10w40 ولا 5w40

**NaAZoOR** · 29-12-2016 08:57 AM

المشاركة الأصلية كتبت بواسطة tasaka

ده توضيح لرقم ال tbn و تأثيره على ميعاد تغيير الزيت .. و هو ايضا من طرق تحديد العمر الافتراضى للزيوت بصفه عامه ( سواء الزيوت الجديده او المستعمله فعلا )

- رقم ال tbn ده بيعبر عن مدى قدره الزيت على مقاومه الاحماض المتكونه .. و بالتالى الصدأ .. و التآكل .. وبالتالى الاكسده

- عموما فى زيوت معدنيه ليها رقم tbn عالى .. موبيل عندها زيوت الرقم بيوصل 12

- العبره موش بالرقم فى حد ذاته .. و لكن فى مدى قدره الزيت ( كوحده واحده شامله التصميم الكامل للزيت و الاضافات ) على المحافظه على هذا الرقم اثناء فتره الاستخدام ( انخفاض تدريجى محسوب )

بمعنى رقم ال tbn لا يتم النظر اليه كرقم و لكن كعلاقه مع رقم اخر هو tan
.. ( total acid number ) كدلاله على تكون الاحماض

اضغط هنا لمشاهدة الصورة بالحجم الطبيعي.

- من احدى اساليب تحديد drain interval هو حساب العلاقه بين tbn و ال tan و بناء عليها يتم تحديد العمر المناسب لاستخدام للزيت

رقم ال tan يظل ثابت .. و لا يبدا بالارتفاع الا بعد ان ينخفض رقم ال tbn بنسبه 50% مثلا
حينها يبدأ رقم ال tan فى الارتفاع الى حين الوصول الى نقطه التعادل بينهما مثلا ( مثلا عند انخفاض 65% من رقم ال tbn )

- الفكره .. يعنى انا لو عندى زيت ( او موتور .. او قوانين ) استطاع ان يمنع تكون الملوثات اصلا .. يبقى اقل رقم tbn سيؤدى المطلوب قبل ان تتكون الاحماض بصوره ضاره

هل فيه طريقة استطيع بيها كمستخدم معرفة ال tbn و ال tan للزيت اللي عندي؟

**tasaka** · 29-12-2016 06:04 PM

المشاركة الأصلية كتبت بواسطة NaAZoOR

هل فيه طريقة استطيع بيها كمستخدم معرفة ال tbn و ال tan للزيت اللي عندي؟

فى الزيت الجديد :

- رقم ال ال tbn ممكن تعرفه .. فيه بعض الزيوت بتضع الرقم ده ضمن المواصفات الفنيه للزيت

المواصفه الفنيه بتكون فى الداتا شيت بتاع الزيت Data Sheet

رقم ال ال tbn اخنصار ل Total Base Number

- ال TAN طبعا موش مذكور لانه غير مرتبط بالزيت .. هو مرتبط بالمحرك بتاعك و طريقه الاستعمال و الوقود و غيره من العوامل

ال TAN هو اختصار ل Total ِAcid Number .. و بيدل كفكره عامه على كميه الاحماض المتكونه

فى الزيت المستعمل :

يمكن ارسال عينه الى معامل متخصصه لتحليل الزيت اثناء استعماله او بعد استعماله .. لتحديد خواصه

و من ضمنها الرقمين TBN, TAN