الموضوع: اشتريت فيات 128 وعندي أسئلة محتاجه اجابات

المشاركة الأصلية كتبت بواسطة mohamed.salama

السلام عليكم .. الحمد لله اشتريت سيارة فيات 128 بمبلغ 22 ألف جنيه ، والسيارة بها عدة أشياء أحتاج إلى المساعده في صيانتها ومعرفة أسعارها فهذه أول مرة أقتني سيارة ..
أولا / سعر السيارة كثيرين قالوا لي أنه غالي جدا ومواصفات السيارة كالتالي :
موديل 83 ماتور 1100 فتيس 6 غيار ، عفشة بحالة جيده، ماتور سحبه ممتاز، دهان خارجي ممتاز، صالون متوسط الحال، كرسي السائق محتاج صيانة (المجرى بتاعته بايظه) ، زجاج كهرباء أمامي ، حوض ممتاز ، بارومه خفيفة أعلى الرفرفين يمين ويسار . سماعات (بدون كاسيت) .
وعليكم السلام ورحمة الله وبركاته
ألف مبروك العربيه
المفروض كل الفيات اربعه غيار امامى وواحد مارشدير لحد موديل 88
بعد كده فهى 5 غيار امامى وواحد مارشدير

ثانيا / عيوب السيارة من وجهة نظري.


1- الطارة الإسبور صغيرة الحجم جدا مش مرتاح معاها خالص وبحس اني بلف الدريكسيون 7000 لفه عشان اكسر يمين او شمال والدريكسيون تقيل .
غيرها بطاره اصليه وهاتها استيراد

2- كرسي السائق محتاج صيانة (هابط وواطي ومش مرتاح فيه)

هتروح لسروجى ينجده ويظبط المجرى بتاعته

3- الأنوار كلها مش شايف منها حاجه سوء انوار الصالون أو النور الأمامي وكلت مطبين لحد دلوقتي بسببهم.

هتجيب فانوسين جداد واهم حاجه يتم تظبيطهم كويس وتحط ورا اللمبات غطيان كاوتش متسربش تراب ليها اسم معين بس انا ناسيه دلوقتى
4- السيارة واطيه شوية وعاوز اعليها.
هتروح لعفشجى يبص عالسوست ويبص عالمساعدين

ثالثا / ما أحتاج تصليحه وتركيبه ولا أعرف كم يتكلف لأني جديد جدا وليس لي سابق حبرة وعاوز ولو اسعار تقريبيه قبل ما اقرر اعمل اي حاجه لأني ناوي اعمل الصيانة مرة واحده عشان متعطلش كتير عشان شغلي :


( عاوز حد يعرفني في الآتي ، هيتصلح بكام وتخصص ايه او مين ، ميكانيكي عفشجي ، سمكري لأني مش عارف:-


-- السنتر بالإنذار هيتكلف كام ومين هيركبه. ولو فيه انواع ايه الأفضل لعربيتي؟
كهربائى او محل زى ادريان
-- مروحه الريداتير صوتها عالي وفيه زنه مستمرة كأنها بتخبط في حاجه كشفتها لقيتها بتلف كويس ومش بتخبط والريداتير هو اللي بيعمل الصوت ده زي ما يكون عاوز يتربط كويس مين هيعمله وهيتكلف كام؟
بتاع الريداتير ولو انت عندك الميكانيكى يبصلك عليه
-- الدريكسيون التقيل مين هيعمله وهيتكلف كام وهل صغر حجم الطارة الإسبور له دخل بتقل الدريكسيون؟
-- طقم مرايات على الجانبين نضاف ، بكام ؟
-- الزجاج ملزوق عليه من جوه فاميه وانا مش عايز مشاكل مع المرور عشان لسه مطلعتش رخصه ، مين يشيله وبكام؟
-- كرسي السائق، مين يصلحه ويخليه يطلع ويرجع كويس ؟ وياخد كام؟
-- أنوار الكشاف الأمامي محتاجها صافيه وضوءها قوي مش اللي هتعميني دي . بكام ؟
-- لو عايز اعلي العربية شوية عن كده، فيها مشكلة على العفشة واللا لأ ؟
..........
أعرف أعمل إيه
- أركب مرايات وانوار وكان فيه كالون باب بايظ شلت الفرش وعرفت اصلحه
- تركيب لمض الكشافات الأمامي ، سهله
- انا عندي محل وممكن اشيل الفاميه بالهوت اير بس خايف ابوظ القزاز ، اعمله واللا اوديها لمختص؟


--
أعتتذر على الإطالة وأرجوا الإفاده


(ملحوظه)
جيت اتدرب على المرور من الأقماع ووضعت بدل الأقماع قوالب طوب أحمر وكانت النتيجة كارثية وزعلان اوي الصراحه. محتاج الرخصة عشان اروح اجيب بضاعه من اماكن بعيده ومش عارف هعمل ايه في موضوع الأقماع ده.
اتدرب عالاقماع احسن لانك بتشوفها من المرايه بعكس الطوب لان ارتفاعه قليل او ظبط المرايات بحيث تشوف الطوب وانت راجع

ربنا يكون فى عونك شكلها فيها شغل كتير