها