الموضوع: تجربتي الخاصة مع زيت محرك موبل 1x1 5W-30 لسيارة شيفورليه لانوس 2015

اخواني في الله تحياتي للجميع وخاصة عمالقة المنتدي الذين تعلمت علي ايديهم الكثير

بارك الله لهم في علمهم وفي مجهوداتهم

تحية خاصة جدًا لأستاذي بوريو الذي اوضح لي الكثير الذي لم اكن اعرفه

==========================================

==========================================

اخواني الخص لكم تجربتي مع زيت محرك موبل 1x1 5W-30 للأسف الشديد ولقلة الخبرة والمعلومة كنت بحط زيت 20w-30 وذلك لترشيح محلات الزيوت له دون الاعتماد علي اي معلومة او كتالوج او حالة العربية او نوع الاستخدام

ولكن بعد استعمالي لزيت موبل 1x1 5W-30 تغير الحال بشكل كبير في سحب العربية وصوت الموتور واداء العربية بشكل عام وكان ده تقريبا في شهر اكتوبر اللي فات وكان الجو مازال حر بس كان باقي حاجتين اجرب الزيت بعد 1000 كيلو علي الاقل واجربه في الجو البارد ..... الحمد لله السحب زاد كفاءة وصوت الموتور هادي كما هو وتسخين العربية مابياخدش ثواني بالكتير 30 ثانية زي تعليمات الكتالوج .... تشغيل العربية الساعة 6 الصبح في عز البرد ماشاء الله والاداء رائع من اللحظة الاولي ولا انكر ان الزيت نقص الي حد ما لكن انا عارف السبب هو الفلتر المضروب اللي انا جبته بسبب ( الجوان ) لأني عرفت بعدها للأسف الفرق بين الفلتر الاصلي والمضروب . المهم ولاد الحلال دلوني علي ( عزيز سليمان ) في سوق التوفيقية لبيع القطع الاصلية للانوس .

===============================================

يا رب المشاركة تكون فيها فايدة للجميع .... مشكورين

لا انكر ان الذي انقذني من التمادي في استخدام زيت غير مناسب هو منتدانا الرائع وعمالقته المخلصين .... كل الشكر احبابي في الله

المشاركة الأصلية كتبت بواسطة zeroten

مشكور اخي الكريم علي مرورك نورت الموضوع .... واحب اقولك حاجة انا اتعلمت في شغل وصيانة العربيات اني مجازفش واعتمد علي رأي الصنايعي لازم اسأل اهل العلم الاول وادرس الموضوع وبعد كده اتوكل علي الله واحاول انفذ صح .... مشكور اخي الكريم

حضرتك عندك حق بس حط تحت كلمة اتعلمت دى مليون خط انا قب كدة مكنتش اعرف وكنت لما اروح بنزينة اغير زيت هو بيحط 50 لوحدة بس بعد كدة اتعلمنا من الاستاذ بوريو واتعلمنا كمان ان الموضوع اعمق من مجرد لزوجة لا الموضوع حسب الاكواد والمواصفات كمان

على فكرة الراجل دة مش بيبخل ب اى معلومة يعرفها مش الزيوت بس لا دة كمان معلومات اخرى