الموضوع بأختصار أنه منذ يومين نزلت أدور العربية بالليل و كان الجو شديد البرودة و كمان العربية كان بئالهاااا أسبوع راكنه ما مشتشي بيها .. فالمهم أنها ما دارتشي .. فيه مكتب تأجير سيارات في المساكن عندنا فذهبت أليه و طلبت من صاحبه أنه يجيي يشوف العربية .. المهم أنه جاء و حاول يدور العربية فما دارتشي برضه معاه .. قام عامل أيييييييه .. حط مفتاح الكونتاكت على وضع تشغيل الموتور ( ما قبل وضع المارش مباشرة ) فالتابلوه نور بالكامل معاه .. و راح ناقل عصاية الفتيس على ال N بعد ما داس على الفرامل طبعا .. و بعدين حاول أنه يدور المارش و عصاية الفتيس على ال N .. فالمهم أن العربية ما دارتشي معاه برضه .. لسوء الحظ أن المجاري بتاعة المساكن كانت طافحة و كان فيه شوية ميه مش نضاف حوالين العربية و كمان العربية كانت راكنة عموديه و وشها للحيطه .. فقام صاحبنا عامل أييييييه .. قعد يلف في طارة الدركسيون و يزق في العربية للخلف من القايم الوسطاني بتاعها لحد ما خرج بيها من الميه و أصبحت العربية موازية في طول الطريق كل ده و الفتيس على ال N و التابلوه منور بس المكنه مش دايره .. و بعدين راح على المحل بتاعه و جاب عربية لانوس و عمل توصيله بين البطاريتين بعد ما وقف العربيتين قدام بعض بالظبط .. فقامت العربية دارت و المارش أشتغل .. المهم أن أول العربية ما دارت خرجت عملت المشوار بتاعي بالليل فلاحظت أن طارة الدركسيون مش هي دي اللي أنا متعود عليها .. زي ما تكون أصبحت خفيفة في أيدي .. هو أينعم ما كنتش سامع فيه صوت و لا تزييق و لا رجة و لا الحاجات اللي بنسمع عنها في عيوب العفشة دي .. بس برضه مش حاسس أن ده هو تقل الطارة اللي أنا متعود عليه .. حاسس زي ما تكون الطارة أصبحت أخف من اللازم أو أنعم من الأول .. و السؤال اللي أنا أحب أطرحه على السادة أعضاء المنتدى الكرام .. هو هل لف طارة الدركسيون بدون تشغيل الموتور في الباور الأتوماتيك يؤدي لتلف الطارة أم لا .. و هل اللي عمله الراجل ده من أول ما زق العربية و هي واقفة على ال N . لحد ما حرك الدركسيون بالعافيه . لحد ما وصل الكهربا .. هل كل هذا صحيح أم لا .. أيييييه الصح و أييييييه الغلط في اللي هو عملووو .. و هل أستعين بيييييييه بعد ذلك في حالة حدوث أعطال مفاجئة و لا مفيش داعي طالما حاا يأذي العربية و بيتصرف بغشومية .. أنا حد علمي أن الأتوماتيك كله متربط بالكهربا و طالما مفيش كهربا لايجوز أحداث أي حركة فيه أو بمعنى آخر تحريكه من مكانه لحد ما يتصلح و يمكن عشان كده الناس بتبئاا مش مقبله على الأتوماتيك و بتخاف منه و من أعطاله و بتفضل عليه المانيوال زي ما بنسمع .. أنا في أنتظار ردودكم الجميلة و ربنا يجعلها في ميزان حسناتكم بأذن الله .. مع العلم أن السيارة هي دايهاتسو سيريون موديل 2011 و عامل بييييها 14000 كم ( أربعة عشرألف كيلومتر فقط لاغير ) لحد دلوقتي .. و بعد ما أسعار السيارات ولعت ماا بئاااش معانا لا نجيب جديد و لا نصلح .. الحمد لله دي اللي طلعنا بييييها من أيام الرخص .. أرجو ألا أكون أطلت عليكم .. و السلام عليكم و رحمة الله و بركاته
المفضلات