الموضوع: مشاكل غير مفهومة فى الإلنترا 2008

على فكرة نقص المية شوية صغيريين شىء طبيعي جدا .. يعني لو بتنقص قد نص كوباية كل اسبوعين . دة شىء عادي لانة بيتبخر من الحرارة والفقاعات دة كمان طبيعي . اهم حاجة ان المية ماتكونش بتنقص كتير وفي المعقول وحاول تفتح الكبوت تشيك على المية بعد ما تكون سوقتها شوية حلويين لو كاملة خلاص يبقى معندكش مشكلة ولو نقصيت ..يبقى عندك تهريب ..حول تنزل تحت العربية وتراقب هل في مية بتنزل ولا لاء . بالنسبة لريحة الزيت اهم حاجة انك تتاكد ان مش زيت ماكينة او فتيس . وتشيك كل يوم على زيت الماكينة .. بعد ماتتاكد ان الريحة دي مش ريحة زيت ماكينة اوفتيس ..نام وانت مرتاح.. بس حابب اسئلك انت بتحط مية عادية ولا مية حمراء او خضراء ؟؟

شكراً ياجماعة
قدر الله وماشاء فعل
العربية جابت جوان وش السلندر والريدياتير أتخرم
العربية كانت بتسخن بس المؤشر ماكانش بيعلى عن النص مش عارف إزاى ؟!!!!!
أمبارح العربية لقيتها بتبطل منى و متبرجلة أخر حاجة روحت للميكانيكى بيفتح الكبوت قالى العربية سخنة مولعة والريدياتير بارد بنفتح طبة الريداتير مافيش نقطة ماية
الميكانيكى قالى من كتر الضغط الريدياتير أتخرم من أضعف حتة
أنا لما كنت بزود ميه كنت بزود من القربة وكنت فاكر أنى طالما ظبطت القربة يبقى الريدياتير أتظبط
طبعا بصينا على الزيت لقيناه بدأ يعمل طحينة بسيطة على غطا تعبئة الزيت
الحمد لله قدر الله وماشاء فعل
بس كل اللى عايز أعرفه إزاى العربية بتسخن و المؤشر عندى ماكانش بيعلى ؟؟؟؟؟؟؟؟؟؟؟؟
وشكرا ً لكم