10w40 ولا 5w40

**mostafa_3tiya** · 20-12-2016 10:32 PM

كنت عايز استفسر عن لزوجه الزيت احط 10w40 ولا 5w40
العربيه اسبرانزا 516 عامله 62الف كم ... كنت حاطت زيت كاسترول ماجنيتك 10w40
وعايز اغير ل امسويل فا اختار انهي لزوجه ؟؟؟

**tasaka** · 21-12-2016 12:11 AM

انتظر رد المهندس بوريو لاختيار الزيت المناسب لك

الافضل انك توضح طريقه استخدامك ( القياده ) .. و الاستعمالات .. و السعر اللى انت حاطه فى ميزانيتك للزيت

التوضيح ده سيجعل المهندس بوريو يعطيك افضل الحلول المناسبه لعربيتك و احتياجاتك

اما بالنسبه للزوجه .. اعتقد انها حتكون 10w40 .. و انتظر تأكيد من احد مالكى السياره برضه

**miam0502788391** · 21-12-2016 01:28 PM

انا بحط 5-40 رغم ان الكاتلوج موصى ب 10-40 لكن حاسس انه افضل خصوصا فى الشتاء وطالما مفيش تسريب زيت حط ال 5-40

**mostafa_3tiya** · 22-12-2016 12:34 PM

المشاركة الأصلية كتبت بواسطة miam0502788391

انا بحط 5-40 رغم ان الكاتلوج موصى ب 10-40 لكن حاسس انه افضل خصوصا فى الشتاء وطالما مفيش تسريب زيت حط ال 5-40

واحد قالي نفس كلام حضرتك....بس المعلومه بس افضل ف ايه...ولو حصل نقص اتصرف ازاي

**akmm** · 22-12-2016 12:46 PM

مواتير شيرى اللى هي اسبيرانزا بتوصى بان لزوجه زيت الماتور هي 10/40 والعموم بيحط غير كده لعدم توافر اللزوجه دى في أنواع كتيره من الزيوت اللى بتباع هنا بخلاف نوعين تلاته منهم الأكثر تواجدا وهو في محطات توتال ..... انا اللزوجه الموصى بها للماتور لانه ميتسوبيشى هي 0/40 ودى موجوده بقله في موبيل فقط وصعب الاقيها في كل محطات موبيل وغير موجوده في زيوت شل اللى بتباع هنا في مصر .... ولكنى بحط اللزوجه اللى هي 5/40 وهى غايه في الروعه وجيده جدا ونوعيه الزيت شل الترا .

**NaAZoOR** · 22-12-2016 01:48 PM

أنا معايا 516 و حاطط لها كاسترول ماجنتاتيك و زي الفل معايا و العربية عاملة 145500.
فيه ناس بتحط 5w40 وشغال معاها تمام، المهم تكون العربية مابتاكلش زيت معاك و إلا هايزيد معدل النقص مع ال 5w40
الكاسترول ايدج ممتاز و بيتحط لل بي ام و ال vw و غطا الزيت فيهم مطبوع عليه كاسترول
و ميزته انه بيقعد 15000 كم أو سنة كاملة
امسويل ال oe بيقعد 6 شهور بس، عندهم نوع تاني بيقعد سنة بس مش فاكر اسمه.
مهم جداً تغير فلتر مع غيار الزيت مش مرة و مرة
و ماتعملش engine flush لما تغير الزيت.
رأيي الشخصي خليك مع كاسترول ايدج 5w40 لأن الألمان مش بيدوا ثقتهم بسهولة لمنتج.

**borio1704** · 23-12-2016 05:33 PM

المشاركة الأصلية كتبت بواسطة mostafa_3tiya

كنت عايز استفسر عن لزوجه الزيت احط 10w40 ولا 5w40
العربيه اسبرانزا 516 عامله 62الف كم ... كنت حاطت زيت كاسترول ماجنيتك 10w40
وعايز اغير ل امسويل فا اختار انهي لزوجه ؟؟؟

كتالوج عربيتك طالب لزوجة 10W-40 فقط .. مع مستوى جودة لا يقل عن API SJ.

بالنسبة لآمسويل.. فعندهم نفس اللزوجة.. ومناسب جدا لعربيتك من ناحية الأداء والجودة.

AMSOIL XL 10W-40 Synthetic Motor Oil

مستوى أداؤه API SN, SM…; ACEA A1/B1

وحسب المكتوب في موقعهم.. فالزيت ده بيعيش لحد 16 ألف كيلومتر (10 آلاف ميل) أو 6 أشهر... أيهما أقرب

بعض الناس بتقول إنك ممكن تنزل باللزوجة الباردة (الرقم ما قبل حرف W) بمقدار 5 بدون مشاكل في الأداء.. بس أنا شخصيا ما أفضلش الكلام ده خالص.. وأفضّل الالتزام التام بالكتالوج.

...