الموضوع: ايهما افضل اكسيل ام تمبرا

المشاركة الأصلية كتبت بواسطة darsh79

بصراحة مش عارف اشكرك ازاى على الرد السريع والاجابة الوافية

انا معاك فى موتير فيات انا غيرت ماتور ال 27 والجديد بحسس علية

طبعا الالمانى حاجة تانية يعنى لو bmw موديل 84 بالنسبة ليا احسن من التمبرا والاكسل بس طبعا حلتها حلوة

بس السؤال هل الاكسيل ماتورها خامته احسن من الفيات؟

لا .. خليك فى العربيات العاديه .. مصاريفها خفيفه و مناسبه لاستعمال العادى

و متنساش الاسعار دلوقتى اصبحت نار لقطع الغيار .. و موش موجوده

و بعدين متنساش الجولف و ال بى ام .. بيكونوا هلاكانين من كثر الشباب اللى ركبوهم على مدى عمرهم .. يعنى ميتركبوش خلاص .. و مصاريف كتير على طول فى عربيات خلصانه

يعنى بصراحه ابعد عن بى ام قديم اوى .. مفيش فيه خير



انت اخترت صح الاول .. تمبرا او اكسيل او سيارات مشابهه فى الحجم و السعر و السمعه .. و الاثنين كويسين .. يعنى تعرف ايه متطلباتك و تشوف انهى الانسب فيهم ليك .. و الحاله الكويسه هى الفيصل لاى عربيه



على حد تجربتى الشخصيه .. انا افضل الاكسيل .. و قطع غيارها معمره برضه .. و كل قطعه ليها 10 انواع فى السوق بكل الاسعار ..يعنى ممكن تجيب غالى او متوسط او رخيص

خامه موتور الهونداى افضل من خامه الفيات ( القديم ) .. معرفش التمبرا ايه

كمان انا وقت الهونداى كنت كبرت و مفيش قرص شديد زى ايام المراهقه ( مشى عادى هادى نسبيا ) .. انا ما عملتش اى عمره للموتور طول ال 13 سنه . المشى ما كانش كتير سنوى .. و الصيانات فى التوكيل اول 6 او 7 سنين .. بعتها بحاله كويسه و كانت ماشيه 185 الف كم

و ياريت حد من الزملاء يكون جرب الاثنين فترات طويله .. يقدر يحكم لك افضل فى الموضوع ده

ثبات دى .. عندى عليها علامه استفهام كبيره .. مشفتش عفشتها شكلها ايه علشان احكم .. بس توقعى حتكون نفس مفهوم فيات فى التصميم و الخامات حتى لو فيه بعض التعديلات للاحسن

انا ما كنتش بتكلم عن الثبات على الخط المستقيم .. انا باتكلم عن الاوضاع المفاجئه زى عائق محتاج تفاديه او غرزه على السريع او كاوتش امامى ضرب .. دى معنديش ثقه فى الفيات فيها نهائى بصراحه ( القديم )

التيمبرا لا تقارن ب ١٢٨ و ١٢٧ علشان نقول ماتور ضعيف وثبات وحش!!!
لو عايز عربيه قويه تستحمل التيمبرا احسن مائة مره .هل فيه حد من ملاك الاكسيل شال في عربيته ٨ متر جرانيت اسمر بعرض ٥٠سم (جرانيت المطبخ كله + درجة مستوى للصاله بعرض ٣،٥م) على مره واحده وسافر بيها من المنصوره للعاشر من رمضان؟؟؟؟
زي ما قلنا لو عايز عربيه قويه تتحمل وصاج زي صاج الترامكو يبأى التيمبرا بس تجيب ١٦٠٠cc مش ١٤٠٠cc وهتلاقي تكيفها ثلاجه ودور على عدادات ديجيتال وممكن تجيب فتحة سقف كمان وصالون مركب وشنطه ممكن تتأفل أوضه.
يعيبها الكهرباء عاوزه واحد كهربائي مابيجربش ويتعلم في العربيه وقطع غيارها اغلى شويه من الاكسيل
ولو عايز عربيه قطع غيارها ببلاش وسهله الصيانه واهم حاجه اعادة بيعها سريعه وعليها طلب هات الاكسيل.
ربنا يوفقك صلي استخاره وابدأ دور وعموما حالة العربيه هيا الاهم واختيار موفق والعربيتين محترمتين
وما تنساناش في العزومه ماتاخدناش في دوكه.ههههه

المشاركة الأصلية كتبت بواسطة rotanamasoud

مقصات مثلثه ب 3 نقط ولو شوفت شكلهم وحجمهم حتحس انهم قويين جدا
تثبيت العجله انا مركذتش فيه بس هى عربيه متامنه انا كنت زيك كده متعقد من الفيات عشان زمان ال27 ومن كتر تعقيد العفشه فى التمبراكان لازم تفك الموتور عشان تطلع الاسكاتره بس دلوقت بيفكو العفشه من تحت عشان يحلوهاواولا واخيرا العربيه السليمه تكسب
انا كانت معايا التمبرا الكامله اللى بيسموها الالمانى ودى اصلا مختلفه عن المصرى والايطالى

ده كده كلام مطمئن نسبيا

فعلا الالمانى افضل الفيات و اغلاه .. و انا نفس الشيئ كل اللى ركبتهم زمان كانوا المانى برضه

تحياتى

المشاركة الأصلية كتبت بواسطة رامي مصطفى

التيمبرا لا تقارن ب ١٢٨ و ١٢٧ علشان نقول ماتور ضعيف وثبات وحش!!!
لو عايز عربيه قويه تستحمل التيمبرا احسن مائة مره .هل فيه حد من ملاك الاكسيل شال في عربيته ٨ متر جرانيت اسمر بعرض ٥٠سم (جرانيت المطبخ كله + درجة مستوى للصاله بعرض ٣،٥م) على مره واحده وسافر بيها من المنصوره للعاشر من رمضان؟؟؟؟
زي ما قلنا لو عايز عربيه قويه تتحمل وصاج زي صاج الترامكو يبأى التيمبرا بس تجيب ١٦٠٠cc مش ١٤٠٠cc وهتلاقي تكيفها ثلاجه ودور على عدادات ديجيتال وممكن تجيب فتحة سقف كمان وصالون مركب وشنطه ممكن تتأفل أوضه.
يعيبها الكهرباء عاوزه واحد كهربائي مابيجربش ويتعلم في العربيه وقطع غيارها اغلى شويه من الاكسيل
ولو عايز عربيه قطع غيارها ببلاش وسهله الصيانه واهم حاجه اعادة بيعها سريعه وعليها طلب هات الاكسيل.
ربنا يوفقك صلي استخاره وابدأ دور وعموما حالة العربيه هيا الاهم واختيار موفق والعربيتين محترمتين
وما تنساناش في العزومه ماتاخدناش في دوكه.ههههه

العزومة محفوظة ولفه بالعربية كمان ان شاء الله

المشاركة الأصلية كتبت بواسطة rotanamasoud

مقصات مثلثه ب 3 نقط ولو شوفت شكلهم وحجمهم حتحس انهم قويين جدا
تثبيت العجله انا مركذتش فيه بس هى عربيه متامنه انا كنت زيك كده متعقد من الفيات عشان زمان ال27 ومن كتر تعقيد العفشه فى التمبراكان لازم تفك الموتور عشان تطلع الاسكاتره بس دلوقت بيفكو العفشه من تحت عشان يحلوهاواولا واخيرا العربيه السليمه تكسب
انا كانت معايا التمبرا الكامله اللى بيسموها الالمانى ودى اصلا مختلفه عن المصرى والايطالى

ان شاء الله اجيب المانى او ايطالى لو تمبرا ولو اكسل بدور على حاجة كورى

ربنا يوفقك